Қардош халқлар ҳамкорлигининг янги босқичи
Сўнгги йилларда Туркия ва Ўзбекистон ўртасидаги муносабатлар жадал ривожланмоқда. Дўст ва қардош давлатлар ўртасида турли даражадаги ўзаро ташрифлар фаоллашди. Куни кеча вилоятимизга Туркиянинг Болу шаҳар ҳокими Алааддин Йилмаз ташриф буюрди.
Ҳурматли меҳмонни вилоят ҳокими вазифасини бажарувчи Ф.Эрманов кутиб олди.
Ҳокимлар мулоқотни икки томон расмий делегациялари иштирокида давом эттирдилар. Музокарада туризм, илм-фан, маданият ва бошқа соҳалардаги ҳамкорликни ривожлантириш масалалари муҳокама қилинди. Мулоқот давомида ўзаро ҳамкорликда ҳали фойдаланилмаган имкониятлар кўплиги, ушбу ташриф Хоразм вилояти ва Болу шаҳри маданият ходимлари, ишбилармон доиралари ўртасидаги алоқалар ривожига янги суръат бахш этиши таъкидланди. Шунингдек, туризм соҳасида улкан имкониятларга эга эканлигимиз ва бундан тўла фойдаланиш, сайёҳлар алмашинувини ошириш улкан иқтисодий самара бериши ҳақида ҳам ҳокимлар фикр алмашишди. Шундан сўнг, Туркиянинг Болу шаҳар ҳокими Алааддин Йилмаз ва қадимий Хива шаҳрининг ҳокими Эркин Йоқубовлар маданият алоқаларини, туризм ривожлантириш ва бошқа соҳалардаги ҳамкорликни ривожлантиришга доир ҳужжат имзолашди. Алааддин Йилмаз ва Ф. Эрманов ушбу ҳужжат Болу ва Хива шаҳарлари ўртасидаги узоқ истиқболли ҳамкорликни бошланиши дея таъкидладилар. Ҳурматли меҳмон ташрифи доирасида Хива шаҳрида ҳам бўлди.
Ҳурматли меҳмонни вилоят ҳокими вазифасини бажарувчи Ф.Эрманов кутиб олди.
Ҳокимлар мулоқотни икки томон расмий делегациялари иштирокида давом эттирдилар. Музокарада туризм, илм-фан, маданият ва бошқа соҳалардаги ҳамкорликни ривожлантириш масалалари муҳокама қилинди. Мулоқот давомида ўзаро ҳамкорликда ҳали фойдаланилмаган имкониятлар кўплиги, ушбу ташриф Хоразм вилояти ва Болу шаҳри маданият ходимлари, ишбилармон доиралари ўртасидаги алоқалар ривожига янги суръат бахш этиши таъкидланди. Шунингдек, туризм соҳасида улкан имкониятларга эга эканлигимиз ва бундан тўла фойдаланиш, сайёҳлар алмашинувини ошириш улкан иқтисодий самара бериши ҳақида ҳам ҳокимлар фикр алмашишди. Шундан сўнг, Туркиянинг Болу шаҳар ҳокими Алааддин Йилмаз ва қадимий Хива шаҳрининг ҳокими Эркин Йоқубовлар маданият алоқаларини, туризм ривожлантириш ва бошқа соҳалардаги ҳамкорликни ривожлантиришга доир ҳужжат имзолашди. Алааддин Йилмаз ва Ф. Эрманов ушбу ҳужжат Болу ва Хива шаҳарлари ўртасидаги узоқ истиқболли ҳамкорликни бошланиши дея таъкидладилар. Ҳурматли меҳмон ташрифи доирасида Хива шаҳрида ҳам бўлди.
Бош саҳифага қайтиш
