Click to listen highlighted text!
    Мамлакатимизнинг иқлим шароити ва мавжуд салоҳият қишлоқ хўжалигининг ҳар бир тармоғи каби пиллачиликни ҳам истиқболда янада ривожлантириш муҳим омилдир. Ушбу имкониятлардан самарали фойдаланиш, қишлоқ жойларда аҳоли бандлигини таъминлаш, тармоқнинг экспорт салоҳиятини ошириш, жаҳон бозорида ипак маҳсулотларимиз ассортиментини кўпайтириш ва уларнинг рақобатдошлигини ошириш учун давлатимиз раҳбарияти томонидан бир қанча амалий ишлар олиб борилмоқда.
    Жорий йилда Шовот туманида 3505 қути ипак қурти  парваришлаб, давлатга  193 тонна ҳосил топшириш бўйича фермер хўжаликлари ва 673 нафар ипак қурти боқувчи хонадон соҳиблари  билан шартнома тузилган. 
Бугун ипак қурти пиллага айланиб, қилинган меҳнатлар ўз самарасини топди. Туманнинг энг илғор ва ташаббускор пиллакорлари бу йил вилоятимизда биринчилардан бўлиб, пилла топшириш мавсумини бошлаб бердилар. Пилла топшириш жараёнининг илк кунида туман ҳокими Ҳакимжон Отаҳанов, “Шовот Агро Пилла” МЧЖ раҳбари Нураддин Ортиқов, секторлар раҳбарлари, пилакорлар иштирок этдилар. Мавсумда биринчи бўлиб, “оқ олтин” етиштириб белгиланган режани ортиғи билан бажарган пиллакорлар муносиб тақдирландилар.
Туман пиллакорлари жорий йил мавсумида  “Khiva Silk Fabric” МЧЖ билан  193 тонна пилла шартномаси тузилган бўлиб, шундан 52,4 тонна пилла фермер хўжаликлари,  140,6 тонна касаначиларга белгиланган. 
Пиллакорлар ўзларининг меҳнати билан албатта, белгиланган режани ортиғи билан уддалайдилар.

   Бугун Гурлан туман ҳокими Муроджон Ачилов бошчилигида туманда етиштирилган  ғалла ҳосилини нес-нобуд қилмасдан қисқа муддатларда йиғиб олиш мақсадида “Нажмиддин хўжа” фермер хўжалигида кўргазмали семинар ташкил қилинди. Семинарда сектор раҳбарлари, қишлоқ хўжалиги ва ҳуқуқ тартибот идоралари ходимлари, фермер хўжалик раҳбарлари, қишлоқ хўжалиги соҳасида кўп йиллик тажрибага эга нуроний отаҳонлар  иштирок қилдилар. 
   Бу йил туманда 162 та фермер хўжаликлари томонидан 3760 гектар майдонга ғалла экилиб, 16988 тонна ҳосил олиш режа қилинган.  Ғалла ўрим-йиғим ишларини сифатли ташкил этиш учун 21 та отряд тузилиб, 21 та замонавий комбайн ва бошқа зарур техникалар мавсумга шай қилиб қўйилган. 
Семинардан сўнг нуроний отахонлар дуоси билан ғалла ўримига киришилди. 

Гурлан тумани ҳокимлиги Ахборот хизмати.

"Урганч йўллардан мунтазам фойдаланиш" унитар корхонаси томонидан шаҳардаги автомобиль йўлларининг қатнов қисмини яхшилаш, автотранспортлар ҳаракатини хавфсиз ва тўхтовсиз ташкил этишни таъминлаш мақсадида жадал ишлар амалга оширилмоқда.
Урганч шаҳридаги "Зарафшон" кўчасида 9300 кв метр майдонга асфалт ётқизилди. Ушбу йўл қурилишида 20 дан ортиқ махсус техникалар ва 50 га яқин ишчи-мутахассислар тун-у кун меҳнат қилиб, қисқа вақт ичида фойдаланишга топширдилар

Шаҳримизда йўл қурилиш соҳасида амалга оширилаётган бугунги ишлар яқин келажакда шаҳримиз иқтисодиётини янада оширишга хизмат қилиши шубҳасиз.


   Бугун туман ҳокими Муроджон Ачилов бошчилигида сектор ва мутсадди ташкилот раҳбарлари “оқ олтин” хирмонида бўлиб, пилла топшириш жараёнида иштирок этдилар. Илғор пиллакорларимиз бир қути ипак қуртидан 62.5 килограм “кумуш тола” етиштириб, шартнома режаларини ошиғи билан бажармоқдалар. Қилган самарали меҳнатларининг маҳсулини биринчилардан бўлиб топширган пиллакорларга  туман ҳокимлигининг эсдалик совғалари топширилди.


