АСОСЛАНМАГАН МАЪЛУМОТЛАРГА ИШОНМАНГ
Ижтимоий тармоқларда Хоразм вилояти ҳокимлиги талабаларни Тошкентдан олиб кетиш бўйича ваъдасида турмагани айтилаётган маълумотлар катта кўпчиликнинг эътиборини тортди. Aслида хам шундайми?
Аслида эса бу масала юзасидан вилоят ҳокимлиги масъулларидан маълумот сўралмаган ва ҳеч ким транспорт қатновлари йўлга қўйилмаганлиги тўғрисида шикоят қилмаган. Ҳар бир маълумотни тарқатишдан олдин аниқ манбага асосланиб текшириб ишонч хосил қилгандан сўнггина тарқатиш лозим. Бу каби ёлғон ахборотлар нафақат вилоятни балки Ўзбекистонни ҳам ҳалқаро миқёсдаги имиджига ўзининг салбий таъсирини кўрсатади. Шундай экан асосланмаган маълумотларни тарқатмаслик ва ишонмаслигингизни сўраймиз.
Бугунги кунда Хоразм вилоятидан пойтахтимизда таҳсил олаётган 5669 нафар талабаларнинг 5413 нафари вилоятимизга қайтиб келган. Бугун 256 нафар талабаларнинг қайтиши кутилмоқда. Талабаларнинг уйларига қайтиши учун Ўзбекистон Республикаси Транспорт вазирлиги ва вазирликнинг Хоразм вилояти бошқармаси томонидан автобус ҳамда темир йўл транспорти қатновларида қўшимча (катта хажмдаги 20та автобус ва 81 поезд вагонлари) рейслар етарли даражада ажратилган.
Шу аснода, барча ОАВ ва блогерларни ахборот соҳасида қонунчиликка жиддий ва тўлиқ амал қилишларини сураймиз, яъни ҳақиқатга тўғри келмайдиган ахборот тарқатиш "ОАВ тўғрисида" қонунининг 6-моддаси, "Ахборотлаштириш тўғрисида" қонунининг 12 прим 1 моддаси ва Жиноят Кодексини бузиш ҳисобланади ва жиноий жавобгарликка олиб келади.Хоразм вилояти Транспорт бошқармаси
Бош саҳифага қайтиш
