Хоразмда халқаро инвестиция форуми ўтади

     Жорий йилнинг 5-6 апрель кунлари Хоразм вилоятида халқаро инвестиция форуми бўлиб ўтади.

Инвестициялар ва ташқи савдо, Ташқи ишлар вазирликлари, Туризмни ривожлантириш давлат қўмитаси ва 

Хоразм вилояти ҳокимлиги ҳамкорлигида ташкил этиладиган форум доирасида кооперацион биржа, вилоятда

 ишлаб чиқарилган миллий маҳсулотлар кўргазмаси, шунингдек, ҳудуднинг сайёҳлик салоҳияти намойишига

 бағишланган тақдимотлар ташкил этилади.Инвестициялар ва ташқи савдо вазирлиги хабарида келтирилишича, тадбир

 халқаро ташкилотлар, инвесторларни Хоразм вилоятининг ижтимоий-иқтисодий салоҳияти, сармоядорлар учун яратилган 

имтиёз ва қулайликлар билан яқиндан таништириш мақсадида ташкил этилмоқда.Маълумот учун, бугунги кунда вилоятда 

“Ҳазорасп” эркин иқтисодий зонаси фаолияти йўлга қўйилган. 400 гектардан зиёд майдонга эга мазкур зонада 

тадбиркорларга 3 йилдан 10 йилгача бўлган муддатда солиқ ва божхона имтиёзлари тақдим этилади.Форум доирасида

 маҳаллий ва хорижлик ишбилармонлар ҳамкорлик ўрнатиш ва тажриба алмашиш имконига эга бўлади.