Урганч шаҳридаги “Авесто» боғ мажмуасида Мустақилликнинг 30 йиллигига бағишланган байрам тантаналари бўлиб ўтди
Урганч шаҳридаги “Авесто» боғ мажмуасида “Янги Ўзбекистонда эркин ва фаровон яшайлик!” шиори остида мамлакатимиз Мустақиллигининг 30 йиллигига бағишланган байрам тантаналари бўлиб ўтди. Тадбирда вилоят ҳокими Фарход Эрманов воҳа аҳлини қутлуғ байрам билан табриклаб, юртимиз равнағи ва халқимиз бахт-саодати йўлида олиб борилаётган ислоҳотларнинг мазмун моҳиятини, унинг самараларини фахр билан тилга олди, ўтган йиллар мобайнида вилоятда амалга оширилган кенг кўламли бунёдкорлик ишлари ҳақида тўхталди. Эл севган таниқли санъаткорлар, болалар ҳаваскорлик жамоалари, миллий маданий марказлар вакилларининг чиқишларида озод ва обод юртимиз, унинг толеи баланд меҳнаткаш халқи, бугунги дориламон кунларга шукроналик авж пардаларда тараннум этилди.
Байрам тантаналари вилоятимиз бўйлаб давом этмоқда.
Мустақиллик айёми қутлуғ бўлсин, азиз юртдошлар!
Хоразм вилояти ҳокимлиги матбуот хизмати
Байрам тантаналари вилоятимиз бўйлаб давом этмоқда.
Мустақиллик айёми қутлуғ бўлсин, азиз юртдошлар!
Хоразм вилояти ҳокимлиги матбуот хизмати
Бош саҳифага қайтиш
