Click to listen highlighted text!
  Кеча Ўзбекистон Республикаси Президенти Шавкат Мирзиёев ва Туркманистон Президенти Гурбангули Бердимуҳамедовнинг телефон орқали мулоқоти бўлиб ўтди.
 Суҳбат чоғида стратегик шериклик тамойилларига асосланган кўп қиррали Ўзбекистон-Туркманистон муносабатларининг жорий ҳолати ва уларни кенгайтириш истиқболлари муҳокама қилинди.
   Президентлар ўзбек ва туркман халқларининг тақдирида умумий жиҳатлар жуда кўплиги, уларни қадимий тарих, анъана ва урф-одатлар боғлаб турганини алоҳида қайд этдилар. Халқларимиз ўртасидаги азалий дўстлик ва биродарлик ришталари, яхши қўшничилик муносабатлари бугунги кунда ўз ривожининг янги, тарихий босқичига кўтарилди. 
  Мулоқотда, шунингдек, Коронавирус инфекциясининг тарқалиши билан боғлиқ эпидемиологик вазият хусусида ҳам фикр алмашилди.
Бугун Хоразм вилояти ҳокими Фарход Эрманов Урганч давлат университети, Тошкент тиббиёт академияси Урганч филиали ва Ал-Хоразмий номидаги  Тошкент ахборот технологиялари университети Урганч филиалида таълим олаётган хориж талабалари билан учрашди. Талабаларнинг талаб ва таклифларини эшитиб, уларга яратилган шароитлар билан яқиндан танишди.  

     Хоразм телерадиокомпанияси 2020 йил 9 май куни "Буюк ғалабага буюк ҳисса" шиори остида кун давомида тўғридан-тўғри эфирда телемарафон ташкил этаяпти. Жонли эфирда уруш қаҳрамонлари ҳақида телеочерклар, лавҳалар, замондошларимиз билан суҳбатлар ва премьера тарзида бадиий фильмлар намойиш этилади.                                                                                                                                                                  Агар сизнинг ота-боболарингиз хам уруш қатнашчиси бўлса, @marafon75  telegram манзилига маълумоти билан расмларини жўнатишингиз мумкин. 8-9-10 май кунлари мунтазам равишда узатиладиган эфирда сизнинг ҚАХРАМОНЛАРИНГИЗ ҲАҚИДА ҳам эфир соатидан жой ажратилади. Имкониятдан фойдаланинг!

Хива шаҳри “Гулирайхон” маҳалласи, “Мафтункор” кўчаси 71-уй. Менга қадрдон бўлган ушбу хонадоннинг табаррук остонасидан ҳатламай туриб, дарвоза тепасидаги пештахтага битилган ёзув – “Бу уйда Иккинчи жаҳон уруши қатнашчиси яшайди”, деган шарафли жумлани ўқиганимда ҳар сафар ғурурим ортарди, кўнглим тоғдек юксаларди.


    Хоразм вилоятининг Ҳазорасп ва Тупроққалъа туманларидаги маҳаллаларда кўчма дўконлар савдоси ташкил этилди. Энг зарур озиқ-овқат маҳсулотлари аҳолига узлуксиз етказиб берилаётган дўконлар фаолиятидан аҳоли жуда мамнун.

   Маълумки, қишлоқ ҳудудларида нон маҳсулотлари дўконлари бўлмагани боис унга талаб юқори бўлади. Шу боис туман қишлоқларига кўчма дўконлар орқали ун сотувини йўлга қўйишга алоҳида эътибор берилмоқда.

