Click to listen highlighted text!
Республика махсус комиссияси томонидан тасдиқланган парвозлар жадвалига мувофиқ 7 октябрь куни "Uzbekistan Airways" авиакомпаниясига тегишли Boeing 757 cамалёти оркали амалга оширилган “Санкт-Петербург – Урганч ” чартер рейси орқали 186 нафар ҳамюртимиз Санкт-Петербург шаҳридан Урганч шаҳрига олиб келинди.


Хоразм вилояти Транспорт бошқармаси Матбуот хизмати 

2020 йилнинг 08 октябр куни “Сиздан телеграм” номли телеграм каналига “Ҳамшира ҳамда умумий амалиёт шифокорларини дезинфекцияга жалб этиш қонунчиликка тўғри келадими?” мавзусидаги мақола юзасидан қуйидагиларни маълум қиламиз.

Хоразм вилояти Санитария-эпидемиологик осойишталик маркази томонидан шаҳар ва туман тиббиёт бирлашмалари ва СЭОМларга дезинфекциялаш ишларини амалга ошириш тартиби бўйича ҳақиқатдан 2020 йил 05 октябрда 1/4882-сонли топшириқ хати берилган.

Коронавирус пандемияси бошланиши билан жорий йилнинг апрел ойидан бошлаб Ўзбекистон Республика Бандлик ва меҳнат муносабатлари вазирлиги ҳузуридаги Жамоат ишлари жамғармаси маблағлари ҳисобидан вилоятда иш билан банд бўлмаган 500 нафардан ортиқ фуқаролар (жамоатчилик ходимлари) жорий дезинфекциялаш ишларига жалб қилинди. 2020 йилнинг октябр ойидан Жамоат ишлари жамғармасида пул маблағлари етарли бўлмаганлиги, яъни маблағ ажратилмаганлиги сабабли дезинфекциялаш учун жалб қилинган жамоатчилик ходимларини иш фаолияти тўхтатилди.

Дезинфекциялаш тадбирлари жорий ва якуний бўлиб,

Жорий дезинфекция тадбирлари: беморлар даволанаётган жойларда - шифохона ёки уйида ўтказилади;

Якуний дезинфекция тадбирлари: беморлар шифохонага ётқизилгандан сўнг – уйида, шифохонадан даволаниб уйига чиққандан сўнг - шифохонада ҳамда бемор вафот этгандан кейин (шифохона ёки уйида) қилинади.

Якуний дезинфекциялаш ишлари Соғлиқни сақлаш вазирлигининг 05.12.2009 йилдаги 0280-09-сонли (“Санитарные правила и нормативы по организации и проведению заключительной и текущей дезинфекции в эпидемических очагах”) санитария қоида ва меъёрларининг 2-боб 2.1-бандига асосан Санитария-эпидемиология хизматининг дезинфекция бўлими ёки Дезинфекция станцияси томонидан амалга оширилиши белгиланган.

Соғлиқни сақлаш вазирлигининг 05.12.2009 йилдаги 0280-09-сонли санитария қоида ва меъёрларининг 4-боб 4.4-бандига асосан уй шароитида жорий дезинфекциялаш ишларини амалга ошириш, 4.8-бандида дезинфекцияловчи воситаларни сақлаш, тайёрлаш ва ишлатилишини назорат қилиш тиббиёт ходими зиммасига юклатилган ва кундалик дезинфекциялаш ишларини ўтказиш аҳолини ўзи томонидан амалга оширилиши белгиланган. Ушбу бандда шунингдек, бемор шифохонага ётқизилгунча, уйида даволаниб соғайгунча, бактерия ташувчи бўлганда - бутунлай соғайгунча ва касалланганлар диспансер ҳисобидан чиқарилгунча жорий дезинфекциялаш ишларини ўтказиш белгиланган.

Ушбу санитария қоида ва меъёрлари Соғлиқни сақлаш вазири ўринбосари, Бош Давлат санитария врачи Б.И.Ниязматов томонидан 2009 йил 05 декабрда тасдиқланган ва бугунги кунгача республика бўйича қўлланилиб келмоқда.  СанҚваМ 0280-09 “Санитарные правила и нормативы по организации и проведению заключительной и текущей дезинфекции в эпидемических очагах” Адлия вазирлигининг 2009 йил 17 ноябрдаги 6-15/11-9728/6-сонли хати билан экспертизадан ўтказилган ва ўз кучини йўқотмаган.


