Click to listen highlighted text!
    Хонқалик деҳқонлар жорий йилда 40 290 тонна пахта ҳом ашёси етиштиришни режа қилганлар. Бундай улкан хирмон пахтакорларнинг меҳнати, пешона тери эвазига яратилади. Мавжуд 169 та фермер хўжаликлари ва кластер хорхоналари томонидан 10 065 гектар ер майдонига Хоразм- 127, Хоразм -150 навлари экилган бўлиб, ниҳоллар тўлиқ ундириб олинган. Эндиги асосий вазифа ғўза парваришида белгиланган агротехник тадбирларни вақтида ва сифатли ўтказишдан иборат.                                                                                                                                                 

    Боғот туманида 2020 йил 21май куни Халқ депутатлари Боғот туман Кенгашининг саккизинчи сессияси бўлиб ўтди. Сессияда туман ҳокимининг ўринбосарлари, туман депутатлари ва ОАВходимлари иштирок этдилар.
     Сессияга Халқ депутатлари Боғот туман Кенгаши раиси, туман ҳокими Ойбек Холбоев раислик қилди.
     Сессия кун тартибидаги 1- масала Ўзбекистон Республикаси Президентининг 2020 йил 1 майдаги “Короновирус пандемияси даврида озиқ-овқат хавфсизлигини таьминлаш, мавжуд ресурслардан оқилона фойдаланиш, қишлоқ хўжалигининг давлат томонидан қўллаб-қувватлашнинг қўшимча чора-тадбирлари тўғрисида”ги ПҚ-4700 сонли қарори ижросини таъминлаш мақсадида туманда амалга оширилган ишлар юзасидан ҳамда 2- масала сектор раҳбарлари томонидан ишсиз ва кам таъминланган аҳолига ихтиёрий тарзда тадбиркорларни бириктириш, шунингдек, аҳоли бандлигини таъминлаш, муҳтож оилаларни моддий қўллаб-қувватлаш ва ушбу жараёнларда фаол иштирок этган тадбиркорларга давлат томонидан имтиёзлар берилишини ташкил этиш бўйича чора-тадбирлар дастури юзасидан тумандаги тўртта сектор раҳбарларининг ҳисоботлари тингланди.
     Кун тартибидаги 3-масала Бюджет даромадлари базасини ошириш, янги иш ўринларини ташкил этиш, инвестиция лойиҳаларини амалга ошириш бўйича, Боғот тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари С.Қурбоновнинг ҳисоботи тингланди.
     Сессия кун тартибидаги
4-масала Ўзбекистон Республикаси Вазирлар Маҳкамасининг 2020 йил 30 январдаги “Деҳқон хўжаликлари ва аҳоли томорқа ер участкаларидан янада самарали фойдаланиш чора тадбирлари тўғрисида” ги 53-сонли қарори ҳамда бу юзадан вилоят ҳокимининг 2020 йил 4 февралдаги 49к-сонли, туман ҳокимининг 2020 йил 7 февралдаги 295к-сонли қарорларининг ижроси юзасидан, туман фермер, деҳқон хўжаликлари ва томорқа ер эгалари Кенгаши раиси И.Рахимовнинг хисоботи тингланди.
     Сессия кун тартибидан ўрин олган 5-масала Ўзбекистон Республикаси Президенти Ш.М.Мирзиёев ҳузурида 2020 йил 20 апрель куни кенгайтирилган тарзда ўтказилган видеоселектор йиғилиши баёнининг 3-бандида ҳамда 2020 йил 5 май куни кенгайтирилган тарзда ўтказилган видеоселектор йиғилиши баёнининг 2-бандида берилган топшириқлар ижроси юзасидан Боғот тумани ДСИ бошлиғи Х.Жуманиёзовнинг маърузаси эшитилди.
     Сессия кун тартибидаги қўшимча масалалар ҳам депутатлар иштирокида кўриб чиқилди, ижросини таъминлаш учун тегишли ташкилотларга йўналтирилди.
     Кўриб чиқилган масалалар юзасидан туман Кенгаши депутатлари Э.Жуманиёзов, Ш.Ражабов, И.Искандаров, Б.Машарипова, У.Иброҳимов, О.Матниёзов, Г.Рахмоновалар ўзларининг фикрларини билдирдилар.
     Сессия кун тартибида муҳокама қилинган масалалар юзасидан қарор қабул қилинди.Сессия ишида депутатлар фаол иштирок этдилар.Сессия карантин қоидаларига қатъий риоя қилинган ҳолда ўтказилди.
Боғот тумани ҳокимлиги Ахборот хизмати.

