Click to listen highlighted text!
Хоразм вилояти ҳокимлиги
Ўзбекистон Республикаси Туризмни ривожлантириш давлат қўмитаси, Хоразм вилояти ҳокимлиги, Ўзбекистон Баҳодирлар ўйинлари ва тош кўтариш федерацияси хамда Бутунжаҳон “World strongmen” федерацияси ҳамкорлигида Хива шаҳрида илк бора Паҳлавон Маҳмуд хотирасига бағишланган 1-Халқаро “Баҳодирлар ўйинлари” турнирининг очилиши маросими бўлиб ўтди. 

Янгибозор туманида ғалла ўрим-йиғимига бағишланган кўргазмали семинар бўлиб ўтди. Семинарда тегишли соҳа мутахассислари, фермерлар иштирок этди.

Янгибозор туманидаги Чўболончи қишлоғида йилига 40 миллион дона тиббиёт момиқи ва стерилланмаган бинт ишлаб чиқариш қувватига эга корхона иш бошлади.

Умумий қиймати 2 миллиард 370 миллион сўмлик мазкур лойиҳа доирасида барпо этилган корхонага хориждан 987 миллион сўмга ускуна ва технологиялар келтириб ўрнатилди. Илғор технологиялар билан жиҳозланган ушбу замонавий корхонада ишчи-хизматчиларнинг самарали фаолият юритиши учун барча шароит яратилган. Корхона ҳудуди, атрофида катта хажмдаги ободонлаштириш ишлари амалга оширилган.


Хоразм вилояти ҳокимининг биринчи ўринбосари Қ.Игамбергенов бошчилигидаги ишбилармон доира вакилларидан иборат делегация расмий ташриф билан Қозоғистон Республикаси Шимолий Қозоғистон вилояти Петропавловск шаҳрига етиб келди.
Шимолий Қозоғистон вилояти ҳокими Кумар Аксакалов билан Хоразм вилояти делегациясининг расмий учрашуви бўлди. Унда икки вилоят ўртасидаги ҳамкорликнинг истиқболли йўналишлари ва қўшма бизнес лойиҳаларини амалга ошириш амалиёти муҳокама қилинди.
- Минтақамиз Россия Федерацияси билан чегарада жойлашган бўлиб, аграр вилоят ҳисобланади. Тахминан 4 миллион гектар майдон турли экинлар, шу жумладан, 5 миллион тоннадан зиёд дон экилди. Қозоғистон Республикаси ҳудуди бўйлаб Европа ва Хитой ўртасида темир йўл юкларининг 70 фоиздан кўпроғи Шимолий Қозоғистон вилоятидан ўтади, бу эса катта имкониятларга эга. - Ўз навбатида, Ўзбекистондан пахта маҳсулотлари, сабзавот ва мевалар импорт қилинади. Қадимий Хива ва Урганч сайёҳларни жалб қилган узоқ тарихга эга шаҳарлардир. Бизнинг ҳудудимиз эса мавжуд 2500 та кўллари билан машҳур, демак биз туризм соҳасидаги ҳамкорлигимизни хам янада ривожлантиришимиз зарур, - дейди вилоят ҳокими К.Аксакалов


Шимолий-ғарбий ҳарбий округининг 53008-сонли ҳарбий қисмда ички ишлар органлари ходимларини ўқитиш бўйича ихтисослаштирилган ўқув-амалий курслари тантанали очилди.

Тадбирда Хоразм вилояти ҳокими Фарход Эрманов қатнашди ва сўзга чиқди. 

Таъкидланганидек, Қуролли кучлар, Миллий гвардия ва ички ишлар органларини ислоҳ қилиш, шунингдек, ходимлар ва ҳарбий хизматчиларнинг малакасини ошириш, уларнинг касбий маҳоратини, жисмоний ва жанговар шайлигини ошириш бугунги кунда муҳим қатъий талаблардан бирига айланди.


... 1 июнь эрталабданоқ Урганч шаҳридаги ва туманлардаги истироҳат боғларида янграган карнай-сурнай садолари болажонларни, уларнинг ота-оналарини байрам тадбирларига чорлади.
Урганч шаҳридаги Амир Темур номидаги истироҳат боғи байрамона безатилган. Мактабгача таълим муассасалари, "Баркамол авлод" ижодиёт марказлари томонидан ташкил этилган бахтиёр болалик, гўзал табиат, эртакларнинг севимли қаҳрамонларини акс эттирган ранг-баранг суратлари, мусаввирлик ва қўл ишлари, хуллас ижод намуналаридан иборат кўргазмалар барчани эътиборини тортди. Боғ бўйлаб болажонлар томонидан ижро этилаётган қувноқ қўшиқлар, мусиқали маданий, маърифий тадбирлар қалбларга қувонч бағишлайди.
Вилоят ҳокими Ф.Эрманов болажонларни байрам билан қутлаб, уларга совғалар топширди.
Болажонлар она Ватан, бахтиёр болаликни, тинчлик, устозларни мадҳ этувчи шеърларни айтиб, қўшиқлар ижро этишди.

