Click to listen highlighted text!
Хоразм вилояти ҳокимлиги
Вилоят ҳокимининг Facebokдаги расмий саҳифасига “Наврўз” шаҳарчасида яшовчи фуқародан келган мурожаат юзасидан Фарход Эрманов бу ерда амалга оширилаётган ишларни кўздан кечириб, мазкур ҳудудда яшаётган аҳолининг турмуш тарзи билан яқиндан танишди ва уларни қийнаб келаётган муаммоларни тинглади.

“Future Industry Systems” Ўзбекистон-Туркия қўшма корхонаси томонидан “Ҳазорасп” эркин иқтисодий зонасида “Кичик маиший техника ва электр двигателлари ишлаб чиқариш” заводини барпо этиш бўйича дастлабки қурилиш ишлари бошланди.
Иқтисодиёт ривожланиши, яъни вилоятимиз Ялпи ички маҳсулоти ортиб бориши учун иқтисодиётда қўшимча қиймат берувчи экспортбоп маҳсулот ишлаб чиқаришга қаратилган мана шу янги лойиҳанинг амалга оширилиши нафақат Хазорасп тумани, балки бутун Хоразм вилояти иқтисодиёти ривожланишига катта ҳисса қўшади.
Қўшма корхона томонидан биринчи босқичда қиймати 15,5 млн. долларга тенг инвестициялар киритиш ҳисобига “Электр двигателлари ишлаб чиқариш” лойиҳаси амалга оширилиб, 200 та янги иш ўринлари яратилади ва йилига қиймати 14 млн. АҚШ долларига тенг 5 турдаги 2 млн. га яқин электр двигателлари ишлаб чиқарилади.

Мухтарам Президентимиз томонидан бугунги кунда тўғридан-тўғри хорижий инвестицияларни жалб қилиш, республикамизнинг экспорт салоҳиятни ошириш ва туризм соҳасини ривожлантириш борасида ислоҳотлар олиб борилмоқда. Бугунги кунда Хоразм вилоятида мазкур йўналишларда бир қатор ишлар олиб борилди. Хусусан, жорий йилнинг ўзида 72 та мехмонхоналар қурилиб, ишга туширилди. Хорижий сайёҳларнинг вилоятга ташрифи ўтган йилнинг мос даврига нисбатан 2,5 баробарга ошиб, 255 минг нафарни ташкил қилди. Ўтган йилнинг ўзида 74 та янги хорижий инвестиция иштирокидаги корхоналар ташкил қилиниб, 170 млн. АҚШ долларига яқин тўғридан-тўғри инвестициялар ўзлаштирилди. Шунингдек, 70 млн. доллардан ортиқ маҳсулотлар экспортини амалга оширишга эришилди. Ушбу йўналишларга хорижий инвесторларни жалб қилиш, уларни туризм, инвестиция ва экспорт салоҳияти билан яқиндан таништириш ва хамкорликни йўлга қўйиш мақсадида Вилоят ҳокимининг туризмни ривожлантириш масалалари бўйича ўринбосари Темур Давлетов бошчилигида тадбиркорлик субъектларидан ташкил топган Хоразм вилояти делегацияси 18 октябр куни Ҳиндистон давлатига ташриф буюриб, шу куннинг ўзида ҳар йили бир маротаба ўтказиладиган Хиндистон миллий хунармандчилик кўргазмасида иштирок этишди. Кўргазма доирасида вилоятдаги хунармандлар иштирок этишиб, зардўстлик, ипакчилик, гиламчилик, тасвирий ва амалий санъат, ёғоч-ўймакорлик ва бошқа хунармандчилик маҳсулотлари билан қатнашишди. Шунингдек, делегация аъзолари олтин ишлаб чиқариш ва заргарлик маҳсулотлари тайёрлаш ҳамда экспорти билан шуғулланувчи Ҳиндистоннинг йирик “Jurassic” компанияси директори Умеш Гарг, логистика компанияси “SeaStar Global Logistics Pvt.Ltd” директори А.К.Шарма, халқаро юк ташиш фаолияти билан шуғулланувчи “The Great Eastern Shipping company Limited” компанияси раҳбари Камал Ядав, фармацевтика йўналишида фаолият олиб бораётган тадбиркор Dr.Sunil Patodia, туризм йўналишидаги “Holiday Merchants” компанияси раҳбари Викас Хандури, олий ва ўрта махсус таълим ташкилотлари ўртасида туристик салоҳиятни тарғиб қилувчи “PT Global EDU” компанияси раҳбари С.Пател билан музокаралар ўтказишди. Учпашувлар давомида Мухтарам Президентимиз томонидан инвестиция, экспорт, туризм соҳаларини ривожлантириш, чет эллик инвесторлар учун яратилаётган шарт-шароит ва берилаётган преференциялар бўйича қарорлар доирасида аниқ маълумотлар бериб ўтилди. Шунингдек, туризм соҳасида аниқ мақсадли келишувларга эришиш, хусусан инфо-турлар ташкил этиш, сайёхлик ташкилотлари ўртасида сайёхларни алмашиш бўйича шартномалар имзолаш, Хиндистондаги ўқувчи ва талабалар, таълим муассасалари ўқитувчи профессорлари ўртасида вилоятнинг туристик салоҳиятини тарғиб қилиш, заргарлик саноатини ривожлантириш, қишлоқ хўжалиги маҳсулотларини қайта ишлаш ва логистика марказини ташкил этиш, юқори хосилдорликга эга бўлган боғ барпо этиш ҳамда қишлоқ хўжалиги маҳсулотлари экспортини йўлга қўйиш, вилоятда текстил саноати йўналишида ип-калавани бўяш, мато ва тайёр маҳсулотлар ишлаб чиқариш ва ушбу маҳсулотларнинг экспорт қилиш ҳамда аниқ келишувларга эришиш масалалари муҳокама қилинди. Хоразм вилояти ишбилармон доира вакилларидан иборат делегациясининг Ҳиндистон давлатига ташрифи давом этмоқда. Хоразм вилояти ҳокимлиги Матбуот хизмати 

