Gerb Bayroq Madhiya Davlat mukofotlari Bosh sahifa Mobil versiya Sayt xaritasi Forum
Белгиланган матнни тинглаш учун ушбу тугмани босинг Матнни тинглаш!
0(362) 223-00-06
Ish tartibi 900 - 1800
  • xorazm.uz

    Yurtboshimizning tabiri bilan aytganda, Xorazm «O‘zbek davlatchiligining ilk tamal toshi qo‘yilgan muqaddas zamin!». Insoniyat tamadduni o‘choqlaridan hisoblanmish bu ko‘hna yurtdan ne-ne buyuk allomalar, qomuschi olimlar, ahli donishlar, avliyo-anbiyolar yetishib chiqgan.

  • xorazm.uz

    Istiqlol tufayli yurtimizdagi qadim shaharlar va qal’alar, madaniyat o‘choqlarini ko‘rish, ziyorat qilish uchun yetti iqlimdan kelayotgan sayyohlarning soni yildan-yilga oshmoqda. Jahon bizning mo‘tabar yurtimizni ko‘rishga orzumand!

  • xorazm.uz

    Prezidentimizning “2013-2015 yillarda Xorazm viloyati sanoati salohiyatini rivojlantirish dasturi to‘g‘risida”gi tarixiy qaroridan keyin amaliyotga allaqachon tatbiq qilinayotgan ulkan qurilishu ta‘mirlash, eng zamonaviy asbob-uskunalar keltirish, kerakli mutaxassislarni o‘qitish, o‘rgatish jarayoni jadal yo‘lga qo‘yildi.

  • xorazm.uz

    Xalqimiz dasturxonining fayziyobligi, bozorlarimizning to‘kinligiyu oziq-ovqat mahsulotlarining serobligi, arzonligi, bir so‘z bilan aytganda yurtimiz farovonligi bobodehqonlarimizning mehnati mahsulidir. Xorazm voxasi qishloq xo‘jaligi soxasida xam yetakchilardan hisoblanadi.


Ekoturizm


Xorazm viloyatining iqlimi keskin kontinental, yoz oylarida xarorat +40 C gacha ko‘tarilishi mumkin. Shunga qaramay viloyat xududidagi ekin yerlari yuqori xosildorlikka ega chunki, ichimlik va sug‘orish suvlarining asosiy manbai bo‘lmish Amudaryo butun xudud bo‘ylab oqib o‘tib, erning sho‘rini yuvadi va uning tarkibini yaxshilaydi. Bu jixatdan Xorazmning yozgi iqlimini Misr iqlimi bilan solishtirish mumkin, buni ko‘plab xorijiy sayyoxlar e’tirof qilishmoqda. Qishda xarorat -30 gradusgacha pasayadi, yog‘ingarchilar kuzatiladi va kuchli quruq shamol esadi.

 

Amudaryo bo‘yida soxil o‘simliklarining o‘ziga xos turlarini uchratish mumkin, bu kichik o‘rmonlar to‘qayzorlar deyiladi. To‘qayzor o‘rmonlar yovvoyi to‘ng‘iz, buxoro bug‘usi, eron bug‘usi, mallarang tulki, shoqol, qo‘ng‘ir quyon, ko‘plab qush turlari uchun muhim yashash muhiti hisoblanadi. To‘qayzorning asosiy daraxtlari gujum, baqaterak, sharq jiydasi, jingil va yulgundir. 


Xususan, issiq yoz oylarida daryo bo‘yi mikroiqlimi juda yoqimli. Mahalliy aholi orasida Amudaryo va uning yon kanallari bo‘yidagi to‘qayzorlar yozgi dam olish maskanlari sifatida juda mashxur. 
Bu o‘ziga xos ekotuzimdan baxramand bo‘lish uchun, ko‘p yillik terak va gujumlar ostida dam olish va o‘tovlarda tushlik qilish yoki ikki qavatli kemada Amudaryoni aylanib chiqishingiz mumkin. Bundan tashqari daryo bo‘ylarida baliq ovi xam yo‘lga qo‘yilgan. 



Amudaryo bo‘ylab ikki qavatli kemada sayoxat. 

Amudaryo bo‘yida ikki qavatli kemada sayoxatlar yo‘lga qo‘yilgan. Sayoxat davomida kema bortida yangi tutilgan baliqlardan tayyorlangan taomlar tortiladi.

Shuningdek, ayni shu atrofda paxtazor yerlar joylashgan bo‘lib, bu yerda mehmonlar qishloq xo‘jaligi tajribisi bilan tanishishdan tashqari, paxta terish va tandirda non yopish jarayonini kuzatishlari va ishtirok etishlari mumkin. Kunning oxirida issik kulcha va bir piyola choy ustida folklor spektaklini tomosha qilishingiz mumkin.