Хоразм вилояти ҳокимлиги Матбуот хизмати












Россия Федерацияси Ҳукумати Раиси Дмитрий Медведев Ўзбекистон Республикаси Бош вазири Абдулла Арипов ҳамроҳлигида Хива шаҳрини томоша қилди.


Қулупнай кўп йиллик ўсимлик бўлиб, совуққа, турли касалликларга чидамлилиги, ҳосили эрта, яъни баҳорда пишиб етилиши, инсон организми учун шифобахш хусусиятлари билан ажралиб туради. Хонадон шароитида томорқанинг бир парча ерига экилган қулупнай ҳосилининг ўзи оила аъзолари  эҳтиёжини тўла-тўкис қондириши табиий. Шу боис қулупнайни томорқа ерларида етиштириб, яхшигина даромад қилаётган элдошларимиз кам эмас.

Хонқа тумани Сарапоён қишлоғининг "Қорамози" маҳалласида истиқомат қилувчи Болтабой Жуманиёзов хонадони кўп йиллардан бери томорқасида қулупнай етиштириб, унинг оиласи эҳтиёжидан ортган қисмини бозорга таклиф этиб, ноз-неъматлар етиштиришни кўпайтиришга муносиб ҳисса қўшаётган  фидойи инсонлардан бири. У оиласининг 22 сотих майдонни эгаллаган шахсий ва қўшимча томорқасида, тўрт нафар ўғли ва қизининг хонадонларига қарашли беш минг метрдан зиёдроқ майдонда, шунингдек, энтомофаглар ишлаб чиқаришга мўлжалланган лаборатория тасарруфидаги ерларда кўп   йиллардан бери қулупнай етиштириб,   элимиз дастурхони тўкинлигини таъминлашга ҳисса қўшмоқда.

- Қулупнайнинг тур-навлари кўп, - дейди  Б.Жуманиёзов. - Бизга ўсимликнинг Россия Федерациясидан келтирилган "Виктория" нави манзур. У совуққа, турли хил касалликларга, зараркунандалар ҳамласига чидамли, ҳосилдор. Бинобарин, кўп йиллардан бери шу нав экини бўйича 70-80 центнердан ҳосил етиштириб, ҳар 10 сотих ер ҳисобига 12-15 миллион сўмдан даромад қилиб келяпмиз.

Аслида бу экин озуқа ва намга  талабчан. Шу боис ҳар йили баҳор  келиб, ҳаво исий бошлагач, қулупнай майдонларининг ҳар гектари ҳисобига 1,5-2 тоннадан аммофос ўғитини берамиз. Ўсимликнинг ўтган йилдан қолган баргларини ўриб ташлаймиз. Бу эса экиннинг кенг туплаши, баравж ривожланиши гаровидир.


Юртбошимиз ташаббуси билан Хоразм вилояти иқтисодиётининг барча соҳалариниайниқса саноат соҳасини ривожлантириш борасида кенг кўламли ислоҳотлар амалга оширилмоқда.

Хоразм вилоятининг саноат марказига айланиб бораётган Ҳазорасп туманида навбатдаги янги корхона –Ҳазорасп текстил” МЧЖ  замонавий енгил саноат комплекси ишга туширилиши вилоятиқтисодиётининг ривожланиши ҳамда Ялпи ички маҳсулотнинг ортиб боришида муҳим аҳамият касб этади

Ҳазорасп текстил” корхонасида ипкалава ишлаб чиқариш лойиҳаси   “Асака банк” ва “Виккот Импекс” МЧЖнинг жами 80 млрд. сўмлик инвестиция маблағлари ҳисобига амалга оширилдиКорхонада ШвейцарияТуркия ва Ҳиндистонда ишлаб чиқарилган замонавий ускуналар ўрнатилибйилига беш минг тонна юқори сифатли ип калава ишлаб чиқариш қуввати мавжудТайёр маҳсулотнинг 80 фоизи экспорт қилинадиКорхонада 300 га яқин янги иш ўринлари яратилдиУшбу комплекс бугунги ислоҳотларимизга таянч бўлиб хизмат қилувчи лойиҳалардан бири бўлди.



Хива тумани Қорақум қишлоғида ўтказилган сайёр қабулда ҳудуд ҳамда унга ёндош туманлар аҳолисининг турли соҳаларга оид муаммолари, талаб ва таклифлари эшитилди. Йўлларни таъмирлаш, тадбиркорликни ривожлантириш, янги иш ўринлари яратиш, таълим ва тиббиёт сингари долзарб масалаларга алоҳида эътибор қаратилди.

Мурожаатларнинг аксарияти уй-жой қуриш учун ер ажратиш, моддий ёрдам, пенсия, ишга жойлашиш, банк-молия, соғлиқни сақлаш, йўлларни таъмирлашга оид бўлди.