Сўнгги йилларда Президентимиз Шавкат Мирзиёев раҳбарлигида мамлакатимизнинг барча соҳаларида бўлгани каби электр энергетикаси соҳасида ҳам туб ўзгаришлар амалга оширилмоқда. Ўтган қисқа даврда электр энергетикаси тизимига оид ҳамда соҳани комплекс ривожлантиришга қаратилган қатор фармон, қарорлар бунинг яққол далилидир
Ушбу эзгу саъй-ҳаракатларнинг мантиқий давоми сифатида Хоразм вилоятининг Хива шаҳрида электр таъминоти корхонасининг янги, 2 қаватли замонавий биноси қайта реконструкция қилиниб, фойдаланишга топширилди. Натижада, Хива тумани ва Хива шаҳри аҳолиси учун электр энергетикаси таъминоти янада яхшиланиб, малакали мутахассислар томонидан истеъмолчиларга энг замонавий технологиялар асосида инновацион хизмат кўрсатиш имкониятлари яратилди.
Истеъмолчиларга узлуксиз ва сифатли хизмат кўрсатиш, мурожаатларга ўз вақтида жавоб бериш ҳамда аҳолига замонавий хизмат кўрсатиш учун барча шароит яратилди, - дейди “Хоразм ҳудудий электр тармоқлари” АЖ директори М.Базаримбетов.
Замонавий бино барча қулайликка эга бўлиб сўнгги русумдаги техникалар билан таъминланган. Рўйхатга олиш ишларини тизимли равишда йўлга қўйиш мақсадида мониторлар ҳамда юқори тезликда ишловчи интернет, “Фуқаролар қабулхонаси” ва “Корхона юристконсулти”, туну кун ишлайдиган диспетчерлик хонаси, электромонтёрлар техник машғулотлар ўтказиши учун замоновий полигон ва ходимлар учун ошхона  мавжуд. 
Бинонинг очилиш маросимида қатнашганлар бинода яратилган шароитлар, мавжуд техник ва технологик ускуналари билан танишди. 
Тадбирда Хоразм вилояти ҳокими Ф.Эрманов ва “Ҳудудий элэктр тармоқлари” АЖ раисининг биринчи ўринбосари Р.Райимов қатнашди ва сўзга чиқди.

