Урганч шаҳрида бўлиб ўтган конференцияда Ўзбекистон Экологик партиясининг Хоразм вилояти ҳудудий ташкилоти тузилди. 
Анжуманда Ўзбекистон Экологик партияси Марказий Кенгашининг жорий йил 23 февраль куни бўлиб ўтган пленумида қабул қилинган қарорнинг мазмун-моҳияти ҳақида атрофлича маълумот берилди. 
Айниқса, вилоятда экологик аҳволни яхшилаш, Орол денгизи атрофида амалга оширилаётган кўкаламзорлаштириш ишларида фаол қатнашиш, мавжуд экологик муаммоларни ҳал этишда фаол бўлиш муҳимлиги қайд этилди. 
Анжуманда партиянинг вилоят Кенгаши ижроия қўмитаси аъзолари, унинг раиси ва ўринбосарлари, назорат-тафтиш комиссиялари аъзолари сайланди.

Ўзбекистон Республикаси Президенти Ш.Мирзиёевнинг 2018 йил 26 апрелда қабул қилган "Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида"ги қарори бу борада замин соҳиблари учун дастуриламал бўлмоқда. Шу асосда фермер, деҳқон хўжаликлари ва томорқа ер эгалари кенгашларига ерлардан мақсадли фойдаланилиши, экинларнинг уруғлари, мевали дарахтлар кўчатларининг юқори агротехник муддатларда экилиши, чорва ва паррандалар бош сонлари кўпайтирилиши жараёнларини мониторинг қилиб бориш, "Томорқа хизмати" масъулияти чекланган жамиятларига қишлоқ хўжалиги маҳсулотларини етиштириш ва сотишда ишлаб чиқарувчиларга амалий ёрдам кўрсатиш вазифалари юклатилган.

Сессия ишини халқ депутатлари вилоят Кенгашининг раиси, вилоят ҳокими Ф.Эрманов бошқариб борди.

Сессияда вилоятимизда аҳолига тиббий хизмат кўрсатишнинг ҳолати, унинг сифат ва самарадорлигини ошириш бўйича истиқболдаги вазифалар атрофлича муҳокама этилди. 

 
Кечки Урганч.

Хоразм вилоятининг статистик ахборотномаси Хоразм вилоятининг ижтимоий–иқтисодий ривожланиши, иқтисодиёт тармоқлари ва ҳудудлар ҳолатини комплекс тавсифловчи Хоразм вилояти статистика бошқармасининг йиллик нашри ҳисобланади. Статистик ахборотномада 2018 йил январь-декабрь ойлари якунлари бўйича Хоразм вилоятининг асосий статистик кўрсаткичлари чоп этилган.

Ҳар гал қадим шаҳримизга, шу жумладан, ўзим раҳбарлик қилаётган "Мирзабоши" меҳмонхонасига чет эллик меҳмонлар келганида кўнглимда хорижий мамлакатларга бориш фикри туғён урар эди. Айниқса, Францияга саёҳат қилишни бола-лигимдан, ёшлигимдан орзу қилар эдим. Яқинда ушбу орзуим амалга ошди. Бир гуруҳ фаол, ташаббускор аёллар билан ана шу гўзал мамлакатга сафар қилиш бахтига муяссар бўлдим. Яна ҳам қувончли ва фахрли томони шунда эдики, сафардан кўзланган асосий мақсадимиз - бу мамлакатдаги сайёҳлик мажмуаларида бўлиб, ўзаро тажриба алмашиб, юртимизга янги инвестициялар олиб киришдан иборат эди.

Боғот туманида қад ростлаган ёпиқ сув спорти саройининг очилиш тадбирида туман ҳокимлиги, спорт соҳаси мутахассислари ва таниқли спортчилар, меҳнат фахрийлари, ёшлар иштирок этди. 

Тадбирда сўзга чиққан туман ҳокимлиги, спорт соҳаси вакиллари кейинги йилларда қишлоқларда аҳоли ва ёшларнинг спорт билан шуғулланишлари учун замонавий спорт иншоотлари, ўйингоҳлари қурилаётганлиги тармоқ ривожида ҳам алоҳида аҳамият касб этаётганлигини ҳамда янги истеъдодлар кашф этилаётганлигини алоҳида қайд этишди.

Бугунги кунда барча соҳаларда бўлгани каби ички ишлар органлари тизимида ҳам фаолият такомиллашмоқда. Жамоат тартибини сақлаш ва фуқаролар хавфсизлигини таъминлашга қаратилган кенг кўламли ислоҳотлар изчил равишда амалга оширилмоқда. Бу жараёнда тизимга янги инновацион технологиялар ҳам босқичма-босқич татбиқ этилмоқда. Жумладан, Урганч шаҳрининг марказий кўчалари, хиёбонлари ва даҳаларида вилоят ички ишлар бошқармаси патруль-пост хизматининг мунтазам фаолият кўрсатадиган масканлари ўрнатилмоқда.

Ўзбекистон Республикаси Олий Мажлиси Сенати ҳамда Хоразм вилояти ҳокимлиги томонидан вилоят маънавият ва маърифат марказида 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини "Фаол инвестициялар ва ижтимоий ривожланиш йили"да амалга оширишга оид давлат дастурининг ижтимоий соҳани ривожлантиришнинг устувор йўналишларида белгиланган вазифалар мазмун-моҳиятини кенг жамоатчиликка етказишга бағишланган тарғибот-семинари ташкил этилди.

Тадбирда Ўзбекистон Республикаси Олий Мажлиси Сенати аъзолари, халқ депутатлари вилоят, шаҳар, туман Кенгашларининг депутатлари, бошқарма ва ташкилотларнинг раҳбарлари, кенг жамоатчилик вакиллари ҳамда оммавий ахборот воситалари вакиллари иштирок қилдилар. Тарғибот семинарини вилоят ҳокимининг ўринбосари С.Салаев бошқариб борди. 

Бугунги кунда вилоятимиздаги йирик саноат корхоналаридан бири бўлган "UzXCMG" масъулияти чекланган жамияти қўшма корхонаси цехларида ҳам эрталабданоқ зарбдорона меҳнат бошланади. Кенг ва ёруғ цехларда ўз касбининг моҳир усталари масъулиятни чуқур ҳис қилган ҳолда кундалик вазифаларини сидқидилдан бажармоқдалар. 

Бу ерда "UzXCMG" товар белгиси остидаги гидравлик экскаватор ва бульдозерлар, шунингдек, қурилиш, йўл қурилиши ва ерларнинг мелиоратив ҳолатини яхшилашга мўлжалланган қудратли техникалар тайёрланмоқда.

Корхона томонидан ишлаб чиқарилаётган маҳсулотларга буюртмалар сони тобора ошмоқда. Қўшма корхонанинг маркетинг ва хизмат кўрсатиш бўйича бош директори ўринбосари Жамолбек Норбоевнинг таъкидлашича, мазкур корхона ўз фаолиятини бошлаган пайтдан бугунги кунгача 1000 дан ортиқ ҳар хил турдаги замонавий, рақобатбардош техникалар ишлаб чиқарди.