Мазкур кузатув кенгаши йиғилишида вилоят ҳокими Фарход Эрманов, Давлат активларини бошқариш агентлиги Хоразм вилояти ҳудудий бошқармаси бошлиғи Жаҳонгир Назаров, кузатув кенгаши аъзолари ва "Юггазстрой" АЖнинг бошқарув аппарати ходимлари ҳамда жамиятга қарашли унитар корхоналари раҳбар ва ходимлари иштирок этдилар.
 Йиғилишда сўнгги йилларда "Юггазстрой" АЖнинг иқтисодий кўрсаткичларлари пасайиши ва бунинг сабаблари атрофлича муҳокама қилинди.

Вилоят ҳокимининг тавсиясига кўра, жамият кузатув кенгашининг қарори билан “Урганчтрансгаз” унитар корхонаси директори ўринбосари лавозимида фаолият юритиб келаётган Рузметов Камбулбек Бардибаевич “Юггазстрой" АЖнинг бошқарув раиси вазифасини бажарувчиси лавозимига тайинланди.
Йиғилиш якунида вилоят Ф.Эрманов жамиятнинг фаолиятини ривожлантириш бўйича ўз тавсияларини берди.


   Олий Мажлис Сенатининг тўртинчи ялпи мажлисида “Ўзбекистон Республикасининг Жиноят-процессуал кодексига жиноят процессида иштирок этувчи фуқароларнинг ҳуқуқ ва эркинликларини муҳофаза қилишни кучайтиришга қаратилган ўзгартишлар ва қўшимча киритиш тўғрисида”ги Қонун маъқулланган эди. Куни кеча мазкур Қонун давлатимиз раҳбари томонидан имзоланди. 

     Бугунги кунда Боғот туманидаги барча маҳаллаларда фуқароларимиз пандемия даври бўлишига қарамасдан ўз томорқасидан оқилона фойдаланиб, картошка, сабзи, помидор, бодринг ва бошқа полиз экинларини етиштириб келмоқдалар.
   Жумладан, «Қалажиққалъа» маҳалласида яшовчи хожи ота Нурулла Ўдаков, «Янги Қадам» маҳалласидан Ражабгул хожи она Саидова, «Маънавият» маҳалласида яшовчи Низомаддин Беговларнинг томорқаларини алоҳида айтиш жоиз. Улар ёшларга ўрнак бўлиб, ўз томорқаларини яшилликка буркамоқдалар. Жорий йилнинг 18майи куни «Хоразм-24» информацион дастури ижодкорлари Боғот туманида бўлиб, «Томорқамиз-хазинамиз, даромад манбаимиздир!" шиори остида томорқаларида иссиқхонасидан яхшигина даромад олаётган оилаларнинг мўл ҳосилини кўриб, Боғотлик бободеҳқонлар томорқаларининг ҳар бир қарич ерини ҳам экинсиз қолдирмасдан эртанги куни учун озиқ-овқат хавфсизлигини таъминлашга замин яратаётганлигининг гувоҳи бўлдилар.
#УЙДАҚОЛИНГ
Боғот тумани ҳокимлиги Ахборот хизмати.


  Республика махсус комиссия қарорига асосан Урганч халқаро аэропорти йўловчиларга хизмат кўрсата бошлади.
  Қатновларга Санитария эпидемиологик осойишталиги маркази томонидан COVID-19 инфекциясига тест таҳлиллари олинганига 120 соатдан кўп бўлмаган ва таҳлил натижаси “манфий” эканини тасдиқловчи маълумотномага эга йўловчилар қўйилади. Бунда рўйхатдан ўтишда ва ҳаво кемаси саҳнида карантин чораларига риоя қилиш, 2 метрлик ижтимоий масофани сақлаш, ҳимоя ниқобини тақиш ва қўлқоп кийиш шарт. Авиакомпания ходимлари ҳам мунтазам равишда COVID-19 вируси учун таҳлиллар топшириб турадилар.


   Дунё тўқимачилик саноати учун табиий толанинг энг улкан ва қайта тикланувчи манбаи ҳисобланадиган пахта ўсимлиги бободеҳқон халқимиз етиштирадиган асосий экин туридир. “Оқ олтин”дан  янада кўпроқ ҳосил олиш, янада сифатли навларини етиштириш бўйича Республикамизда кўпгина ишлар олиб борилмоқда.  

