Байрамга муносиб туҳфа
Вилоятимиз меҳнат аҳли ҳам энг улуғ, энг азиз байрамимиз – Мустақиллигимизнинг 30 йиллигини кўтаринки кайфият, муносиб ютуқлар, улкан бунёдкорлик ва яратувчилик ишлари билан кутиб олмоқдалар.Байрам арафасида вилоятнинг барча гўшаларида ўнлаб янги ишлаб чиқариш объектлари, савдо ва маиший хизмат кўрсатиш шахобчалари, таълим масканлари, турар жой бинолари фойдаланишга топширилди.
Урганч шаҳрида иш бошлаган “AL ULUG TRANS” масъулияти чекланган жамиятида 1 миллион доллар банк кредити ва тадбиркорнинг 12 миллиард сўм ўз маблағи ҳисобига замонавий технология асосида ёғ-мой ишлаб чиқариш йўлга қўйилди. Мазкур корхона йилига 72 минг тонна чигитни қайта ишлаш қувватига эга. Янги корхонанинг иш бошлаши билан 70 нафар маҳаллий ёшлар доимий иш ўрнига эга бўлдилар.
Байрам арафасида Урганч шаҳрида “Matbaa Paper”қўшма корхонасининг макулатурани қайта ишлаб флютинг картон қоғози ишлаб чиқариш лойиҳаси ҳам ишга туширилди. Лойиҳанинг умумий қиймати 3,5 миллион АҚШ долларига тенг бўлиб, йилига 55 миллиард сўмлик маҳсулот ишлаб чиқарилади ва вилоятда картон қоғоз импортини 50 фоизга камайтириш имконини беради.
Бугун Урганч шаҳрида “СARAVAN MEDLINE” хусусий клиникаси иш бошлади. Клиника тиббий диагностика ва даволаш муолажаларини олиб бориш учун замонавий асбоб-ускуналар билан жиҳозланган. Шифо маскани бир вақтнинг ўзида 60 нафар беморга тиббий хизмат кўрсатиш имкониятига эга.
Янги объектларни очилиш маросимида вилоят ҳокимининг 1-ўринбосари Қ.Игамбергенов, шаҳар ва туманлар ҳокимлари, меҳнат фахрийлари иштирок этдилар.
Хоразм вилояти ҳокимлиги матбуот хизмати
Бош саҳифага қайтиш
