Click to listen highlighted text!

Давлат грантлари 2022-йил учун 1-танлови

Халқ депутатлари Хоразм вилоят Кенгаши ҳузуридаги жамоат фонди

“Давлат дастурларининг самарали бажарилишида фуқаролик жамияти институтлари кўмакчи” 
мавзусида Давлат грантлари ажратиш учун 1-танловини
ЭЪЛОН ҚИЛАДИ
Танловга нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг қуйидаги мақсадларни назарда тутувчи ижтимоий аҳамиятга молик лойиҳалари қабул қилинади:
  • 2022-2026 йилларга мўлжалланган Янги Ўзбекистоннинг тараккиёт стратегиясини "Инсон қадрини улуғлаш ва фаол маҳалла йили"да амалга оширишга оид ДАВЛАТ ДАСТУРИ ижросининг жойларда амалга оширилиши  юзасидан таъсирчан жамоатчилик назоратини амалга ошириш; 
  • «Обод қишлоқ» ва «Обод маҳалла» дастурлари ижросининг жойларда амалга оширилиши  юзасидан жамоатчилик назоратини амалга ошириш;
  • Ижтимоий муаммоларни ҳал этишда давлат органлари ва тадбиркорлик субъектларни кенг жалб этиш борасидаги ижтимоий шерикликни қўллаб- қувватлашга кўмаклашиш;
  • Маҳаллий давлат органларининг “Инсон қадри учун” шиори остидаги лойиҳаларини амалга оширишларида ННТлар билан ҳамкорлик қилиш кўламини оширишга кўмаклашиш;
  • Маҳаллаларнинг “ўсиш нуқталари” ва уларда яшовчи аҳолининг тадбиркорлик фаолиятидаги ихтисослашувидан келиб чиқиб, давлат томонидан қўллаб-қувватлаш тизимини яхшилашда ижтимой шерикликчиликни ривожлантириш.
Давлат гранти ажратиш учун қуйидаги ҳужжатлар тақдим этилади: 

1. Ташкилот раҳбари томонидан имзоланган ва муҳр билан тасдиқланган кузатув хати; 
2. Халқ депутатлари Хоразм вилоят Кенгаши ҳузуридаги жамоат фондининг https://t.me/jamoatfondi  телеграм каналида жойлаштирилган шаклда тўлдирилган давлат гранти лойиҳаси учун ариза;
3. Охирги ўзгартиш ва қўшимчалар билан давлат рўйхатидан ўтган ННТлар ва фуқаролик жамияти бошқа институтларининг Устави (Низоми) нусхаси;
4. Ташкилотнинг давлат рўйхатидан ўтганлиги тўғрисидаги гувоҳнома нусхаси; 
5. Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси; 
6. Манфаатдор давлат ва жамоат ташкилотларининг тавсия ҳамда қўллаб-қувватлаш хатлари. 

Битта лойиҳа учун ажратиладиган грант миқдори – 40 миллион сўмгача. 
Ҳужжатлар 2022 йил  27 апрелдан 27  майигача қабул қилинади.

Танлов бўйича ҳужжатлар муҳрланган конвертда (А4 формат): Урганч шаҳри, 220100, Ал Хоразмий 29 уй манзилига “Халқ депутатлари Хоразм вилоят Кенгаши ҳузуридаги жамоат фондига” деб кўрсатилган тартибда юборилиши шарт.
 
Маълумот учун тел:  62 223 00 39
Добавить комментарий

Оставить комментарий