Click to listen highlighted text!


“SPLASH URGANCH”  масъулияти чекланган жамиятининг асосий фаолияти кунжутни қайта ишлашдан иборатдир. Бундан ташқари бу ерда таҳин – кунжут пастаси, ва кунжут ҳолваси ҳам ишлаб чиқарилади.  Муқаддам илк фаолиятини бундан уч йил олдин  атиги 5 ишчи билан бошлаган  даргоҳда айни пайтда 40 нафар  ишчи – хизматчи меҳнат қилишаяпти.  


Ҳазорасп тумани ҳокими Ўктам Машарипов бугун туман тиббиёт бирлашмасининг шошилинч тиббий ёрдам бўлимидаги беморлар ва шифокорлар учун яратилган шарт-шароитлар билан танишди. Бу ерда аҳолига тез тиббий ёрдам кўрсатиш ишларини кузатди ва касалхонада даволанаётган беморлар билан суҳбатлашиб, шароитлар борасида беморлар фикрини эшитиб, тиббиёт ходимларига бу борада тавсия ва маслаҳатлар берди.
Шунингдек, туман ҳокими шифохона бўлимларини куз-қиш мавсумига тайёргарлиги, жумладан, табиий газ, электр энергияси тармоқлари, иссиқ ва совуқ сув, канализация  тизимларининг ишлаш тизими билан ҳам танишиб, бу борада йўл қўйилаётган хато-камчиликларни бартараф этиш бўйича мутасаддиларга зарур топшириқлар берди.


Бугун Урганч шаҳридаги "Гулчилар", "Бешмерган", "Бобур" маҳаллаларида “Янги Ўзбекистон — янгича дунёқараш” мавзусида маҳалла аҳолиси ва ёшлар учун маънавий-маърифий тадбирлари ўтказилди.


Ушбу тадбирлар шаҳримиз бўйлаб ҳар бир маҳалла ҳудудида давом этади.


Унинг лойиҳа қиймати 1,9 миллиард сўм бўлиб, замонавий техникалар билан жиҳозланган ва барча шароитлар яратилган.

Бинонинг очилиш маросимида туман ҳокими Алишер Салаев, Аҳоли бандлигига кўмаклашиш бош бошқармаси биринчи ўринбосари М.Атажанов, мутасадди ходимлар, меҳнат фахрийлари ва нуронийлар иштирок этишди.

Қўшкўпир туманининг ҳар бир маҳалласида “Янги Ўзбекистон — янгича дунёқараш” ғояси остида маънавий-маърифий, маданий тадбирлар бўлиб ўтмоқда. 
Бугун анашундай тадбирлар “Кўктом”, “Кўназей”, “Меҳнатобод”, “Чаманзор” маҳаллаларида бўлиб ўтди. 
  Асосий эътибор, аҳоли кайфиятини кўтариш, меҳр-оқибат каби миллий ва умуминсоний қадриятларни янада кучайтириш, мустаҳкамлашга қаратилган бўлиб, бу борада, видеороликлар, куй-қўшиқ ва рақс ташкил қилиниб, бешта муҳим ташаббус доирасида тадбирлар ўтказилди.  
  Энг қувонарлиси, тадбирга йиғилганларнинг барчаси чинакам байрам кайфиятида бўлдилар, рақсга тушиб, даврага файз киритдилар. 


Хабарингиз бор “Урганч-Хива-Урганч” йўналиши бўйича троллейбус қатнови  электр энергияси бўйича юзага келган муаммолар туфайли тўхтатилган эди.  Бугунги кунда молиявий муамммолар тўлиқ бартараф этилиб, троллейбуслар яна ўз ҳаракатларини давом эттирмоқда.


Маълумот учун: вилоятимизда троллейбуслар  қатнови илк маротаба “Урганч-Хива-Урганч” йўналиши бўйича 1997 йилда йўлга қўйилган.



Бугун Урганч туманининг, Мерган овул, Учкўприк, Шохидонлар, Бўстон, Оқ олтин  маҳаллаларида “Янги Ўзбекистон-янгича дунёқараш” шиори остидаги тарғибот тадбирлари бўлиб ўтмоқда. Бўлиб ўтган тарғибот тадбири олдидан Президентимизнинг 5 та ташаббуслари доирасида китобхонлик, шахмат-шашка, спорт гимнастикаси, карате, армреслинг, расм чизиш, роботатехника  каби кургазмали намойишлар бўлиб ўтди. Чинакам байрамона ва жўшқинлик руҳида ташкил этилган тадбир давомида концерт дастури, ғазалхонлик, турли кўнгилочар викториналар ташкил этилди. Бу эса барчани мароқли дам олишига ва рақсга чорлади. Хукуматимиз раҳбари Ш.Мирзиёев томонидан илгари сурилаётган “Бешта муҳим ташаббус” мазмун-моҳияти ва аҳамиятини, бугунги кундаги янгиликлар, ўзгаришларни халқимизга етказиш, уларни кайфиятини кўтариш мақсадида “Янги Ўзбекистон – янгича дунёқараш” маънавий-маърифий тарғибот тадбирлари Урганч туманининг ҳар бир маҳаллаларида ўтказилади.

Об-ҳавонинг кескин ўзгараётгани, қиш мавсуми яқинлашаётганини  инобатга олган холда Хива тумани ҳокими О.Матякубов тумандаги умумтаълим мактабларида қишки мавсумга тайёргарликнинг бугунги кундаги аҳволини кўздан кечирди. Шу муносабат билан тумандаги 7-, 22-, 31- мактабларга ташриф буюрди. 
Жумладан: 22-мактабда етишмаётган 3 та голланд печи янгидан қурилган ва 100 дан ортиқ электр лампалари энергия тежовчи лампаларга алмаштирилган. 7-мактабда 10 та голланд печи янгидан қурилган ва барча синф хоналарида ўқувчилар таълим олишлари учун барча шароитлар яратилган. Мавсумга кўмир заҳираси шай қилиб қўйилган.

Сербиянинг Нови Сад шаҳрида самбо ва жанговар самбо бўйича ўсмирлар ва катталар ўртасида жаҳон чемпионати якунланди.

Ўзбекистон миллий жамоаси таркибида хоразмлик ёш спортчи Эгамберган Искандаров муваффақиятли иштирок этди. У 52 кг вазн тоифасида 3-ўринни қўлга киритди.

Умумжамоа ҳисобида Россия миллий жамоаси 17 та олтин, 4 та кумуш ва 4 та бронза медали билан ғолиб бўлди. Ўзбекистон миллий жамоаси 2 та олтин, 4 та кумуш ва 4 та бронза медали билан 4-ўринни қўлга киритди.

Самбо бўйича ўсмирлар ўртасида жаҳон чемпионати
52 кг
Меирамбеқули Абилайхан (Қозоғистон) 
Арапан Юлиан (Молдова)
Искандаров Эгамберган (Ўзбекистон)
Сорокин Герман (Россия)


Бугун Урганч шаҳрининг вилоят мусиқали драма теари ҳудудида "Беш муҳим ташаббус - Маҳаллаларда" шиори остида маданий тарғибот тадбирлари ўтказилди.

Ушбу тадбирда доирасида спорт мусобақалари, театр томошалари, китоблар ярмаркаси, қўл меҳнати намуналари кўргазмаси ҳамда консерт дастури ташкил этилди.

Эндиликда бу каби тадбирлар ҳар бир маҳаллаларда бўлиб ўтади.