Click to listen highlighted text!


“SPLASH URGANCH”  масъулияти чекланган жамиятининг асосий фаолияти кунжутни қайта ишлашдан иборатдир. Бундан ташқари бу ерда таҳин – кунжут пастаси, ва кунжут ҳолваси ҳам ишлаб чиқарилади.  Муқаддам илк фаолиятини бундан уч йил олдин  атиги 5 ишчи билан бошлаган  даргоҳда айни пайтда 40 нафар  ишчи – хизматчи меҳнат қилишаяпти.  


Муборак Рамазон ойида  вилоятимиз имом-хатиблари ҳомийларни жалб этган ҳолда Урганч шаҳрининг “Темирйўлчи” маҳалласида истиқомат қилувчи эҳтиёжманд оилага 5 хонали уй ҳадя қилдилар.

Ҳурматли электр энергияси истеъмолчилари Ўзбекистон Республикаси электр станциялари ва тармоқларини техникавий эксплуатация қилиш қоидаларига асосан, бугун 23 апрель куни соат 10:00 дан 18:00 гача жорий профилактика ишлари сабабли Ҳазорасп, Янгибозор, Қўшкўпир, Урганч туманлари ҳамда Хива ва Урганч шаҳарларининг айрим ҳудудлари электр энергиясида узилишлар бўлиши мумкин.

Сўнгги кунларда айрим ҳудудларда ўзини газ таъминоти ташкилоти инспектори дея таништириб, хонадонлардаги ҳисоблагичларнинг истеъмол қилинган кўрсаткичларини текшириш баҳонасида, уй эгаларидан табиий газ учун пул маблағларни ўзлаштириб олаётган фирибгарлар аниқланиб, ҳуқуқни муҳофаза қилувчи идоралар томонидан қўлга олинаётганлиги ҳақида маълумотлар келмоқда.


Бугун Ўзбекистон Республикаси Президенти Администрацияси  ҳузуридаги Ахборот ва оммавий коммуникациялар агентлигининг Хоразм вилояти бошқармасида шаҳар ва туман ҳокимликлари, вилоят ташкилотлари ахборот хизматлари раҳбарлари билан учрашув бўлиб ўтди. Унда ахборот хизматлари фаолиятининг 1-чорак якунлари, тизимда меҳнат қилаётган ходимларга яратилган шароитлар, ҳудудларда амалга оширилаётган ишларнинг ёритилиши, оммавий ахборот воситалари ва блогерлар билан ҳамкорлик масалалари  муҳокама қилинди.  

“Ёшлар дафтари”га киритилган ёшларнинг хорижий тиллар ва умумтаълим  фанлари бўйича нодавлат таълим ташкилотларида ўқиш  харажатларининг 50 фоизи, бироқ умумий ҳисобда базавий ҳисоблаш миқдорининг 5 бараваригача бўлган миқдори ҳамда улар бўйича миллий сертификатлар олиш учун ўтказиладиган имтиҳонларни топшириш харажатлари  Ёшлар ишлари агентлигига  Давлат бюджетидан ажратилган маблағлар ҳисобидан компенсация қилинади.

“Бир миллион дастурчи” лойиҳаси доирасида ўқув курсларини муваффақиятли тугатган  ва сертификат олган ёшларга компьютер (шу жумладан, Ўзбекистон Республикасида ишлаб чиқарилмаган) харидлари учун базавий ҳисоблаш миқдорининг  25 бараваридан  кўп бўлмаган миқдорда истеъмол кредитлари ажратилади. Бунда,  истеъмол кредитлари  бўйича фоиз тўловлари  Давлат бюджетидан Ёшлар ишлари агентлигига  ажратилган маблағлар ҳисобидан компенсация қилинади.


Мамлакатимиз Президентининг 2021 йил 20 апрелдаги “Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида”ги фармонига асосан 2021 йил 1 майдан бошлаб:
ётоқхона билан қамраб олинмаган ва ўзига, шу жумладан ота-онаси (қонуний вакиллари)га тегишли бўлмаган уйда ижара ҳуқуқи асосида яшайдиган давлат олий таълим муассасалари талабаларининг 60 фоизига улар томонидан тўланадиган ойлик ижара тўловининг 50 фоизи Давлат бюджети ҳисобидан қоплаб берилади.

Ўзбекистон Республикаси мудофаасига кўмаклашувчи “Ватанпарвар” ташкилоти Хоразм вилояти кенгаши ҳамда вилоят техник ва амалий спорт турлари маркази томонидан Урганч туманидаги ўқув-машқ майдонида спортнинг картинг тури бўйича ўсмирлар ўртасида мусобақа уюштирилди. Унда воҳамизнинг  7 ёшдан 18 ёшгача бўлган иқтидорли картингчилари ғолиблик учун стартга чиқишди.

Малака тоифаси бўйича фан ўқитувчилари учун бўлиб ўтаётган малака синовларида бугунга қадар 12 нафар хоразмлик ўқитувчи 100 балли натижа билан энг юқори кўрсаткични қайд этди.