Click to listen highlighted text!
    Ўзбекистон Республикаси Бош прокуратураси ҳузуридаги Мажбурий ижро Бюроси Ҳазорасп туман бўлими томонидан  Ҳазорасп туманидаги Ал-Хоразмий, “Боғдор”, Ойбек ва “Сулаймон Қальа” маҳаллаларида “Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида “ги ва “Электр энергияси ва табиий газдан фойдаланиш тартибини такомиллаштиришга доир қўшимча чора-тадбирлар тўғрисида”ги қарорлар мазмун-моҳияти мазкур маҳаллада яшовчи оилалар билан яқиндан танишиб, тўлов интизоми юзасидан тушунтириш ишлари олиб борилди.
   Шунингдек, бўлим ташаббуси билан ҳомийлар томонидан мазкур маҳаллаларда яшовчи кам таъминланган, иқтисодий аҳволи ночор бўлган оилаларга МФЙ ходимлари билан биргаликда ҳайрия сифатида ун ва ун маҳсулотлари тарқатилди.


Ҳазорасп туман ҳокимлиги Ахборот хизмати.

   Ҳазорасп туманида ишсиз ёшларнинг бандлигини таъминлаш, меҳнатга ўргатиш, ердан унумли фойдаланиб, даромад олишларига шароит яратиш мақсадида “Ҳар бир ёшга бир гектар” лойиҳаси доирасида 50 нафар ёшларга бир гектардан ер майдони ажратиб берилди. Ажратилган экин ерлари  шу куннинг ўзида экинга тайёрланиб, экиш ишлари бошлаб юборилди. 

    Ҳазорасп туман ҳокимлиги Ахборот хизматининг расмий саҳифасига  ижтимоий тармоқ фойдаланувчиси томонидан қуйидагича мурожаат келиб тушди. “Assalomu alakum men xazarasp tumani yangi bozor qishloqi .......  uyda yashayman xozirki paytda qazaqistonda qolib ketim qarantin sababli, mening uyimda iwlaydigan odam yoq dadam pensaner xozirgi payitda yordamga muxtoj uydakila. iltimos sizlardan bizning uyimizni surishtirib ko'risangla bizga yordam beringla iltimos sizlardan. men xozir qarantinda ishsiz yatibman. topgan pilimni piraduqta qilib yep ishsiz yotibman. 1 kilo karto'chka yordam qilsanglaram mening uyimdakila rozi shungayam iltimos” 
    Ушбу мурожаат юзасидан Ҳазорасп тумани ҳокими Ўктам Машарипов муҳтож оилага  ўз ҳомийлик ёрдами ва бирламчи озиқ-овқат маҳсулотларини етказди.
-Мен аввало Муҳтарам Президентимизга ўзимнинг чуқур миннатдорчилигимни билдираман, қолаверса, туман ҳокимига ўз ташаккуримни билдираман. Чунки, ўғлимнинг facebook ижтимоий  тармоқ орқали Қозоғистондан юборган мурожаатига беэътибор қарамасдан бизга ўз ҳомийлик ёрдамини кўрсатдилар. 
Дарҳақиқат, ёрдамга муҳтожларга ёрдам кўрсатиш, улар ҳолидан ҳабар олиш каби яхшиликка чорловчи тадбирлар инсонлар ўртасидаги ўзаро меҳрни мустаҳкамлаш билан бирга ёшларни ана шундай руҳиятда тарбияланишига ўрнак, келажак авлодга эса намуна бўлади.
    Бундан ташқари, туман кенгаши депутатлари Ш.Аҳмедова, М.Сапаева, Ж.Усмановалар ҳам ўзларининг ҳомийлик ёрдамларини озиқ-овқат ва турли ширинлик маҳсулотлари ҳамда китобларни хонадон эгаларига тақдим қилдилар. Шу билан бирга депутатлар хонадон эгаларининг шахсий томорқаларини ҳам кўздан кечирдилар.

Ҳазорасп тумани ҳокимлиги Ахборот хизмати

     Бугун ушбу ташаббус доирасида Қўшкўпир туман ҳокимлиги, туман прокуратураси ҳамда “Ёшлар-келажагимиз” жамғармаси туман филиали ҳамкорлигида саховат тадбирлари ташкил қилиниб, “Маст”, “Незахос” маҳаллаларида истиқомад қилувчи 60 та эҳтиёжманд, якка ёлғиз, ногиронлиги бор, вақтинча ишсиз хонадонга 10 турдан ортиқ озиқ-овқат маҳсулотлари жамланган истеъмол саватчалари етказиб берилди. Ушбу хайрли ишга тумандаги энг илғор тадбиркорлардан бири Дилшод Раҳимов ҳам ўз ташаббуси билан 10 та хонадонга ҳомийлик қилди. 

Расмий муносабат: Телеграм мессенжерида тарқалган мақола юзасидан


2020 йил 27 апрель  соат 03:10 ларда Боғот тумани Ўзбекистон кўчасида жойлашган 15, 17- кўп қаватли уйларнинг табиий офат (кучли шамол) оқибатида  том қисми бостирмалари ўз ўрнидан кўчиш ҳолатлари кузатилди. Ушбу ҳолат масъул ташкилотлар билан биргаликда кўриб чиқилиб, кўп қаватли уйда таъмирлаш ишларини олиб борган пудрат ташкилоти "Бинокор" МЧЖ томонидан тезкорлик билан таъмирлаш ишлари  амалга оширилмоқда.
Бу юзадан тез кунларда батафсил маълумот берилишини билдирамиз.


