“Китобхонлик ҳафталиги” давом этмоқда
2020-2025 йилларда китобхонлик маданиятини ривожлантириш ва қўллаб-қувватлаш миллий дастурига мувофиқ 2021 йилдан бошлаб ҳар йили апрель ойининг биринчи ҳафтаси “Китобхонлик ҳафталиги” этиб белгиланган. Шу муносабат билан 5-9 апрель кунлари вилоятимизнинг барча ҳудудида “Китобхонлик ҳафталиги” тадбирлари ўтказиляпти.
Ушбу ҳафталик давомида ахборот-кутубхона марказлари, ўқув масканларида янги асарлар тақдимотлари, шоир ва ёзувчилар билан учрашувлар, шунингдек, халқимизнинг ардоқли фарзандлари Абдулла Орипов, Ўткир Ҳошимов, Ботир Зокиров сингари ижодкорларнинг ҳаёти ва ижодига бағишланган кечалар, қизиқарли танловлар, кутубхона бўйлаб саёҳатлар, китоблар кўргазмалари ташкил этилади.
Хоразм вилояти ҳокимлиги матбуот хизмати
Бош саҳифага қайтиш