– Ўзбекистон Республикаси Вазирлар Маҳкамасининг 2020 йил 15 апрелдаги йиғилиши қарорига асосан карантин даврида аҳолига етказиб бериладиган ун маҳсулотларини тадбиркорлик субъектлари биржа савдолари орқали эмас, балки донни қайта ишлаш корхоналаридан тўғридан-тўғри шартнома асосида сотиб олиш тартибининг белгилангани туфайли ушбу маҳсулот таъминоти янада яхшиланди, – дейди Бош прокуратура ҳузуридаги иқтисодий жиноятларга қарши курашиш департаментининг Ҳазорасп туман бўлими бошлиғи Учқун Мадраҳимов. – Ушбу тартиб жорий этилгандан буён туман қишлоқларга белгиланган жадвал режа асосида ун етказиб бериш йўлга қўйилди. Апрел ойининг ўзида шу усулда қишлоқларга 200 тоннадан ортиқ ун етказиб берилди.

Кўчма дўконларда бошқа озиқ-овқат маҳсулотлари ҳам арзонлаштирилган нархларда сотилмоқда. Шунингдек, рамазон ойида кўчма дўконларда хурмо, нишолда, “печак қанд”, қаймоқ каби ширинликлар ҳам сотилиши йўлга қўйилган.

– Маҳалламиз туман марказидан 100 километр узоқликда жойлашгани боис бозорга тез-тез бормаймиз, – дейди Тупроққалъа тумани Соримой массивида яшовчи Неъмат Раҳимов. – Кўчма савдо дўконларидан савдо қилдик. Маҳсулотларнинг сифати ҳам нархлари ҳам бизга маъқул. Мана шу хайрли ишларни ташкилотчиларига минг раҳмат.

  Айни кунларда вилоятнинг барча ҳудудларида бош прокуратура ҳузуридаги иқтисодий жиноятларга қарши курашиш департаментининг Хоразм вилояти бошқармаси, вилоят прокуратураси ходимлари томонидан ун ва бошқа маҳсулотлар нархининг ошишига йўл қўймаслик мақсадида доимий назорат олиб борилмоқда.




    Тинчлик-хотиржамлик – тараққиёт гаровидир. Биз азал-азалдан тинчликсевар халқмиз. Айнан шу ғоя тарғибига бағишланган буюк миллий маънавий меросимиз бор. Уларнинг барида тинчликнинг қадрига етиш тарғиб этилади, уруш эса батамом қораланади. Ҳамон орамизда қанчадан-қанча уруш қатнашчилари, фронт ортида меҳнат-машаққат чекканлар бор. Ўтганларни хотирлаш, сафимизда юрганларнинг эса қадрига етиш керак. Бугун анашундай машаққатли дамларда халқимизга мададкор бўлиб, бор куч ғайрати билан фронт ортида меҳнат қилиб, бугунги кунда қарилик гаштини сураётган азиз инсонларимиз холидан хабар олдик. Иккинчи жахон урушида қозонилган ғалабанинг 75 йиллиги муносабати билан Махалла ва оилани қўллаб қувватлаш бошқармаси томонидан  туман  бўлимининг  Кексалар ва ёшлар ишлари бўйича мутахасиси Сайёра Яйилганова ва туман ҳокимлиги ахборот хизмати бўлими билан биргаликда тумандаги  1941-1945 йиллардаги фронт орти мехнат қатнашчиларининг 26 нафарига озиқ овқат махсулотлари тарқатилди. Ушбу мехнаткашларнинг аксарияти юз билан юзлашаётган, юзларидан нур ёғилиб турган неваралар ва эвараларнинг рохатини кўраётган аяларимиз, дуога қўл очиб  бугунги шодумон кунларга шукроналар айтишди. 
 

