Korrupsiyaga taraqqiyot kushandasi
Xorazm viloyati hokimining 2024-yil 27-noyabrdagi “Viloyat hududida korrupsiyaga qarshi kurashish faoliyatini yanada samarali tashkil etish to‘g‘risidagi” №380-12-0-F/24-sonli farmoyishining ijrosi yuzasidan Shovot tumani hokimligida, Korrupsiyaga qarshi kurashish va oldini olish borasida yig‘ilish o‘tkazildi.
Unda tuman hokimi Oybek Xolboyev, sektor rahbarlari, tumandagi barcha korxona va tashkilot rahbarlari ishtirok etdi. Yig‘ilishda so‘zga chiqqanlar O‘zbekiston Respublikasining “Korrupsiyaga qarshi kurashish to‘g‘risida”gi Qonuni, tegishli qaror va farmoyishlar to‘g‘risida ma‘lumot berib, korrupsiyaga qarshi kurashish sohasidagi huquqiy munosabatlarni to‘liq qonuniy tartibga solish, korxona va tashkilot xodimlari o‘rtasida korrupsiya holatlariga chek qo‘yish haqida so‘z yuritdilar. Shuningdek, tuman hududida korrupsiyaga qarshi kurashish va oldini olish borasidagi targ‘ibot tadbirlarini kuchaytirish to‘g‘risida tegishli tashkilot rahbarlariga topshiriqlar berildi.
Бош саҳифага қайтиш
