Аҳоли мурожаатлари ижобий ҳал этилмоқда
Президентимиз Шавкат Мирзиёев ташаббуслари билан халқни эшитиш, аҳолининг талаб ва истакларини рўёбга чиқариш давлат сиёсатининг устувор йўналишига айланди. Натижада аҳолининг йиллар давомида қийнаб келаётган муаммолари аста-секин ўз ечимини топиб, одамлар раҳбарлардан, давлатдан рози бўлиб, орзу – истаклари рўёбга чиқмоқда.
Жумладан, бугун ҳам Ҳазорасп тумани ҳокими Ўктам Машариповнинг навбатдаги сайёр қабули 1-сектор ҳудудидаги “Янгибозор” маҳалласида жойлашган 47-сонли умумий ўрта таълим мактабида ўтказилди ва фуқароларнинг мурожаатлари тингланди. 
Сайёр қабулда Олий Мажлис Конунчилик палатаси депутати Нигора Қутлимуратова, Ўзбекистон Республикаси Президентининг Ҳазорасп туманидаги Халқ қабулхонаси мудири Султонмурод Ходжамуратовлар иштирок этди. Улар ўз сўзларида мамлакатимизда қабул қилинаётган Фармон ва Қарорлар ҳамда мамлакатимизда хар бир ислохот заминида инсон қадри ва тақдири турганлиги, амалга оширилаётган тизимли ишлар борасида гапириб ўтдилар.
Сайёр қабулда ҳеч бир мурожаат эътиборсиз қолмади. Фуқароларни қийнаб келаётган ечими маълум вақт талаб этадиган мурожаатлар бўйича сайёр қабулда иштирок этган тегишли ташкилотларга кўрсатмалар берилиб, ижроси назоратга олинди.
Ҳазорасп туман ҳокимлиги Матбуот хизмати
Бош саҳифага қайтиш