    Хоразм вилоятининг энг олис ҳудудида жойлашган Ҳазорасп  ва Тупроққалъа туманларидаги барча маҳаллаларда кўчма дўконлар савдоси ташкил этилиб, энг зарур озиқ-овқат маҳсулотлари аҳолига узлуксиз етказиб берилмоқда.
      Маълумки, қишлоқ ҳудудларида нон маҳсулотлари дўконлари бўлмагани боис унга талаб юқори бўлади. Шу боис туман қишлоқларига кўчма дўконлар орқали ун сотувини йўлга қўйишга алоҳида эътибор берилмоқда.
– Ўзбекистон Республикаси Вазирлар Маҳкамасининг 2020 йил 15 апрелдаги йиғилиши қарорига асосан карантин даврида аҳолига етказиб бериладиган ун маҳсулотларини тадбиркорлик субъектлари биржа савдолари орқали эмас, балки донни қайта ишлаш корхоналаридан тўғридан-тўғри шартнома асосида сотиб олиш тартибининг белгилангани туфайли ушбу маҳсулот таъминоти янада яхшиланди, – дейди  Бош прокуратура ҳузуридаги Департаментнинг Ҳазорасп туман бўлими бошлиғи Учқун Мадраҳимов. – Ушбу тартиб жорий этилгандан буён туман қишлоқларга белгиланган жадвал режа асосида ун етказиб бериш йўлга қўйилди. Апрел ойининг ўзида шу усулда қишлоқларга 200 тоннадан ортиқ ун етказиб берилди.
Кўчма дўконлар қишлоқларга бошқа озиқ-овқат маҳсулотларини ҳам арзонлаштирилган нархларда сотилмоқда. Шунингдек, рамазон ойида кўчма дўконларда хурмо, нишолда, печак, қаймоқ каби ширинликлар ҳам сотилиши йўлга қўйилган. Бу борада Бош прокуратура ҳузуридаги Департаментнинг Хоразм вилоят бошқармаси, вилоят прокуратураси ходимлари томонидан ун ва бошқа маҳсулотлар нархининг ошишига йўл қўймаслик мақсадида доимий назорат олиб борилмоқда.


Бош прокуратура ҳузуридаги Департаментнинг Хоразм вилоят бошқармаси


    Бугун Боғот тумани ҳокимлиги билан Боғот тумани Халқ қабулхонаси мудири Қ.Нурметовлар ўксик қалбларни хурсанд қилиш учун Рамазон ойи совғаси сифатида тумандаги чин етим болаларга барча турдаги кийим-кечаклар ва озиқ-овқат маҳсулотларини уларнинг уйларига элтиб бердилар.
    Яқин ўтмишга мурожаат қилсак ҳам, ўтган аср ўттизинчи йилларидаги мудҳиш очарчилик йилларида ҳам бизнинг Ўзбекистон юртимиз минг-минглаб одамлар учун нон шаҳрига айланганини бугун яна бир бора эслайлик. Ёхуд, иккинчи жаҳон уруши йилларида халқимизнинг бағрикенглиги, болапарварлиги,бир майизни муҳтожлар билан қирқ бўлиб ейиши тилларда афсоналарга айланганига буюк тарихимиз гувоҳ!
    Бугунги ушбу синовли кунларда бағрикенглик, меҳр-муҳаббат янада ошгани эса шубҳасиздир.
     Боғот туманида ҳеч ким меҳр ва эътибордан четда қолмаслигини таъминлаш мақсадида тизимли ишлар амалга оширилмоқда.


#УЙДАҚОЛИНГ
                                                        
Боғот тумани ҳокимлиги Ахборот хизмати


    «Сардоба» сув омборида келиб чиққан фалокатдан жабр кўрган сирдарёликларга ёрдам бериш учун Хоразм вилоят бюджетидан 3 миллиард сўм ажратилади.