Гурлан тумани ҳокимлиги Ахборот хизмати.

   Қўшкўпирлик пиллакорлар жорий йилда 3658 қути ипак қурти уруғларини парваришлаб, 201 тонна “кумуш тола” етиштиришни мақсад қилган. Туманнинг энг илғор ва ташаббускор пиллакорлари бу йил вилоятимизда биринчилардан бўлиб, пилла топшириш мавсумини бошлаб бердилар. Пилла топшириш жараёнининг илк кунида туман ҳокими Жўрабек Раҳимов, секторлар раҳбарлари, пилакорлар иштирок этдилар. Мавсумда биринчи бўлиб, “оқ олтин” етиштириб топширган пиллакорлар совғалар билан тақдирландилар.

  Туман пиллакорлари жорий йил мавсумида  “Khiva Silk Fabric” МЧЖ билан 201 тонна пилла шартномаси тузилган бўлиб, шундан 90 тонна пилла фермер хўжаликлари, 111 тонна касаначиларга белгиланган.

   Пиллакорлар ўзларининг меҳнати билан албатта, белгиланган режани ортиғи билан уддалайдилар.




Хазорасп тйф унитар корхонаси  томонидан 4к 975 автомабиль йўлида таъмирлаш ишлари  олиб борилмоқда. ушбу таъмирлаш ишларига  замонавий техникалар ва    ишчи-мутахассислар  жалб қилиниб,  қисқа фурсатларда асфальт ётқизилмоқда. 
бундай таъмирлаш ишлари энг аввало, туманимиз кўркига кўрк қўшиб,  юртдошларимизнинг йўлларда ҳаракатланиши бехатар бўлишига хизмат қилади. албатта. кенг ва равон йўллар туманимиз тараққиётида муҳим ўрин тутади. 


Ҳазорасп туман ҳокимлиги Ахборот хизмати.

   Туманида ғалла ўрим-йиғимига старт берилиши муносабати билан кўргазмали семинар ташкил этилди. Йиғилишда сектор раҳбарлари, қишлоқ хўжалиги ва ҳуқуқ тартибот идоралари ходимлари, маҳалла фуқаролар йиғини раислари, фермер хўжалик раҳбарлари, мутахассислар иштирок қилдилар. 

  Туманда жорий йилда 106 та фермер хўжаликлари томонидан 2530 гектар майдонларда ғалла парваришланиб ушбу майдонлардан, 17400 тонна ҳосил етиштириш ва давлатга қўшимчаси билан 7064 тонна дон топшириш режалаштирилган. Давлат хариди учун 4811 тонна (шундан 632 тн уруғлик), тўғридан-тўғри шартнома орқали 2252 тонна дон топширилади Тадбирда йўл харакати, техника хавфсизлиги, тежамкорлик, меҳнат унумдорлиги ва ишчиларга етарли меҳнат ва дам олиш шароитларини яратиб бериш масалаларига алоҳида эътибор қаратилди. Етиштирилган ҳосилни нес-нобуд қилмасдан қисқа фурсатларда йиғиштириб олиш ва ғалладан бўшаган майдонларга зудлик билан такрорий экинлар экиш чора-тадбирлари ишлаб чиқилди.

  Шу куннинг ўзида пилла карвони ҳам бўлиб ўтди. Оқлик ва поклик рамзи бўлган ипак қурти боқишда ўз меҳнатларини аямай, кечаю кундуз тиним билмаган пиллакорларимизга туманимиз ҳокимлиги ва мутасадди раҳбарларимиз томонидан раҳматлар айтилиб эсдалик совғалар топширилди. 

