Click to listen highlighted text!

Хоразм вилояти ҳокимлигида  Ўзбекистон Республикаси Президенти Маслаҳатчисининг ўринбосари Исмаилов Умар Сапаевич ҳамда Ўзбекистон Республикаси Маҳалла ва оилани қўллаб-қувватлаш вазирининг ўринбосари Парпиев Ботир Рахматович иштирокида йиғилиш бўлди.
Йиғилишда Садуллаев Жахонгир Қўшназарович  Хоразм вилояти ҳокимининг ўринбосари - маҳалла ва оилани қўллаб-қувватлаш бошқармаси бошлиғи лавозимига тайинланди.   

Эндиликда Урганчдаги марказда ҳам нафақат ўсмир ва катта ёшли беморларда, балки чақалоқларда ҳам асоратсиз ҳамда замонавий усулдаги жарроҳлик амалиётлари ўтказилиши мумкин. Лойиҳа доирасида икки ойлик чақалоқда жарроҳлик амалиёти ўтказилди.

Маълумки, юрак хасталиги инсон ҳаётига таҳдид соладиган оғир касалликлардан биридир. Айниқса, чақалоқлар орасида учраётган ушбу турдаги хасталикларни даволаш бироз мураккаб саналади. Бу касалликни фақат жарроҳлик амалиёти билан бартараф этиш ва беморни тўлақонли ҳаётга қайтариш мумкин. Бундай жарроҳлик амалиёти ҳар қандай клиникада ўтказилавермайди, бунинг учун махсус шароит ва зарур салоҳият бўлиши лозим. Зеро, болалар қанча эрта даволанса, касалликни асоратсиз бартараф этиш самараси шунча ортади. Ана шу жиҳатлар эътиборга олинган холда кейинги йилларда Республика ихтисослаштирилган кардиология марказининг Хоразм филиали замонавий тиббий технологиялар билан таъминланди. Бу, ўз навбатида, оналар ва болаларга юқори малакали тиббий ёрдам кўрсатиш сифатини янада ошириш, чақалоқлик давридан 18 ёшга тўлгунига қадар болаларга кардиожарроҳлик, нейрожарроҳлик, урология, нефрология, онкология ва бошқа ихтисослаштирилган тиббий ёрдам кўрсатиш сифатини яхшилаш, болалар ўлими ва ногиронлигини камайтириш имконини беради.


Депутатлар Урганч шаҳри ҳамда Хонқа, Шовот туманларида бўлиб, аҳолини ичимлик суви билан таъминланиш даражаси ва бу соҳада янгидан барпо қилинаётган  сув тақсимлаш иншоотлари ҳолатлари ўрганилди. 
Шунингдек, ушбу сув тақсимлаш иншооти хизмат кўрсатаётган ҳудудлар аҳолиси билан жойларда бўлиб, бугунги кунда аҳолини қийнаб келаётган бошқа ижтимоий-иқтисодий, соғлиқни сақлаш, экология, бандлик, ёшлар, хотин-қизлар, таълим –тарбия масалаларига доир муаммолари ҳам атрофлича ўрганилиб мутассадди идоралар билан ҳамкорликда амалий ёрдам беришга келишиб олинди.

Ўзбекистон журналистларини қайта тайёрлаш маркази ва Буюк Британия ва Шимолий Ирландия Бирлашган Қироллигининг Ўзбекистон Республикасидаги элчихонаси ҳамкорлигида давра суҳбати ташкил этилди.  
Унда 2019 йил давомида марказий ва маҳаллий ОАВда «Коррупцияга қарши курашиш» мавзусида таҳлилий-танқидий материаллари билан фаол иштирок этган журналистлар, блогерларларга диплом ва эсдалик совғалар топширилди. 
Коррупция мавзусини ёритишда босма ва электрон нашрларда эълон қилинган таҳлилий-танқидиймақолалари учун Бош прокуратура ҳузуридаги Иқтисодий жиноятларга қарши курашиш департаментининг Хоразм вилоят бошқармаси катта инспектори Дилрабо Курязова ғолиблар қаторидан жой олди. 