    4 май куни халқ депутатлари Хоразм вилояти Кенгашининг саккизинчи сессияси бўлиб ўтди. Унда Хоразм вилояти ҳокими Фарҳод Эрманов, депутатлар, туман ҳокимлари, корхона ва ташкилот раҳбарлари иштирок этишди. 
   Cессияда Сирдарё вилоятидаги «Сардоба» сув омбори тўғонининг бир қисми ўпирилиши оқибатида юзага келган офатдан талафот кўрган аҳолини қўллаб-қувватлаш масаласи кўриб чиқилди.
Депутатлар сув тошиб, ҳудуддаги аҳоли пунктларида турар ва нотурар мулклар, ижтимоий соҳа объектлари ва қишлоқ хўжалиги экинларига жиддий талафот етгани ва 70 мингга яқин фуқаро бу талафотдан азият чеккани хоразмликларни ҳам қайғуга солганини таъкидлашди. Шундай даврда ўзаро қўллаб-қувватлаш, турмуш шароити вақтинчалик оғирлашган сирдарёликларга кўмаклашиш, ёрдам бериш инсонийлик бурчи эканини эътироф қилишди. 
    Сессияда Сардоба аҳлига кўмаклашиш хайрия жамғармасига вилоят бюджетидан 3 миллиард сўм пул ажратиш таклифи депутатлар томонидан маъқулланди.
Аввалроқ Хоразм вилоятидан Сирдарёга жами 500 миллион сўмлик инсонпарварлик ёрдами - озиқ-овқат, кийим-кечак ва қурилиш материаллари юборилганди.


        Хоразм вилояти Боғот туманидан Сирдарёга ёрдам карвонлари йўлга чиқди.
     Боғотлик саҳоватли, меҳр-муҳаббатли, ҳиммати баланд инсонлари бугун Сирдаё халқини қўллаб-қувватлаб тадбиркорлар, корхона, ташкилот раҳбарлари, наинки юраги тоза инсонлар ўзларининг оғзибирлигини яна бир бор намоён қилдилар. 
    Туман ҳокими Ойбек Холбоев қилинган ёрдам ва хайр саховатлар учун барча Боғотликларга самимий миннатдорчилик билдириб, ёрдам карвонига қўшилишни истаган саҳоватли инсонларни, тумандаги  «Бахт- ҳаракат меваси» МЧЖ биносига Сирдарёликларга тўлиб-тошиб кўмак билан келаётганларга «Сизларнинг Моҳи Рамазон ойида қилаётган савобли ишларингиз,бераётган эҳсонингиз уйингизга омад, соғлик, тинчлик ва юрак хотиржамлиги бўлиб қайтишини тилаймиз.
     Сизнинг бу яхшиликларингиз ҳеч қачон унутилмайди»деб барчани янада руҳлантирди.


Боғот тумани ҳокимлиги Ахборот хизмати

      Жорий йилнинг 2 май куни ижтимоий тармоқларда Шовот тумани «Арбеклар» маҳалласида одамлар ун олиш учун тўпланиб, ун йўқ деган мазмундаги асосланмаган, ёлғон хабар тарқалди. 
      Карантин даврида Шовот туманидаги барча маҳаллаларга  арзонлаштирилган савдо дўконлари ва кўчма бозорлар орқали ун маҳсулотлари белгиланган тартиб асосида етказилмоқда. 
Бу борада вилоят ва туман ҳокимлиги,  прокуратура, Бош прокуратура ҳузуридаги департаментнинг вилоят бошқармаси ва унинг ҳудудий бўлимлари томонидан қатъий назорат ўрнатилган.
     Шовот туманига «Шовот дон» АЖ томонидан ишлаб чиқарилаётган ун маҳсулотлари биринчи қўл тамойили асосида етказилмоқда. Асосан, ҳар бир оилани эҳтиёж асосида ун билан таъминлашда маҳалла фуқаролар йиғини раиси ва маҳалла учаска нозири масъул этиб бириктирилган. 
      Шу ўринда фуқароларимиздан   ваҳифа уйғотувчи ёлғон ахборотлар тарқатишдан ўзингиз ва яқинларингизни асрашингизни сўраймиз. Шунингдек, ҳар бир фуқаро эҳтиёжи асосида, карантин қоидларига риоя этган ҳолда маҳаллаларда ташкил этилган арзонлаштирилган савдо дўконларидан харидни амалга  оширса, вирусли пандемияни ҳамжиҳатликда, оғзибирчиликда енгиб ўтишга ўз ҳиссасини қўшган бўлади.