Ҳамкорлик янада мустаҳкамланади
Соғлиқни сақлаш, тиббиёт, таълим ва фан соҳаларидаги ҳамкорликни янада ривожлантириш ва мустаҳкамлаш мақсадида Хоразм вилоят ҳокимлиги, Тошкент тиббиёт академияси Урганч филиали, «Аsl Pharma» МЧЖ, Ҳиндистоннинг «BLOOMPHASE SERVICES» компанияси ўртасида ҳамкорлик меморандумини имзолаш юзасидан учрашув бўлиб ўтди.
Томонлар меморандумда асосан ТТА Урганч филиали клиникасида буйрак трансплантацияси учун нефрология соҳасида ва артроскопик минимал инвазив усулидан фойдаланилган холда сон ва бошқа бўғимларнинг эндопротезлаш учун травматология ва ортопедия соҳасида ҳамда замонавий эндоскопик ускуналар билан юқори технологик минимал инвазив технологиялар ёрдамида интервертебрал чурра ва бошқа умуртқа поғонаси патологияларини эндоскопик даволаш учун нейрохирургия соҳасини ривожлантиришга қаратилган тиббий марказ ташкил этиш режалаштирилганини қайд этишди.
Томонлар меморандумда асосан ТТА Урганч филиали клиникасида буйрак трансплантацияси учун нефрология соҳасида ва артроскопик минимал инвазив усулидан фойдаланилган холда сон ва бошқа бўғимларнинг эндопротезлаш учун травматология ва ортопедия соҳасида ҳамда замонавий эндоскопик ускуналар билан юқори технологик минимал инвазив технологиялар ёрдамида интервертебрал чурра ва бошқа умуртқа поғонаси патологияларини эндоскопик даволаш учун нейрохирургия соҳасини ривожлантиришга қаратилган тиббий марказ ташкил этиш режалаштирилганини қайд этишди. Шунингдек, ушбу ҳужжатда топ 30 таликка кирган Ҳиндистоннинг нуфузли тиббиёт марказларида ТТА Урганч филиали профессор-ўқитувчилари ва мутахассис ходимлари учун 1 ойдан 3 гача муддатда малака ошириш курсларини ташкил этиш, спортнинг волейбол, чим устида хоккей ва бадминтон тури бўйича филиал жамоалари тузиш ҳамда республика миқёсидаги мусобақаларда иштирокини таъминлаш кўзда тутилган.
Бундан ташқари, 2021 йил февраль ойида ўзаро истиқболли лойиҳалар ва манфаатли келишувларни муҳокама қилиш ва Ҳиндистон тиббиёт клиникалари вакиллари билан учрашув ўтказиш мақсадида Ҳиндистонга ишчи гуруҳ сафари уюштирилиши режалаштирилган.Учрашув якунида меморандум имзоланди.
Бош саҳифага қайтиш