      Тошкент тиббиёт академияси Урганч филиалида шаҳар-туманлар ҳокимликлари, қатор ташкилот ва идораларнинг ахборот хизматлари ҳамда ОАВ ҳодимлари ва блогерлар иштирокида “Давлат ҳокимияти ва бошқаруви органлари фаолияти очиқлигини таъминлаш миллий тизимининг ташкилий-ҳуқуқий асослари”, “Давлат ҳокимияти ва бошқаруви органлари фаолияти очиқлиги: фуқаролар ахборот олиш ҳуқуқларини таъминлашнинг долзарб масалалари” мавзусида семинар ўтказилди. Ўзбекистон Республикасининг “Давлат ҳокимияти ва бошқарув органлари фаолиятининг очиқлиги тўғрисида”ги Қонун давлат ҳокимияти ва бошқаруви органлари фаолиятининг очиқлиги соҳасидаги муносабатларни тартибга солиши билан аҳамиятли экани, бу Қонун журналистика соҳасида фаолият кўрсатаётган ҳодимлар учун дастуриламал бўлиши алоҳида таъкидланди. Семинарда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги вилоят бошқармаси бошлиғи Дилбар Бекчанова, Ўзбекистон Республикаси Олий Мажлиси Қонунчилик палатаси депутатлари Нуман Акбаров, Расул Кушербаев, Хоразм вилояти ҳокимлиги ахборот хизмати раҳбари Шоназар Карриев “Ўзбекистон Республикасининг “Давлат ҳокимияти ва бошқаруви органлари фаолиятининг очиқлиги тўғрисида”ги Қонунининг асосий қоидалари”, “Давлат ҳокимияти ва бошқаруви органлари фаолияти очиқлиги таъминлаш: ҳуқуқлар ва мажбуриятлар”, “Фаолият очиқлигини таъминлашда Ахборот хизматларининг роли: энг яхши амалиёт намуналари” мавзуларида сўзга чиқдилар. Вилоят ҳокимлиги ахборот хизмати раҳбари Ш.Карриев ҳамда Ахборот ва оммавий коммуникациялар бошқармаси бошлиғи Дилбар Бекчанова ҳокимликлар ҳамда идора ва ташкилотларнинг ахборот хизматлари ҳодимлари иш самарадорлиги ва ижтимоий тармоқлар билан ишлаш кўникмасини янада ошириши лозимлигини қайд этдилар.                                                                                                                                                                                        Хоразм вилояти ҳокимлиги Матбуот хизмати 

Урганч шаҳрида Ўзбекистон “Миллий тикланиш” демократик партияси марказий кенгаши томонидан ўтказилган “Бирмиз! Қўлни қўлга берамиз!” шиори остидаги навбатдаги митинг ташкил этилди.

Унда партия фаоллари, ёзувчи ва шоирлар, санъаткорлар, кенг жамоатчилик вакиллари ҳамда ёшлар иштирок этди.


– Халқнинг муаммоларини дадил кўтариб чиқа оладиган парламентни қурмоқчимиз, – дейди партия марказий кенгаши раиси Алишер Қодиров. – Бу парламент одамларнинг муаммоларини бевосита ўзи билан маслаҳатлашган ҳолатда ҳал қилади, қонунчиликда акс эттиради. Биз журъатли парламентни қуриш нуқтаи назаридан фақатгина “Миллий тикланиш” партиясининг “Миллий тикланишдан миллий юксалиш” га даъват этадиган ғоялари асосида бир тану бир жон бўлиб Ўзбекистонимизни ўзгартириш йўлида улкан ташаббусларни илгари сурамиз. Ким бўлишимиз ва қандай соҳада фаолият кўрсатишимиздан қатъи назар барчамизни ягона эзгу мақсад бирлаштириб туради.


