Click to listen highlighted text!
Хоразм вилояти ҳокимлиги

Ўзбекистон Республикаси Президентининг 2018 йил 29-30 ноябрь кунлари Хоразм вилоятига ташрифи давомида Хоразм вилоятида "Дамас" ва "Лабо" автомобилларини ишлаб чиқариш қувватини йилига 40 мингдан 60 минг дона автомобилга кўпайтириш топширилган эди. 
Топшириқлар ижроси юзасидан "UzAuto Motors" АЖ Хоразм вилояти филиалида режа асосида кенг кўламли модернизация ва модификация ишлари амалга оширилиб, ҳозирги кунгача, яъни 2019 йилнинг 10 ойи якуни бўйича жами 48 214 дона автомобиль ишлаб чиқаришга эришилди. 
Октябрь ойида хоразмлик автомобилсозлар томонидан завод тарихида биринчи маротаба бир ойда 6000 дона автомобиль ишлаб чиқарилди.



2-5 ноябр куни Хоразм вилоятида "Озарбайжон маданияти ва адабиёти куни" бўлиб ўтиши режалаштирилган. Мазкур тадбир Гейдар Алиев номидаги Озарбайжоннинг маданият маркази лойиҳасига биноан Озарбайжон Республикасининг Ўзбекистондаги элчихонаси ташаббуси билан Хоразм вилояти ҳокимлиги ҳамкорлигида ўтказилади.
Тадбир доирасида бир қанча кўргазмалар ҳам ташкил қилинади. Жумладан "Бизнинг абадий дўстлигимиз" номи остидаги Озарбайжон ва Ўзбекистон фото кўргазмаси ва Озарбайжон миллий кийимлари кўргазмаси ҳам намойиш этилади.
"Озарбайжон маданияти ва адабиёти куни" доирасида Озарбайжон Республикаси халқ артисти Гюляз Мамедов, Озарбайжон Республикасида хизмат кўрсатган артист Бейимханум Велиевой, таниқли ҳонанда Сахиба Пашазаде ва Гейдар Алиев номидаги Озарбайжон маданият марказининг "Озарбайжон қизлари" раққосалар гуруҳи қатнашиши кутилган.  

АҚШнинг мамлакатимиздаги Фавқулодда ва мухтор элчиси Дэниел Розенблюм Хоразм вилоятига ташрифи доирасида вилоят Хотин-қизлар тадбиркорлик маркази фаолияти билан яқиндан танишди. Марказ томонидан амалга оширилаётган ишлар ҳамда келгуси режалар хусусида марказ масъул ходимлари билан суҳбатлашди. 

Мулоқотда Д.Розенблюм АҚШ элчихонаси томонидан Ўзбекистонда хотин-қизларни тадбиркорликка йўналтириш бўйича ажратиладиган грант маблағлари, айниқса, имконияти чекланган хотин-қизларнинг бандлигини таъминлаш бўйича лойиҳаларда қатнашиш хусусида ўз тавсияларини берди. 

Элчи, шунингдек, марказнинг миллий ҳунармандчилик ўқув курси асосида ташкил этилган “Урганч миллий тикувчилик” оилавий корхонаси фаолияти билан яқиндан танишди.



Ўзбекистон Республикаси Президенти Шавкат Миромонович Мирзиёевнинг 2017 йил 18-20 сентябр кунлари ҳамда 2018 йил  15-17 май кунлари Америка Қўшма Штатларига амалга оширган ташрифлари икки мамлакат муносабатларининг ривожланишига янги туртки берди. Ушбу ташрифлар давомида Ўзбекистон ва Америка Қўшма Штатлари ўртасидаги ҳамкорликнинг муҳим истиқболларини белгилаб берувчи келишувларга эришилди ҳамда ўзаро ҳамкорликни ривожлантириш учун кенг имкониятлар эшиги очилди. 

Хоразм вилояти ҳокими Фарход Эрманов Америка Қўшма Штатларининг Ўзбекистондаги фавқулодда ва мухтор элчиси Дэниел Розенблюм билан учрашди. 