     Хива туман ҳокимлиги ахборот хизмати 

Ўзбекистон Республикасига коронавируснинг кириб келиши ва тарқалашининг олдини олиш юзасидан чора-тадбирлар дастурини тайёрлаш бўйича республика махсус комиссиясининг 2020 йил 29 майдаги йиғилиш баёни билан белгиланган вазифалардан келиб чиқиб, жорий йил 6 июнь куни Ўзбекистон Республикаси Соғлиқни сақлаш вазирлигининг ҳудудлар тоифасига ўзгартиришлар киритиш тўғрисидаги ахборотида Урганч шаҳри “қизил” тоифадаги ҳудудга киритилганлиги муносабати билан қуйидаги чекловлар қайта жорий қилинди:
автомашиналар ювиш шоҳобчалари фаолияти, автомобиллар, қишлоқ ҳўжалиги ва қурилиш техникаларига техник хизмат кўрсатувчи ташкилотлар фаолияти;
ҳунармандчилик, маиший жиҳозлар ва электрон қурилмаларни таъмирлаш устахоналари фаолияти; 
парк ва истироҳат боғлари фаолияти;
ноозиқ-овқат маҳсулотлари чакана савдо фаолияти, заргарлик ва гул сотиш дўконлари фаолияти;
йўналишсиз таксида йўловчи ташиш фаолияти;
жамоат транспорти ҳаракати фаолияти;
барча турдаги оммавий тадбирлар (концерт, театр, кинотеатр, музей, спорт тадбирлари), оилавий тантана, маърака ва маросимлари (дафн маросимлари 10-15 кишидан кўп бўлмаган ҳоллар бундан мустасно) фаолияти;
буюм бозорлари фаолияти;
савдо мажмуалари фаолияти;
сартарошхона ва гўзаллик салонлари фаолияти;
спорт заллари ва фитнес клублар, спа ва массаж салонлари фаолияти;
тунги клуб ва дискотекалар фаолияти;
караоке ва билярд заллари, чилим (калян) марказлари, компьютер ўйинлари фаолияти;
умумий овқатланиш корхонлари (ресторан, кафе, ошхона, чойхона) фаолияти (етказиб бериш учун тайёрлаш бундан мустасно);
яхна ичимлик савдо нуқталари фаолияти;
таълим ташкилотлари (боғча, мактаб, лицей, коллеж, техникум, институт, университет ва бошқалар) ўқув курслари фаолияти;
меҳмонхоналар, шунингдек, хостеллар ва меҳмон уйлари фаолияти;
давлат органлари ва ташкилотларида жисмоний шахслар ва юридик шахслар қабули фаолияти;
ўзини-ўзи яккалаш ҳаёт тарзи (65 ёшдан ошган шахслар учун) мажбурий.


