"UzAuto Motors" AJ Xorazm viloyati filialiga umumiy quvvati 2328 kVt lik quyosh panellari o'rnatildi.
Yurtimizda 2025-yil “Atrof-muhitni asrash va „yashil“ iqtisodiyot yili” deb e’lon qilingan edi.
Atrof-muhitga zarar yetkazmaydigan energiya manbalaridan foydalanish bugungi kunning dolzarb masalalaridan biridir. Shundan kelib chiqib "UzAuto Motors" AJ Xorazm viloyati filialida yirik hajmdagi quyosh panellari o'rnatilmoqda.
Yangi tizim zavodning energiya samaradorligini oshirish, atrof-muhitga zararli chiqindilarni kamaytirish hamda muqobil energiya manbalaridan foydalanish imkoniyatlarini kengaytirishga xizmat qiladi. Quyosh panellari yordamida elektr energiyasiga bo‘lgan ehtiyojning bir qismi qayta tiklanuvchi manba hisobiga qoplanadi.
Bu qilinayotgan ishlar korxonamizning barqaror rivojlanish tamoyillariga sodiqligini ko‘rsatib, uzoq muddatda energiya sarfini optimallashtirish va xarajatlarni kamaytirishga yordam beradi. Ekologik toza texnologiyalarni tatbiq etish orqali zavod yanada innovatsion va zamonaviy ishlab chiqarish tizimiga ega bo‘lmoqda.
Бош саҳифага қайтиш