      Уй-жой коммунал хизмат кўрсатиш вазирлиги “Сув таъминоти ва оқава сув объектлари бўйича инжиниринг компанияси” ДУК Хоразм вилояти худудий бошқармаси буюртмачилигида вилоятимизда жорий йил 80 та лойиҳалар бўйича қурилиш-монтаж ишлари амалга оширилмоқда ва ишлаб чиқилган лойиҳалар ҳужжатларига асосан жойларда 21 та сув тарқатиш иншооти ва узунлиги 530 км ичимлик суви тармоқлари қуриб битказиб фойдаланишга топшириш режалаштирилган. 2019 йилда режалаштирилган объектларни амалга ошириш натижасида вилоятимиз аҳолисини ичимлик суви билан таъминлаш кўрсаткичи 56 фоиздан 62 фоизга ошиши кутилмокда. Бугунги кунда 2019 йилга режалаштирилган маблағларнинг 90 фоизи ўзлаштирилиб, вилоят бўйича 70 та объектда яъни, узунлиги 450 км бўлган ичимлик сув тармоқлари ва 13 та сув тарқатиш иншоотлари фойдаланишга топширилди. Ўзбекистон Республикаси Президентининг “Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида”ги қарорига асосан “Оролбуйи минтақасини ривожлантириш” дастури доирасида Питнак шаҳрида “Обод” маҳалласи учун ичимлик суви тармоқлари қуриш ва сув тарқатиш иншоотини реконструкция қилиш лойихасига 1,9 млрд.сўм ажратилди. Бош пудратчи “Қоровулбозор Назарбек” МЧЖ томонидан лойиҳа доирасида сув тарқатиш иншоотида насос станцияси биноси қайта таъмирланди, 3 дона насос ускунаси ўрнатилди, сиғими ҳар бири 750 м3 бўлган 2 дона сув сақлаш иншооти (резерувар) қайта таъмирланиб, янгидан трансформатор ўрнатилди. Шунингдек, лойиха доирасида узунлиги 7 км бўлган магистрал ва ички тармоқлар ёткизилди. Ушбу лойиха амалга ошиши натижасида сув тақсимлаш иншоотининг сув етказиб бериш қуввати суткасига 4 минг м3 га етказилиб, Питнак шаҳри Обод маҳалласининг 2500 дан ортиқ аҳолиси тоза ичимлик сув билан таъминланди. Оқова сув тозалаш иншооти топширилиши маросимида вилоят ҳокими Ф.Эрманов ва Уй-жой коммунал хизмат кўрсатиш вазирининг биринчи ўринбосари Дилшод Азимов қатнашди ва сўзга чиқди. Хоразм вилояти ҳокимлиги Матбуот хизмати 

Тинчлик ва осойишталикни халқимиз қанчалик қадрласа, шу неъматлар туфайли хотиржам ва фаровон ҳаёт кечираётган бўлса, уларни асраш, барқарорликни таъминлаш давлатимизнинг бош мақсадларидандир. Бу йўлда барча чора-тадбирлар амалга оширилмоқда. Шунинг учун ҳам Ўзбекистон халқаро миқёсдаги “Қонуний тартибларга итоат қилиш индекси”да юқори ўринни забт этиб келаётир. Бунда мамлакатимиз ички ишлар органлари тизими замон талаблари даражасида такомиллаштирилаётгани ҳамда соҳа ходимларининг ўз зиммасига юкланган вазифаларни фидойилик билан бажараётгани алоҳида ўрин тутмоқда. Юртимизда ҳукм сураётган тинчлик, фуқаролар, эл ва элатлар орасидаги тотувлик сабаб халқимиз эртангги кунга ишонч билан боқмоқда. Бу шубҳасиз, ички ишлар органлари ҳодимларининг фидойи хизматлари натижаси. 25 – октябрь “Ички ишлар идоралари ходимлари куни” муносабати билан Урганч шаҳрида уюштирилган байрам дастурхонига Хоразм вилояти ички ишлар органларида хизмат қилаётган фидойи ходимлар, соҳада узоқ йиллар самарали меҳнат қилиб бугунги кунда кексалик гаштини сураётган бир гуруҳ фахрийлар ҳамда хизмат вазифасини бажариш пайтида вафот этган ички ишлар органлари ходимларининг оила аъзолари таклиф этилдилар. Тантанали тадбирда вилоят ҳокими Ф.Эрманов сўзга чиқиб бугун вилоятимиз ҳудудида жиноят ва ҳуқуқбузарликларни олдини олиш борасида ички ишлар органлари томонидан тезкор-профилактик чора-тадбирлар олиб борилаётгани, бунда ҳар бир ходимнинг алоҳида ўрни борлигини эътироф этди. Ўз хизмат вазифаларига сидқидилдан ёндашиб, жиноятчиликка қарши курашиш ва унинг олдини олиш, жамоат тартибини сақлаш билан бир қаторда вилоятимиз ҳудудида олиб борилаётган тадбирларда фаол иштирок этиб келаётган фидойи ходимларнинг бир гуруҳига 25 октябрь – “Ички ишлар органлари ходимлари куни” муносабати билан вилоят ҳокимлигининг қимматбаҳо совға ва “Фахрий ёрлиқ”ларини топширди. Шунингдек тадбирда сўзга чиққан Хоразм вилояти ИИБ бошлиғи Д.Назармуҳамедов сўнгги йилларда ички ишлар органларида олиб борилаётган туб ислоҳотларнинг самарасига тўхталар экан, бу борада айниқса ходимлар ва фахрийларнинг ижтимоий-ҳуқуқий ҳимоясини кучайтиришга қаратилган чора-тадбирлар бугун алоҳида эътиборда эканлигини яна бир бор таъкидлаб ўтди ҳамда Ички ишлар вазири генерал-лейтенант П.Бобожоновнинг байрам муносабати билан Ички ишлар органлари ходимларига йўллаган табригини ҳам ўқиб эшиттирди. Шундан кейин соҳанинг бир гуруҳ фидойи ходимларига ИИВ нинг турли кўкрак нишонлари, эсдалик қўл соатлари ва “Фахрий ёрлиқ”лари ҳамда бир гуруҳ фахрийларга “Ўзбекистон Республикаси ИИВ фахрийси” кўкрак нишони тантаналари равишда топширилди. Хизмат вазифасини бажариш пайтида вафот этган ходимларнинг оила аъзоларига байрам совғалари улашилди. Тантанали тадбирда санъаткорлар томонидан ижро этилган куй ва қўшиқлар барчага кўтаринки кайфият улашди.                                                                                                                                                                                                                     