Боғот тумани ҳокимлиги Ахборот хизмати

    Эрталаб саҳарлик тайёргарлигини кўра бошламасдан об-ҳавонинг авзойи бузилди. Қўрқинчли момақалдироқ ҳатто катта одамларни ҳам безовта қиларди. Кўчадаги об-ҳавони кўрган ҳар битта инсоннинг ҳаёлига   электр энергиясида узилиш бўлмасмикан деган хавотир келган бўлса ажаб эмас. 
   Табиий офатлар, шамол, ёмғир ёғиши бу биз инсонларни қўлида эсам. Бундай офатлар натижасида  уйларни томлари дарз кетиши, аҳоли хонадонларидаги симлар узилиши, устунлар қулаши мумкин.  Натижасида электр энергиясида аварияли юзага келади. 
   Кун давомида “Хоразм ҳудудий электр тармоқлари” АЖ ходимларининг тезкор гуруҳи узилган симларни аниқлаш, қулаган устунларни тиклаш ва шунга ўхшаш ишлар билан банд бўлдилар. 
   Бу ўринда жамият усталари, монтёрлари шундай ташвишли кунларда ўз жонини хатарга қўйиб, меҳнат қилаётган фидойи инсонлардир.
Уларнинг меҳнатлари ҳар доим ҳам кўзга кўринмаслиги мумкин. Аммо, меҳнатлари самараси ўлароқ хонадонларимиз яна нурга тўлади.  Уларни бугуннинг  қаҳрамонлари десак арзийди.

    “Инсон ва Қонун” ҳуқуқий газетасининг “Hudud24.uz” сайти ўз фаолиятини бошлаганлиги муносабати билан республикамизнинг ҳуқуқий тизимига оид энг сўнги хабарлар, янгиликлар,маълумотлар, ахборотлар,қонунчилик амалиётининг долзарб масалалари, Адлия вазирлиги фаолиятига оид таҳлилий материалларни  билан танишиб боринг. Бундан ташқари Сиз t.me/hudud24official телеграм мессенжери орқали ҳам янгиликлардан бохабар бўлиб боришингиз мумкин.

   Бугун 27 апрель куни Халқ депутатлари Боғот туман Кенгашининг навбатдаги олтинчи сессияси бўлиб ўтди.
  Сессияда туман ҳокимининг ўринбосарлари, депутатлар ва оммавий ахборот воситалари ходимлари иштирок этдилар. 
     Сессияга Халқ депутатлари Боғот тумани Кенгаши раиси, туман ҳокими Ойбек Холбоев раислик қилди. Сессия кун тартибида секторлар кесимида шакллантирилган ишсиз ва кам таъминланган аҳолининг рўйхатини кўриб чиқиш, уларга ихтиёрий тарзда тадбиркорларни бириктириш,аҳоли бандлигини таъминлаш,муҳтож оилаларни моддий қўллаб-қувватлаш ва ушбу жараёнда фаол иштирок этган тадбиркорларга имтиёзлар берилиши масалалари депутатлар томонидан тасдиқланиб, туман Кенгаши депутатлари И.Искандаров, Э.Жуманиёзов, У.Иброҳимов, М.Қурёзов, Қ.Хўжақовлар ўз фикрларини билдирдилар. 
   Сессия кун тартибидаги муҳокама қилинган масала юзасидан қарор қабул қилинди.Сессия ишида Хоразм вилояти ҳокимининг ёрдамчиси Анвар Давлетов қатнашди.


Боғот тумани ҳокимлиги Ахборот хизмати.

    Ўзбекистон Республикаси Бош прокуратураси ҳузуридаги департаментнинг Хоразм вилоят бошқармаси, унинг ҳудудий бўлимлари, вилоят прокуратураси ва маҳаллий ҳокимликлар томонидан барча ҳудудларда ташкил этилган кўчма бозорлар, турғун савдо дўконларида рамазон ширинликлари ишлаб чиқарувчилари учун ҳам алоҳида расталар ажратилди.  Хусусан Урганч шаҳри ва  туман маҳаллаларида “Даладан дастурхонга” тамойили асосида ташкил этилган кўчма бозорларда шу маҳаллада яшовчи ишлаб чиқарувчилар бозорчанинг ўзида печак, нишолда, қаймоқ, хурмо, холва каби ширинликларни арзон нархларда сотишни йўлга қўйдилар. Кўчма бозорда истеъмолбоп маҳсулотлар билан бирга хўжалик моллари, трикотаж кийим-кечакларнинг бир жойнинг ўзида сотилиши маҳалла аҳлига қулайлик яратмоқда. Ҳар бир маҳсулот махсус ҳимоя воситалари билан ёпилган ҳолда, гигиена қоидалари асосида харидорларга тақдим этилмоқда.


Бош прокуратура ҳузуридаги Департаментнинг Хоразм вилоят бошқармаси

   Хоразм вилояти юқумли касалликлар шифохонасида 16 нафар коронавирус инфекциясига чалинган беморлар бутунлай соғайди. Улар вилоят соғлиқни сақлаш соҳаси масъуллари иштирокида реабилитацияга кузатилди.

   Хоразм вилоятида соғайганларнинг 15 нафари жорий йил 22 март куни Россиядан чартер рейс билан келишган ва карантинга олинган. Коронавирус инфекцияси тасдиқлангач, вилоят юқумли касалликлар шифохонасига жойлаштирилган.  Қолган 1 нафари эса коронавирус инфекциясига чалинган беморлар билан мулоқот орқали касалликни юқтириб олган. Улардан 15 нафари эркак, 1 нафари аёлдир.

  Хоразм вилоятидан айни пайтга қадар 45 нафар бемор буткул соғайган бўлса, эндиликда улар 61 нафарга етди.

  Шундай қилиб, мамлакатимиз бўйлаб коронавирус инфекциясидан бутунлай соғайган беморлар 707 нафарни ташкил этмоқда.