Бугунги кунда Хоразм вилояти бўйича Республика ҳудудида юк ташувчи 235 та корхонада 1935 та ҳамда Халқаро юк ташувчи 71 та корхонада 828 та юк автомобиллар мавжуд.
        Вилоятдаги мавжуд юк автомобиллари ҳисобига битта қатнов билан Республика ҳудудидаги юк ташувлари орқали 18 872 та тонна ҳамда Халқаро юк ташувлари орқали 21 497 тонна юк ташиш имкониятлари мавжуд.
        Темир йўл транспорти бўйича Республикадаги мавжуд юк ташиш вагонлар сони 6 945 та. 
         Автомобиль транспортида юкларни халқаро ташиш бўйича автокорхоналар томонидан кўрсатилган экспорт хизматларидан тушган тушумлар жорий йил     1 октябрь ҳолатига 1,85 млн доллар, 112,6 минг евро, 11,9 млн рубль, 45.8 млрд сўм миқдорида экспорт юкларни ташиш хизматлари кўрсатилган. 
    Экспорт қилинаётган юклар асосан Афғонистон, Азарбайжон, Вьетнам, Бангладеш, Беларусь, Германия, Грузия, Эрон, Қозоғистон, Хитой, Корея, Латвия, Молдова, Полша, Россия , Тожикистон, Туркманистон, Туркия, Украина, Америка Қўшма Штатлари давлатларига етказилган. 

Хоразм вилояти Транспорт бошқармаси Матбуот хизмати


     Хоразм вилояти Боғот туманида “Рақамли технологиялар ўқув маркази” очилиши бўйича 
Ўзбекистон Республикаси Президенти Муҳатарам Ш.Мирзиёев томонидан илгари сурилган 5 та муҳим ташаббуснинг учинчи йўналиши – аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилган бўлиб, бу борада қатор вазифалар белгиланиб, ишлар олиб борилмоқда.Хусусан 3-ташаббус доирасида Ахборот технологиялари вазирлиги томонидан мамлакатимизнинг барча ҳудудларида аҳоли ва ёшлар учун Рақамли технологиялар ўқув марказлари ташкил этилмоқда.
     Ушбу ўқув марказларидан бири мана бугун Хоразм вилояти Боғот тумани марказида очилиб, ўз иш фаолиятини бошламоқда. 
Ўқув марказини ташкил этиш учун “Ўзбекистон почтаси” АЖ Хоразм филиалига қарашли бўш турган бино танлаб олинди.
     Боғот тумани ҳокими Ойбек Холбоев ташаббуси билан ушбу даргоҳ тўлиқ таъмирдан чиқарилди.
     Рақамли технологиялар ўқув маркази замонавий компьютер технологиялари, робототехника жиҳозлари, проектор, киберспорт ўйинлари ускуналари ва бошқа энг сўнги русумдаги техника воситалари билан жиҳозланди. Қисқача қилиб айтганда ўқув марказида аҳоли ва ёшларнинг замонавий ахборот технологиялари соҳасида билим эгаллашлари ҳамда малакасини оширишлари учун зарур бўлган барча шарт-шароилар яратилди. 
Келгусида туман ёшлари ушбу ўқув марказида ахборот технологиялари, дастурлаш соҳаларида инновацион ишланмалар яратиш, старт-ап лойиҳаларини ишлаб чиқиш билан шуғулланадилар. 
     Шу билан биргаликда ўқув марказида корхона ва ташкилотлар ходимларини замонавий ахборот технологиялари соҳасида малакасини ошириш режалаштирилган. Ўқув марказида компьютер саводхонлиги, дастурлаш, робототехника, интернетдан фойдаланиш, киберспорт йўналишларида тўгараклар ҳамда бошқа бир қатор йўналишларда ўқув курслари ташкил этилади. 
     Бугунги кунда мамлакатимизда Бирлашган Араб амирликлари билан ҳамкорликда «Бир миллион ўзбек дастурчиси» лойиҳаси амалга оширилмоқда. Ҳудудларда ташкил этилаётган Рақамли технологиялар ўқув марказлари ёшларни «Бир миллион ўзбек дастурчиси» лойиҳасида фаол ва самарали иштирок этишларида кўмакдош бўлади. Шунингдек ушбу “Рақамли технологиялар ўқув маркази” ёшларимизнинг бўш вақтларини мазмунли ўтказиш орқали ўз истедодларини тўлиқ ва ҳар томонлама намойиш этишлари ва орзу истакларини рўёбга чиқаришларига имкон беради. 
     Мазкур ўқув маркази Боғот тумани ёшлари учун муносиб туҳфа бўлиб, келгусида ёшларнинг қадрдон масканларига айланишидан Боғотликлар рози бўлиб, самимий хурсандчиликларини изҳор қилмоқдалар.

   2020 йил 1 августдан  бошлаб  Урганч аэропортида жорий қилинган "Очиқ осмон" режими асосида «Ўзавиация» агентлиги “SCAТ” авиакомпаниясига 2020 йил 2 октябрда  Актау – Урганч – Актау йўналиши бўйича  мунтазам  парвозларни  амалга  оширишга  рухсатнома  берди. 



