Вилоят ҳокими Фарход Эрманов Боғот туманидаги “Ашхобод” маҳалласи аҳолиси билан учрашди

     Бугун вилоят ҳокими Фарход Эрманов Боғот туманидаги 1-сон касб-ҳунар мактаби биносида Бешариқ қишлоғидаги “Ашхобод” маҳалласи аҳолиси билан учрашди. Учрашувда вилоят ҳокими ҳудудни ижтимоий-иқтисодий ривожлантириш истиқболлари, аҳоли бандлигини таъминлаш, камбағалликни қисқартириш, тадбиркорликка кенг йўл очиш борасида амалга оширилаётган ишлар, янги лойиҳалар ҳақида тўхталди.

Маҳалла  вакиллари ҳудуддаги айрим муаммоларни бартараф қилиш юзасидан мурожаат қилиб, ўзларининг таклиф ва мулоҳазаларини билдирдилар.Жумладан, қуз-қиш мавсумига тайёргарлик кўриш, аҳолини сифатли кўмир ва суюлтирилган газ билан таъминлаш, пиёдалар йўлакчаси қуриш ва маҳалла ҳудудидан ўтувчи асосий йўлни таъмирлаш, мактабгача таълим муассасаси қурилиши билан боғлиқ масалалар тегишли ташкилотлар раҳбарлари иштирокида ҳал этилди ва бу вазифаларни қисқа муддатда якунлаш чора-тадбирлари белгиланди.

Хоразм вилояти ҳокимлиги матбуот хизмати