Click to listen highlighted text!
   Ташрифнинг охирги куни делегация аъзолари йирик иш берувчилар - "Renessans heavy industries", "Велестрой", "Сарен" каби компанияларда ишлаётган меҳнат мигрантлари  билан учрашиб, уларга яратилган шарт-шароитлар билан танишдилар. Маълумот учун ушбу корхоналарда бугунги кунда 12 минг нафарга яқин ходимлар меҳнат қилиб, улардан 5 минг нафарини хоразмликлар ташкил қилади.

   Бугун Урганч давлат университетида замонавий математиканинг долзарб  муаммоларига бағишланган биринчи халқаро конференция ўз ишини бошлади.



Ассалому-алайкум,  ҳурматли сессия қатнашчилари!

Ҳурматли депутатлар!

Жорий йилнинг 1-ярим йиллигида вилоятни ижтимоий-иқтисодий ривожлантиришда бир қатор ижобий натижаларга эришилди. 

Жумладан, жорий йилнинг январ-июнь ойларида ялпи ҳудудий маҳсулот ҳажми 106,1 фоизга, ҳудудий саноат маҳсулотлари ишлаб чиқариш ҳажми 129,4 фоизга, ялпи қишлоқ хўжалиги  маҳсулотлари ишлаб чиқариш 103,5 фоизга, ўзлаштирилган инвестициялар ҳажми 104,7 фоизга, қурилиш ишлари ҳажми 103,5 фоизга ва жами хизматлар 112,5 фоизга бажарилишига эришилди. 


   Бугун Халқ депутатлари Хоразм вилояти Кенгашининг қирқ тўққизинчи сессияси бўлиб ўтди.Сессия ишини вилоят ҳокими, халқ депутатлари Хоразм вилояти Кенгаши раиси Фарход Эрманов бошқариб борди.



   Унда вилоят ва туман ташкилотлари раҳбарлари, Халқ қабулхонаси вакиллари иштирок этдилар.

Бухоро шаҳрида ўтказилаётган Ўзбекистон – Туркманистон ҳудудлараро форуми доирасида Ўзбекистон – Туркманистон тадбиркорлар Кенгашининг 2-йиғилиши, ҳар икки мамлакат саноат маҳсулотлари ва халқ амалий санъати буюмлари кўргазмаси ташкил қилинди. Шунингдек, Туркманистон томони билан қишлоқ хўжалиги, автомобилсозлик, тўқимачилик, кимё ва нефть саноати, транспорт ва логистика, энергетика, туризм ва бошқа соҳаларда қўшма инвестиция лойиҳалари ва савдо битимлари имзоланди.


Хоразм вилоятида сенаторлар ва депутатлар, халқ депутатлари туман, шаҳар Кенгашлари котибиятлари мудирлари ва оммавий ахборот воситалари вакиллари иштирокида ўтказилган давра суҳбатида  “Ўзбекистон Республикаси Конституциясига ўзгартиш ва қўшимчалар киритиш тўғрисида”ги  конституциявий қонун лойиҳаси муҳокама этилди. Унда Олий Мажлис Сенатининг Аграр ва сув хўжалиги масалалари қўмитаси раиси Баҳодир Тажиев қатнашиб  мазкур ҳужжатнинг инсон қадри, ҳуқуқ ва эркинликларининг кафолати сифатидаги аҳамияти ва мазмун-моҳиятини аҳолига тушунтириш, умумхалқ муҳокамасида фуқароларнинг фаоллигини ошириш хусусида тўхталди.


 Мулоқот давомида вилоят ҳокими мамлакатимизда кейинги йилларда ёшларни қўллаб-қувватлаш, уларнинг ўз иқтидор ва салоҳиятини юзага чиқариши учун кенг имкониятлар яратиб берилаётганлиги, давлатимиз раҳбари ташаббуси билан янги олий ўқув юртларининг ташкил қилиниши ва қабул квоталарининг ошириши, ёшлар тадбиркорлигини ривожлантириш ва бандлигини таъминлаш борасида олиб борилаётган ишлар хусусида тўхталди.


Жорий йилнинг 1 июлидан 19 июлгача маҳалла фуқаролар йиғинларига янги сайланган раислар учун ўқув семинарлар ташкил қилинди. Урганч давлат университетида ўтказилаётган ўқув машғулотларида маҳалла раислари 30 кишидан гуруҳларга бўлинган ҳолда бир ҳафтага мўлжалланган дастур асосида ўқитилмоқда.  Семинар дастуридан вилоят сектор раҳбарлари иштирокида мулоқотлар ўтказиш ҳам кўзда тутилган.



   Бугун Урганч шаҳрида “Киберхавфсизлик маркази” Давлат унитар корхонаси ва “Ўзкомназорат” Хоразм вилояти ҳудудий инспекцияси ҳамкорлигида Ўзбекистон Республикасининг ”Киберхавфсизлик тўғрисида”ги қонунининг мазмун-моҳияти, мақсад ва вазифалари бўйича семинар ўтказилди. Унда вилоят, шаҳар ва туман ҳокимликлари, вилоятдаги давлат ва хўжалик бошқаруви органларининг масъул ходимлари иштирок этдилар.