      “Обод қишлоқ” давлат дастури қишлоқларимизда аҳоли турмуш фаровонлигини юксалтиришда муҳим аҳамият касб этади. Ушбу дастурни Хоразм вилоятида ҳаётга татбиқ этиш ишида “Ҳудудгаз Хоразм”  масъулияти чекланган жамияти ҳам фаол иштирок этмоқда. Чунончи, жамият томонидан дастур доирасида вилоятнинг ўнта туманида жойлашган жами 30 та маҳаллада 416,2 миллион сўмлик ҳажмида газ тармоқлари ва газ тақсимлаш қурилмаларини жорий таъмирлаш ҳамда аҳолини суюлтирилган газ билан таъминлаш бўйича  кенг чора-тадбирларни амалга ошириш режалаштирилган. Апрель ойи якунига кўра 73 миллион  600 минг сўмлик ҳажмида иш бажарилишига эришилди. Хусусан, Ҳазорасп тумани “Бешта” маҳалласида 0,76 километр газ қувури ва 17 та газ тақсимлаш қурилмалари таъмирланди.

         -“Ҳудудгаз Хоразм” масъулияти чекланган жамияти “Ҳазорасптумангаз” филиали томонидан  газ қувури таъмирлангани сабабли маҳалламизда газ босими яхшиланди, -дейди ушбу маҳаллада яшовчи Иззатулло Аминов. –Бунинг учун маҳалладошларим ва шахсан ўзим туман газ таъминоти корхонасидан  беҳад миннатдормиз”.

          “Ҳудудгаз Хоразм” масъулияти чекланган жамиятига қарашли барча туман газ таъминоти корхоналари “Обод қишлоқ” давлат дастури доирасидаги ишларни кун сайин жадаллаштирмоқдалар.

“Ҳудудгаз Хоразм” МЧЖ

матбуот хизмати.


    Камбағалликни камайтириш, фуқароларда тадбиркорлик руҳини уйғотиш ҳамда аҳоли бандлигини таъминлаш масалалари бўйича Хива туманининг “Хорвуз” маҳалласидаги 13 та оиланинг 15 нафар фуқароси ишсизлиги ҳамда тумандаги  “Истиқлол” маҳалласидаги 15 та оиланинг 18 нафар фуқаро ишсизлиги аниқланган.  

    Жорий йилнинг 14-май куни  Хива туман ҳокимлиги, туман Маҳалла ва оилани қўллаб-қувватлаш маркази ҳамда сектор раҳбарлари иштирокида ишсиз фуқаролар йирик ва салоҳиятли фермерлар ҳамда туман Бандликка кўмаклашиш маркази томонидан ўртача ойлик маоши тўланган ҳолда қисқа муддатли жамоат ишларига жалб қилинди.

   Шунингдек, “Хорвуз” маҳалласида истиқомат қилувчи  ҳамда ишсиз фуқаролар рўйҳатида бўлган Юсупова Латофатга 50 та товуқ ажратилиб, Юсупова Дилоромга иссиқхона қуриб берилди. 

   “Истиқлол” маҳалласида  истиқомат қилувчи  ҳамда ишсиз фуқаролар рўйҳатида бўлган Машарипова Дилноза ва Матёқубова Умидаларга биттадан иссиқхона қуриб берилди. Ушбу маҳалланинг фуқаролари Мадаминова Назокатга 1 бош қорамол, Оташева Зулфияга 50 та товуқ ажратилди. 

  Эхтиёжманд оилалар  даромадларини ошириш мақсадида топширилган ихчам иссиқхоналарда етиштириладиган маҳсулотлар, паррандалар ҳамда қорамолларни кўпайтириш, уларни бозорда сотиш орқали даромад олиш имкониятига эга бўлишади.
 Зеро, халқимиз бой бўлса, давлатимиз иқтисоди янада гуллаб яшнайди.


Хива туман ҳокимлиги Ахборот хизмати



    Бугунги кунда кузатилаётган пандемия шароитида Хива туманида ҳам кўпгина салмоқли ишлар амалга оширилмоқда. Жумладан, туманнинг навбатдаги бир гуруҳ кўнгилли ёшларидан иборат жамоаси Хива туман ҳудуди бўйлаб  дезинфекция ишларини олиб боришда фаол иштирок этишмоқда. Карантин қоидаларига риоя қилган ҳолда хайрли ишларга бел боғлаган кўнгилли ёшларга дезинфекция ишларини тўғри ташкил этиш ва олиб бориш бўйича мутасадди ташкилотлар яни, Хива туман ҳокимлиги, туман Фавқулодда вазиятлар, ички ишлар,   Мудофаа ишлари бўлимлари, Хива тумани Давлат санитария эпидемиология назорат маркази, Ўзбекистон ёшлар иттифоқи туман кенгаши ҳамда туман тиббиёт бирлашмаси ходимлари томонидан тушунча ва тавсиялар берилди. 
   “Дезинфекция ишларида кўнгилли ёш сифатида иштирок этаётганимдан ва айни пандемия шароитида шу зайлда юрт корига яраётган Ватанпарвар ёшлар сафида эканлигимдан мамнунман” – дейди фаол кўнгилли ёшлардан бири. 

Хива туман ҳокимлиги ахборот хизмати