Урганч гарнизонидаги ҳарбий қисмларнинг бирида ўзбек  халқининг улуғ маърифатпарвари, мутафаккири ва буюк шоири Алишер Навоий ҳамда шоҳ ва шоир Захириддин Муҳаммад Бобур таваллудига бағишлаб ўтказилган адабий кечада иштирокчилар буюк сиймолар яшаган даврни саҳна кўринишлари орқали кўра олишди. 
Қалбининг туб-тубига етиб борадиган, ҳар қандай кўнгилни сел қиладиган Бобур ижоди, ўз ижодида одамларни саҳоватли ва ҳимматли бўлишга ундайдиган ва ёшларни ҳам шундай фазилатли қилиб тарбиялашга чақирадиган аллома Алишер Навоийнинг ғазаллари киши қалбини титратиб, халқимизнинг нақадар бой ва бетакрор миллий меросга эга эканлигини айтиб туради.
Тадбирда Урганч шаҳар Маданият ва аҳоли дам олиш маркази, Огахий номидаги вилоят мусиқали драма театри актёрлари, Урганч давлат университети ва 2-сонли академик лицей талабалари, шаҳар “Маърифат” маҳалла фуқаролар йиғини ҳамда ҳарбий қисм шахсий таркиби томонидан Алишер Навоий ва Бобур ижодидан ғазал ва рубоийлар маромига етказилиб, саҳна кўринишлари намойиш этилди.
Ижодий кечада Шимоли-ғарбий ҳарбий округ қўшинлари қўмондонлиги ҳам иштирок этди.
Йиғилганлар буюк сиймоларнинг ижодидан бахраманд бўлиб, маданий ва маърифий завқ олишди. Шаҳар Маданият ва аҳоли дам олиш маркази томонидан намойиш этилган концерт дастури барчага хуш кайфият улашди.


Бугун Боғот туманида ҳар йили анъанавий тарзда ўтказилиб келинаётган ақл гимнастикаси бўлмиш “Ёшлар шахмат тахтаси" республика очиқ турнирининг туман босқичи бўлиб ўтди. 
 Турнирнинг қуйи босқичларида яъни мактаб ҳамда ҳудуд босқичларида ғолибликни қўлга киритиб туман босқичига йўлланма олган 6 та ёш тоифаси бўйича 145 дан ортиқ ўқувчи ёшлар иштирок этишди. Турнир юқори савияда бўлиб ўтди. Турнир якунига кўра 12 нафар иўтирокчи вилоят босқичига йўлланмани қўлга киритди. Ғолибларга  “Диплом” ва эсдалик совғалари топширилди. 


Хоразм вилояти ҳокими Фарҳод Эрманов ҳамда Шимоли-ғарбий ҳарбий округ қўшинлари қўмондони полковник Дилшод Чориев бир гуруҳ ҳарбий хизматчилар ва вилоят “Нуроний” жамғармаси раиси Маткарим Жуманиязов хамроҳлигида Урганч шахрининг фахрига айланган Иккинчи жаҳон уруши қатнашчиси Жаббор ота Қаландаров ҳолидан хабар олишди.

Отахон суҳбат давомида бугунги кун қадри хақида тўлқинланиб гапирди. Дуога қўл очган отахон, аввало юртимизда тинчлик ва осойишталик ҳукмронлиги учун шукроналар айтиб, мамлакатимизга кўз тегмасин дея таъкидлади.


Ўзбекистон Республикаси Марказий банк Хоразм вилояти Бош бошқармаси бошлиғи У.М.Жуманиязовнинг Боғот туманидаги АТ "Агро банки" Боғот филали биносида 2020 йил 21 февраль куни соат 11:00 да жисмоний ва юридик шахслар вакиллари билан банк хизматлари бўйича сайёр қабул ўтказишини маълум қиламиз. 


Урганч шаҳрида жойлашган ва капитал таъмирдан чиқарилган Хоразм вилояти Мудофаа ишлари бошқармаси биноси фойдаланишга топширилди.

Бинонинг очилиш маросимида Хоразм вилояти ҳокими – ҳарбий-маъмурий сектор раҳбари Фарҳод Эрманов, Шимоли-ғарбий ҳарбий округ қўшинлари қўмондони полковник Дилшод Чориев, давлат ва жамоат ташкилотлари вакиллари ҳамда ёшлар иштирок этди.

Ҳурматли электр энерияси истеъмолчилари мамлакатимиз Президентининг 2017 йил 13 ноябрдаги ПҚ-3384-сонли Қарорига асосан вилоятимизнинг барча туманларида электр энериясини ҳисобга олишнинг автоматлаштирилган тизимига мос ҳисоблагичлар ўрнатилмоқда.
2020 йилнинг 7 февраль санасидан ушбу ҳисоблагичларни тизимга улаш ишлари бошланди. Тизимга уланган ҳар бир ҳисоблагич инсон омили аралашувисиз автоматик тарзда маҳсус дастур орқали назорат қилинади.
Бунинг натижасида истеъмолчида электр энергияси учун қарздорлик кузатилган ёки олдиндан тўлов мавжуд бўлмаган тақдирда, ушбу тизим орқали истеъмолчи тармоқдан автоматик тарзда ажратилади.
Бундай муаммолар юзага келмаслиги учун электр энергиясидан фойдаланганлик учун олдиндан тўловни амалга оширишингизни сўраймиз.

“Хоразм ҳудудий электр тармоқлари” АЖ