Янги объектлар фойдаланишга топширилди
Бугун Урганч шаҳрида муайян яшаш жойига эга бўлмаган шахсларни реабилитация қилиш маркази фойдаланишга топширилди. 4 миллиард сўмдан ортиқ маблағ эвазига барпо этилган ушбу марказда 14 та хизмат ва 19 та сақлаш хоналари мавжуд бўлиб, ҳудудда спорт майдончаси ҳамда бошқа қулайликлар яратилган.
Хабарингиз бор, ҳурматли Президентимизнинг ташаббуси билан Хива шаҳрида хавфсиз туризмни таъминлаш бошқармаси ташкил этилган эди. Бугун мазкур бошқарма янги биносининг тантанали очилиш маросими бўлиб ўтди. 11 миллиард сўмдан ортиқ маблағ эвазига барпо этилган ушбу бино қадимий ва навқирон шаҳарнинг кўркига янада кўрк қўшди. Ичонқалъа ҳудудидаги туризм объектларига ўрнатилган кузатув камералари интеграция қилинган “Вазиятлар маркази” энг сўнгги русумдаги ахборот коммуникация технологиялари билан жиҳозланган.
Янги объектларнинг очилиш тадбирларида вилоят ҳокими Фарҳод Эрманов иштирок этди.
Эслатиб ўтамиз, мустақилликнинг 30 йиллиги арафасида Ички ишлар вазирлигининг Хоразм академик лицейи ўқувчилари учун 200 ўринли ётоқхона, вилоят ички ишлар бошқармаси пенсия таъминоти бўлими учун янги бино ҳамда 15 нафар ички ишлар ходимлари уй-жойлар фойдаланишга топширилган эди.
Хоразм вилояти ҳокимлиги матбуот хизмати
Бош саҳифага қайтиш