Хоразм вилоят ҳокимининг туризмни ривожлантириш масалалари бўйича ўринбосари Темур Давлетов бошчилигида ишбилармон доира вакилларидан иборат делегация Ҳиндистон давлатига ташриф буюрган эди. 21-22 октябрь кунлари “Luxury Symposium-2019” кўргазмасида иштирок этишди. 

Ўзбекистоннинг Ҳиндистондаги элчихонасида Ҳиндистон ва Хоразм вилояти ишбилармон доира вакиллари ўртасида B2B учрашувлари бўлиб ўтди. 



Хоразм вилояти аҳолисига транспорт хизматини янада яхшилаш ҳамда туризм соҳасини ривожлантириш мақсадида Ўзбекистон Республикаси Транспорт вазирлиги Хоразм вилояти транспорт бошқармаси томонидан яна бир хайрли ишга қўл урилди. 
22 октябрдан "Хива-Тошкент"  йўналишига замонавий “YUTONG” русумли катта  ҳажмли автобуслар 2 та ҳаракат жадвали асосида қатновларни йўлга қўйди. Мазкур автобуслар ҳар куни Хива шаҳридан 1-график асосида соат 11-00да, 2-график асосида  соат 16-00да ҳаракатни бошлайди. 
Қатновлар жараёнида хавфсизлик масалаларига алоҳида эътибор қаратилган бўлиб, йўналишга жўнайдиган ҳар бир автобус техник кўрикдан, ҳайдовчилар эса тиббий кўрикдан ўтказилади. 
Автобусларнинг санитар ҳолати мунтазам назорат остида бўлади.  Йўналиш бўйича ҳаракатланиш вақти 1050 км масофани  17 соатда босиб ўтади. Чипта нархи 1 йўловчи учун бир томонга 115 минг сўмни ташкил этади (автобус 51 та ўринга эга).
Эндиликда Хива шаҳри аҳолиси ва сайёҳлар Тошкент шаҳрига бориш учун Урганч шаҳрига боришига ҳожат қолмади. Улар барча   қулайликларга эга бўлган шинам автобуслар хизматидан фойдаланадиган бўлишди.

Ф.Эрманов илк бора ўзбекистондан "Гузи" мукофоти совриндори деб топилган элдошимиз Бобур Эгамберганов билан учрашди. Бобур Эгамберганов ёшларни ижодий ва интеллектуал қобилиятини қўллаб-қувватлаш бўйича ғолиб деб топилди. 

Вилоят ҳокими мамлакатимизда ёшларнинг фаоллигини ошириш, уларга кўрсатилаётган эътибор ва ғамхўрлик, пухта билим олиш, касб-ҳунар эгаллаш, ўз иқтидор ва салоҳиятларини тўлақонли намоён этишлари учун кенг имконият яратилаётгани, ёшларни ҳар доим қўллаб-қувватлаши ва муаммоларни бартараф этишга тайёрлигини билдирди.. 


Вилоятимизда байрам тадбирларининг асосий қисми жорий йилнинг 21 октябрь куни эрталаб Хонқа туманида жойлашган Алишер Навоий ҳайкали пойига гул қўйиш маросими билан бошланди.

         

Шундан сўнг Урганч шаҳридаги Хоразм вилояти мусиқали драма театрида Ўзбекистон Республикасининг “Давлат тили ҳақида”ги қонуни қабул қилинганининг ўттиз йиллигига бағишланган тантанали байрам тадбири бўлиб ўтди. 

Байрам тадбирида умумтаълим мактаблари ўқувчилари ўртасида ўтказилган иншолар танловининг вилоят босқичи 1,2,3-ўрин соҳиблари(9 нафар) компьютер, ноутбук, планшет, номинация ғолиблари телевизор билан мукофотланди. 

Огаҳий ижод мактаби ўқувчилари иштирокида мушоирахонлик, театр жамоаси актёрлари томонидан тайёрланган буюк сиймолар ҳақидаги бадиий чиқишлар намойиши, Алишер Навоий ғазаллари билан айтилувчи мақомчилар чиқиши ҳамда концерт дастури намойиши бўлиб ўтди. 

Байрам тадбирининг бадиий қисмларини юксак даражада тайёрлаш учун профессионал маҳорат ва тажрибага эга бўлган режиссёрлар, ёзувчи ва шоирлар, бастакор ва балетмейстерлар, саҳна рассомлари, фольклор санъати вакиллари ҳамда бошловчилар жалб этилди.