Тарғибот тадбирида таъкидланганидек, партия ўз ғояларини ҳаётга изчил татбиқ этган ҳолда сайловда фаол иштирок этиб, парламентда энг кўп депутатлик ўрнига эга бўлишга ҳаракат қилмоқда. Бунинг учун сайловга тайёргарлик кўриш, сайловолди Платформаси билан боғлиқ тадбирларда тарғибот-ташвиқотнинг янги усул ва технологияларидан фойдаланишга алоҳида эътибор қаратилмоқда.



“Хоразмнинг Хонқа туманида серқатнов йўллардан хирмон сифатида фойдаланилмоқда” сарлавхаси остида чоп қилинган мақола юзасидан Хоразм вилояти ҳокимлиги Матбуот хизмати Хоразм вилояти ИИБ ЙХҲБ матбуот хизмати билан ҳамкорликда Хонқа туманидаги 4Р 170 “Хонқа –Ал Хоразмий-Боғот” автомобил йўлига бориб вазият ўрганилди. Ҳақиқатдан хам хонқалик фермерга тегишли 15 тонна шолининг автомобиль йўлига ётқизилиши натижасида автомобиллар ҳаракатига ноқулайлик туғдирган. 


Хоразм вилоятида хорижий инвесторлар томонидан қиймати 500,0 млн. АҚШ долларига тенг бўлган карбамид ишлаб чиқариш лойиҳаси амалга оширилади.

Вилоятимизга Буюк Британиянинг “ARAUK Capital Limited” компанияси директори Riaz Ali ва “ARAUK Capital Limited” компанияси халқаро алоқалар бўйича директори Adil Tufail ташриф буюриб, экспертлар иштирокида мазкур лойиҳанинг техник-иқтисодий асосларини ишлаб чиқиш бўйича вилоят ҳокими Ф.Эрманов билан музокаралар ўтказишди.


2019 йил 19 октябрь куни Марказий банк Хоразм вилояти Бош бошқармаси бошлиғи У.М.Жуманиязов томонидан Ҳазорасп туманида фуқароларнинг банк соҳасига оид мурожаатларини жойида кўриб чиқиш мақсадида сайёр қабул ўтказилади. Жисмоний шахслар ва юридик шахсларнинг вакилларини ушбу сайёр қабулда ўз мурожаатлари билан иштирок этишга таклиф этамиз.

Сайёр қабул жорий йилнинг 19 октябрь куни 11 00 да АТБ “Агро банк” Ҳазорасп филиали мажлислар залида ўтказилади. Тел: 0 (362) 224-58-31


Бугунги кунда Ўзбекистон ва Саудия Арабистони давлатлари ўртасидаги ҳамкорлик кўлами кенгайиб бормоқда. Саудия Арабистони Ўзбекистон мустақиллигини 1991 йил 30 декабрда тан олган. 1997 йил март ойида Тошкентда Саудия Арабистони элчихонаси очилди.

Мамлакатларимиз сиёсий, иқтисодий, маданий-гуманитар ва бошқа соҳаларда фаол ҳамкорлик қилиб келмоқда. Давлатларимиз ўртасида турли даражадаги делегациялар алмашувлари фаоллашмоқда.

Саудиа Арабистоннинг QUSAIRE компанияси бош директори Abdul Aziz Al Qusaire қишлоқ хўжалиги махсулотларни вилоятидан импорт қилиб Саудия Арабистонига олиб кетиш ва чет эллик тадбиркорларга яратилаётган шароитлар билан танишиш мақсадида Хоразм вилояти ҳокими Фарход Эрманов билан учрашди. Учрашув давомида вилоятнинг экпорт ва инвестиция салоҳияти хусусан, бугунги кунда хорижий инвесторлар учун яратилган имкониятлар, уларга берилган имтиёз ва преференсиялар ҳақида тўлиқ маълумот бериб ўтилди.