Ассалом , Наврўз!

Бугун Урганч шаҳридаги “Авесто” боғ мажмуасида Наврўз умумхалқ байрами муносабати билан халқ сайли ўтказилди. Байрам тадбирида вилоятимизнинг барча шаҳар ва туманларидан меҳнат фахрийлари, ёшлар,  маданият ва санъат намояндалари, хорижлик меҳмонлар иштирок этдилар.

Вилоят ҳокими Фарход Эрманов байрам муносабати билан ташкил қилинган халқ амалий санъати ва миллий ҳунармандчилик  кўргазмалари билан танишди, шаҳар ва туманлардан ташриф буюрган фольклор–энтографик жамоаларнинг бадиий чиқишлари, дорбоз ўйинлари, спорт мусобақаларини томоша қилиб, ғолибларни муносиб тақдирлади.

Байрам иштирокчилари учун дошқозонларда бир тонна ош дамланди, шунингдек, сумалак ва бошқа баҳор таомлари тайёрланди. Вилоятимизда   Наврўз шодиёналари давом этмоқда.