Кўчат экиб, боғ яратиш — эзгу анъана!

Бугун вилоят ҳокими Фарход Эрманов бошчилигида шаҳар ва туманлар ҳокимлари ҳамда пахта-тўқимачилик кластерлари раҳбарлари вилоятимизда толани қайта ишлаш йўналишида амалга оширилаётган лойиҳалар билан танишдилар. Вилоятда пахта-тўқимачилик кластерлари томонидан таклиф этилган лойиҳалар туфайли пахтани қайта ишлаш даражаси 2 баробардан зиёд ўсиб, ип-калава тайёрлаш қуввати 47 минг тоннадан 104 минг тоннага, мато ишлаб чиқариш 9 минг тоннадан 49 минг тоннага, тайёр кийим-кечаклар  47 миллион донадан 152 миллион донага ортади.

Тадбир қатнашчилари Урганч шаҳридаги технопаркда ишлаб чиқаришни ташкил этиш, Янгибозор туманида “Yangibozor Textile Agro Cluster” МЧЖ томонидан амалга оширилаётган ип-калава, газлама мато ишлаб чиқариш ва тикувчилик цехлари қурилиши, Гурлан туманидаги “Gurlan Global Teks” МЖЧ фаолияти билан танишдилар.

Мамлакатимизда 2 ноябрдан 10 декабргача бўлган муддат кўчат экиш бўйича “долзарб 40 кунлик” деб эълон қилинди. “Яшил макон” умуммиллий лойиҳаси доирасида вилоятимизда  14 млн дона мевали ва манзарали дарахт кўчатларини ўтқазиш режалаштирилган. Қўшкўпир туманида ўтказилган кўргазмали семинарда ушбу йўналишдаги ишларни ташкил этиш борасида мутахассислар фикрлари тингланди ва галдаги вазифалар белгилаб олинди.

Хоразм вилояти ҳокимлиги матбуот хизмати