Хоразм вилояти ҳокимлиги биносида халқ таълими вазири Шерзод Шерматов, Хоразм вилояти ҳокими Фарҳод Эрманов, вилоят ҳокими ўринбосарлари, вилоят халқ таълими бошқармаси бошлиғи Ҳамро Бектемиров ҳамда бошқа ташкилот вакиллари иштирокида тадбир ўтказилди.


Шерзод Шерматов вилоят ҳокими Фарҳод Эрманов томонидан таълим соҳасига қаратилган эътибор, хусусан, маҳаллий ҳокимлик маблағлари ҳисобидан умумтаълим мактабларида амалга оширилган ишлар, мактабларда SATT платформасининг ўрнатилиши ва бу орқали мактаб битирувчиларининг олий таълим муассасаларига киришга тайёргарлик ишларини тизимли йўлга қўйишдаги хизматларини алоҳида эътироф қилди.   


Шерматов вилоят ҳокими Фарҳод Эрмановни таълим соҳаси ривожига қўшган улкан ҳиссаси учун Халқ таълими вазирлигининг «Таълим ҳомийси» кўкрак нишони билан тақдирлади.


Айни кунда вилоятидаги 546 та умумий ўрта таълим мактабида 355 мингдан зиёд ўқувчи таҳсил олмоқда.

Туркия жумҳуриятининг Евросиё ёзувчилар уюшмаси шафелигида “Bengu” нашриётида ёзувчи Назар Эшонқулнинг “Жалолиддин Мангуберди” киноқиссаси турк тилида чоп этилди.

Киноқиссада Жалолиддин Мангубердининг миллат қаҳрамони сифатидаги жангу жадалларда кўрсатгани жасорати, ибратли ҳаёти ёритиб берилган.

Китобни турк тилига филология фанлари доктори Селами Фидакор таржима қилган.


ЎзА

Хоразм вилояти спорт соҳасининг бир гуруҳ ходимлари «Жисмоний тарбия ва спорт аълочиси» кўкрак нишони билан тақдирланди

Жуманиёзов Эргаш Каримбоевич - Боғот тумани болалар-ўсмирлар спорт мактаби директори

Ибадуллаев Шерзод Назарбоевич - Хоразм вилояти футбол маҳорат мактаби директори вазифасини бажарувчи

Ибраимов Комилжон Реймберганович - Урганч тумани жисмоний тарбия ва спорт бўлимининг спортни ривожлантириш ва саралаш бўйича бош инспектори

Қаллибекова Минера Базарбаевна - Урганч олимпия захиралари коллежининг бадиий гимнастика бўйича катта тренер-ўқитувчиси

Раджаббоев Бахтияр Джумабоевич - Боғот тумани олимпия ва миллий спорт турлари бўйича давлат ихтисослаштирилган мактаб-интернатининг футбол бўйича тренер-ўқитувчиси

Рахимов Атабек Тангрибергенович - Урганч шаҳар олимпия ва миллий спорт турлари бўйича давлат ихтисослаштирилган мактаб-интернатининг футбол бўйича тренер-ўқитувчиси

Ходжаев Рустам - Хива шаҳар жисмоний тарбия ва спорт бўлими бошлиғи

Юлдашев Азамат Рустамович - Хоразм вилояти гимнастика спорт турлари бўйича ихтисослаштирилган болалар-ўсмирлар спорт мактаби директори

Юсупов Руслан Тахирович - Хоразм вилояти спортнинг яккакураш турлари бўйича ихтисослаштирилган болалар-ўсмирлар мактабининг йўриқчи-услубчиси

  Эътироф этиш жоизки, сўнгги йилларда шаҳримизда йўлсозлик соҳасини ривожлантириш, йўлларни халқаро талаблар даражасига етказиш ишларига алоҳида эътибор қаратилмоқда.
 
    Жумладан, бугунги кунда шаҳримизнинг ҳар бир чеккасида замонавий текис йўллар, йўл ўтказгичлар, пиёдалар учун йўлакчалар, кўприклар барпо қилинмоқда.
Шу кунларда шаҳримиздаги "Наврўз" маҳаллаcининг ички йўлларида ҳам таъмирлаш ишлари олиб борилмоқда.
Ушбу маҳаллада жойлашган "Наврўз" қўчасининг 1.5 километр, яъни 5200 метр квадрат қисмига асфальт ётқизилди.
Бу йўлнинг текис ва равон бўлганидан маҳалла аҳолиси жуда хурсанд.

  Зеро, ҳар қандай ислоҳот ва ўзгаришлар негизида инсонларни рози қилишдек эзгу амал туради.


Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ўктам Исоевич Барноев вафоти муносабати билан Хоразм вилояти ҳокимлиги, вилоят фаоллари номидан Ўктам Барноевнинг оила аъзолари, қариндош-уруғлари ҳамда барча яқинларига чуқур таъзия изҳор этади.