Қурбон ҳайити муносабати билан “Oʻztemiryoʻlyoʻlovchi” АЖ юртдошларимизга ажойиб совға ҳозирламоқда

“Oʻztemiryoʻlyoʻlovchi” АЖ маъмурияти Қурбон ҳайити байрами кунларида кўпроқ йўловчиларга хизмат кўрсатиш мақсадида Тошкент-Урганч-Тошкент йўналишида 556/555 сонли қўшимча поездлар қатновининг йўлга қўйилганлигини маълум қилади. Бу ҳақда “Oʻztemiryoʻlyoʻlovchi” АЖ матбуот хизмати хабар берди.


Тошкент-Урганч йўналишида ҳаракатланадиган 556 – сонли қўшимча поезд 2019 йил 9, 11, 13 август кунлари Тошкент жанубий вокзалидан кундузи соат 14:22да, Урганч-Тошкент йўналишида ҳаракатланадиган 555-сонли қўшимча поезд эса 2019 йил 10, 12, 14 август кунлари Урганч вокзалидан эрталаб соат 10:10да жўнайди.

Шунингдек, 9 августдан бошлаб Тошкент-Самарқанд-Тошкент йўналишида қўшимча 764/763 сонли “AFROSIYOB” юқори тезликда ҳаракатланувчи поездининг қатновлари ҳам йўлга қўйилади.

Қўшимча маълумотларни Тошкент шаҳрида 1005 рақамига қўнғироқ ёки жойлардаги темир йўл вокзалларидаги маълумотхоналарга мурожаат қилиш орқали билиб олишингиз мумкин.


Izoh qolidrish