Давлат органи ҳузуридаги жамоатчилик кенгаши фаолиятини ташкил этишнинг муҳим аҳамияти

Бугун Хоразм вилоят ҳокимлиги ҳузуридаги Жамоатчилик Кенгаши  томонидан Муҳаммад ал-Хоразмий номидаги Тошкент ахборот техналогиялари университети Урганч филиалида  университетнинг  жамоатчилик кенгашлари аъзолари ва фаоллар иштирокида тадбир ташкил этилди. 

       Дастлаб йиғилишда давлат органлари ҳузуридаги жамоатчилик кенгаши фаолиятини самарали ташкил этишда  белгиланган норматив-ҳуқуқий хужжатлар асосида кенгашнинг низоми, иш режаларини ишлаб чиқиш тартиблари ҳамда бу борада “Юксалиш” умуммиллий ҳаракати томонидан ишлаб чиқилган услубий қўлланманинг аҳамияти билан ҳам таништирилди.  

    Шунингдек, тадбирда COVID-19 инфекциясига қарши аҳолини эмлашга жалб этиш, вакциналар бўйича маслаҳатлар, эпидемиологик вазият,  COVID-19 профилактикаси бўйича амалга оширилаётган ишлар ҳақида маълумотлар берилди.

           Тадбир якунида иштирокчиларни қизиқтирган саволларга мутахассислар томонидан атрофлича жавоб берилди.