Bugun xalq deputatlari Qoʼshkoʼpir tuman Kengashining navbatdan tashqari sessiyasi boʼlib oʼtdi.
Sessiyada tashkiliy masala koʼrildi. Xorazm viloyati hokimi Joʼrabek Raximov Qoʼshkoʼpir tumani hokimi lavozimiga ilgari iqtisodiyot va moliya vazirligi huzuridagi " Loyihalar va import kontraktlarini kompleks ekspertiza qilish markazi" DUK direktori oʼrinbosari vazifasida ishlab kelgan Egamov Boburbek Davlatnazarovich nomzodini tavsiya etdi. Muzokarada soʼzga chiqqanlar nomzodni yakdillik bilan qoʼllab- quvvatladilar. Ovoz berish natijalariga koʼra Egamov Boburbek Davlatnazarovich Qoʼshkoʼpir tumani hokimi lavozimiga tasdiqlandi. Sessiyada viloyat hokimi Joʼrabek Raximov soʼzga chiqib tumanni ijtimoiy- iqtisodiy rivojlantirishning ustuvor yoʼnalishlari, bu borada ishlab chiqilgan "Yoʼl xaritasi"da belgilangan chora- tadbirlarni amalga oshirish boʼyicha galdagi vazifalar xususida toʼxtaldi.Xorazm viloyati hokimligi matbuot xizmati
Бош саҳифага қайтиш