     Хоразм вилояти ҳокими Ф.Эрманов топшириғи ва ташаббуси билан вилоят ҳокими ўринбосари-Маҳалла ва оилани қўллаб-қувватлаш бошқармаси бошлиғи Ж.Саъдуллаев ҳамда Маҳалла ва оилани қўллаб-қувватлаш бўлими бошлиғининг 1-ўринбосари Г.Қурбонбоевалар раҳбарлигида Шовотлик маҳалла тизими барча ходимлари Боғот туманига келиб, ўзаро тажриба алмашдилар.
     Меҳмонлар Боғот туманидаги 43та маҳаллани ҳам кўрдилар, айниқса, Республика миқиёсида энг кўп иссиқхоналарга эга бўлган Боғот туманидаги ҳар бир хонадонларга кириб, иссиқхоналарни кўриб, оила аъзоларининг йиллик даромадларини эшитиб, Шовот тумани ҳокими ўринбосари-Маҳалла ва оилани қўллаб-қувватлаш бўлими бошлиғи Дилфуза Таганова:«Иссиқхона-ҳақиқий даромад манбаи экан биз ҳам Шовот туманидаги барча маҳаллаларда Боғот тажрибасини оммалаштирамиз» деб ўзининг фикрини билдириб ўтди. Шовотликлар Боғотликларнинг уста деҳқон эканликларини эътироф этишди.«Гулшан» маҳалласида яшовчи Лола Эгамова каби намунали томорқа эгалари билан суҳбатлашиб, сердаромад хонадонларга кириб, гўё жаннатга киргандек бўлишди. Лола опа 5 нафар қизини контракт асосида шу иссиқхона орқали ўқитганини айтиб турганида, онахонга ҳавас билан қарашди. Боғот тумантдаги «Обод», «Маънавият» каби маҳаллаларда ташкил этилган иссиқхона тайёрлаб бераётган «Томорқа хизмати» йўналиши усталари билан Шовотлик МФЙ раислари иссиқхона қуриб бериш бўйича келишиб олдилар.
     Хоразм вилояти ҳокими ўринбосари Ж.Саъдуллаев, шахсан ўзи иссиқхоналар ташкил қилишда энг фаол Боғот тумани ҳокими ўринбосари Эркин Рўзметов билан ҳамкорликда Боғот туманидаги амалга оширилаётган жараёнларни кузатар экан, иссиқхона бўйича мутахассис-уста Миришкор қишлоғилик Мансур Абдуллаев билан ҳам суҳбатлашди ва вилоят бўйича иссиқхонага талаб янада кўпайишини билдириб ўтди ҳамда вилоят ҳокими ўринбосари Жаҳонгир Саъдуллаев «Вертолётда Боғот тумани устидан вилоятимиз ҳокими Ф.Эрманов билан биргаликда учганимизда, «болалаб»кетган иссиқхоналарни кўриб, тўғриси Боғотликлар азалдан деҳқон эканлигини  кўзимиз қувонган эди. Бошқа туманлар ҳам Боғотдан ўрнак олса, «камбағаллик»деган термин нутқимиздан, ҳисоботларимиздан камайишига эришган бўлар эдик» деган фикрларни билдирдилар.
     Маҳалла ва оилани қўллаб-қувватлаш бошқармаси бошлиғи 1-ўринбосари Г.Қурбонбоева туманлаги «PERFECT LOGISTICS» МЧЖ таъсисчиси тадбиркор Муҳаммаджон Абдиримов билан суҳбатлашар экан, Боғот туманида аёллар бандлиги бўйича 1000дан ошиқ аёлни аниқ иш ўрни яратилиши бўйича қилинаётган ишлардан мамнун бўлди. Тадбиркор Муҳаммаджон Абдиримовнинг лаванда гули, атиргул етиштириш бўйича вилоят миқиёсида режалаштирган ишларини эшитиб, илҳомланиб, вилоятимиз аёллари учун ҳам даромад, ҳам гўзаллик, ҳам соғлик олиб келтирадиган тадбиркорнинг ажойиб бизнес-режасини, ғояларини қўллаб-қувватлади, вилоятда барча аёлларни эфир мойи ишлаб чиқариш бўйича лойиҳада қатнашишларига амалий ёрдамини аямажаклигини билдирди. 
     Г.Қурбонбоева ва Шовотлик меҳмонлар туяқуш боқиб даромад олаётган Илҳомбой Вафоев хонадонида бўлишди. Ҳайратланарли ва ҳайбатли қушларнинг соф даромадини уларга фермер йигит тушунтириб берди.
     Гидропоника усулида йилнинг 360 кунида ҳам тинимсиз қулупнай етиштиришга мўлжалланган «ШАХЗОДА ЖАНОНА» фирмаси раҳбари Неъматжон Бекниёзов ва Ойдиной Неъматованинг 25та аёлни доимий иш билан таъминлаганидан ва чиройли ҳосилнинг ширин таъмидан тотиб, уларнинг ишларига омад тиладилар.
     Боғот туманидаги Қораёнтоқ қишлоғи «Боғзор» маҳалласига кириб боришганида, иссиқхоналарда етиштирилаётган цитрус меваларини кўриб,ўзларини Ҳиндистондаги боғга киргандай ҳис қилишганини айтдилар.Намунали томорқа эгаси Адилжон Бобожонованинг мўъжазгина хонадонига кирар экансиз 5сотих майдонда пишиб турган банан, апельсин, мандарин,лимон ҳосилидан кўзларингиз қувонади.
     Пирлар юрти Шовотдан келганлар, Боғот ҳақиқатан ҳам боғлар юрти эканини кўриб, самарали учрашувда ўзларига кўплаб янгилик ва хулосалар олганликларини, ташрифдан мамнун эканликларини билдирдилар.


Боғот тумани ҳокимлиги Ахборот хизмати.

Янгиариқ туманида ғалла ўрим-йиғими бошланиши олдидан кўргазмали семинар ташкил этилди. Унда сектор раҳбарлари, , қишлоқ хўжалиги ва ҳуқуқ тартибот идоралари ходимлари, маҳалла фуқаролар йиғини раислари, фермер хўжалик раҳбарлари, мутахасислар иштирок қилдилар. 
Бу йил туманда 1800 гектар майдонда буғдой етиштирилди. Ўримни тез ва соз ташкил этиш чора тадбирлари белгиланди.Туманда ўрим- йиғим ишларини ташкил этиш учун  14 отряд ташкил қилиниб,14 та замонавий комбайнларда  кунига 550-600 тоннадан хирмон уйиш режалаштирилди.  
Тадбирда йўл харакати, техника хавфсизлиги, тежамкорлик, меҳнат унумдорлиги ва ишчиларга етарли меҳнат ва дам олиш шароитларини яратиб бериш масалаларига алоҳида эътибор қаратилди.  
Семинарда дала ишларини олиб боришда экологик меъёрларни бузмаслик, дов-дарахтларга шикаст еткасмаслик, ўрим сўнгида далалардаги сомон ғарамларига ўт қуйиб, табиатга зарар етказмаслик хусусида тушунтиришлар берди.  
Янгиариқлик ғаллакорлар бу йил 5027 тонналик хирмон яратишга бел боғлаганлар.


Янгиариқ тумани ҳокимлиги ахборот хизмати.