Click to listen highlighted text!


“SPLASH URGANCH”  масъулияти чекланган жамиятининг асосий фаолияти кунжутни қайта ишлашдан иборатдир. Бундан ташқари бу ерда таҳин – кунжут пастаси, ва кунжут ҳолваси ҳам ишлаб чиқарилади.  Муқаддам илк фаолиятини бундан уч йил олдин  атиги 5 ишчи билан бошлаган  даргоҳда айни пайтда 40 нафар  ишчи – хизматчи меҳнат қилишаяпти.  


Хоразм вилоятининг барча ҳудудларида ноқулай об-ҳаво сабабли ҳаракат хавфсизлигини таъминлаш мақсадида вилоят Транспорт бошқармаси  йўловчи ташиш фаолияти билан шуғулланувчи корхона рахбарларини огоҳлантиради!
Сизлардан автотранспорт воситаларни йўналишга чиқаришдан олдин асосий эътиборни транспорт воситаларининг техник созлигини, узоқ масофага кетаётган ҳайдовчилар чарчаган вақтларида транспорт воситасини бошқариш учун ёрдамчи ҳайдовчиларнинг мавжудлигини, автотранспорт воситаларни ҳужжатлари тўлиқлигига эътибор беришингиз сўралади. Шунингдек, сафар давомида йўл ҳаракати қоидаларига қатъий риоя этган ҳолда йўловчиларни ўз манзилларига хавфсиз етказиб қўйилишини ташкил этиш бўйича қўшимча  тушунтриш ишларини олиб боришингиз сўралади.


Хоразм вилояти Транспорт бошқармаси Матбуот хизмати

Берегин Суҳроб Мақсудович - “Хоразм ҳудудий электр тармоқлари корхонаси” акциядорлик жамияти бош директори вазифасини вақтинчалик бажарувчи этиб тайинланди.
Бунга қадар С.Берегин  "Хоразм ҳудудий электр тармоқлари” АЖнинг Иқтисод ва молиявий масалалар бўйича директори лавозимида фаолият юритган.
"Хоразм ҲЭТК” матбуот хизмати

2021 йил 19 январь куни Хоразм вилояти ИИБ мажлислар залида Ўзбекистон Республикаси Ички ишлар Вазирининг ўринбосари полковник Р.А.Хатамов вилоят ички ишлар органларининг бир гуруҳ ёш ходимлари билан учрашди.
Шунингдек мазкур учрашувда фидойилиги ва фаоллиги билан ҳамкасбларига ўрнак бўлиб келаётган ёш ходимлардан бир гуруҳининг ота-оналари, Ёшлар иттифоқи вилоят кенгашининг масъул ходимлари ҳам иштирок этдилар.
Вазир ўринбосари учрашувдаги кириш сўзида бугунги кунда республика ички ишлар органлари тизимида амалга оширилаётган туб ислоҳотлар, ходимларни ижтимоий-ҳуқуқий ҳимоя қилишга қаратилган чора-тадбирлар тўғрисида батафсил тўхталиб ўтди.
Шундан сўнг сўз олган Ёшлар иттифоқи вилоят кенгаши раисининг ўринбосари И.Ўринов бугунги кунда ёшлар ўртасида жиноят ва ҳуқуқбузарликларнинг олдини олиш борасида ички ишлар органлари билан  ҳамкорликда амалга оширилаётган чора-тадбирлар ўзининг ижобий самарасини бераётганлигини таъкидлаб ўтди.
Учрашувда иштирок этган ёш ходимлар ўз навбатида Вазир ўринбосарига ўзларининг таклифларини билдирдилар.
Жумладан, ёш ходимлар иштирокида “Хива-Қўқон” йўналишида ва ИИВ Академиясига саёҳат уюштириш, ходимларга хорижий тилларни ўргатиш ва уларнинг нотиқлик маҳоратини ошириш мақсадида ўқув курсларини ташкил этиш, тизимда фаолият юритаётган фидойи хотин-қизлар учун махсус кўкрак нишони ва улар ўртасида кўрик-танлов жорий этиш борасидаги таклифлар Вазир ўринбосари томонидан самимий қабул қилиниб, амалиётга татбиқ этиш мақсадга мувофиқлиги билдирилди.
Самимий руҳда ўтган учрашув якунида намунали ҳулқи, касбига садоқати билан барчага ўрнак бўлиб келаётган бир гуруҳ фидойи ёш ходимларга Вазир ўринбосари томонидан “Фахрий ёрлиқ” ва бадиий китоблар тўплами топширилган бўлса, яна бир гуруҳ фидойи ходимларнинг ота-оналарига “Миннатдорчилик” хати ва эсдалик совғалари тақдим этилди.
Шунингдек, вилоят ички ишлар органлари билан яқин ҳамкорлик қилиб келаётганлиги учун Ёшлар иттифоқи вилоят кенгашининг масъул ходимларига ҳам “Фахрий ёрлиқ” ва эсдалик совғалари берилди.
Ўз навбатида Ёшлар иттифоқи вилоят кенгаши раисининг ўринбосари И.Ўринов ёшларга кўрсатаётган эътибори ва ғамхўрлиги учун Вазир ўринбосарига миннатдорчилик билдириб, Хоразм тарихини акс эттирган асарлардан иборат китоблар тўпламини совға қилди.
Хоразм вилояти ИИБ Ахборот хизмати

  Хоразм вилоятида  ФҲДЁ органлари томонидан 2020 йилнинг январь-декабрь ойларида 41,9 минг нафар бола туғилганлиги  қайд этилган бўлиб , мос равишда 1000 аҳолига нисбатан туғилиш коеффициенти 22,3 промиллени ташкил этди ҳамда 2019  йилнинг мос даврига нисбатан 0,1 промиллега ошганлиги  (2019  йилнинг январ-декабр ойларида 22,2 промилле бўлган) кузатилди.


Ҳудудлар кесимида туғилишлар сони:
•  Ҳазорасп тумани – 4,8 минг,
•  Урганч тумани – 4,2 минг,
•  Хонқа тумани- 4,2 минг,
•  Боғот тумани -3,9 минг,
•  Қўшкўпир тумани – 3,8 минг,
•  Шовот тумани – 3,8 минг,
•  Хива тумани – 3,4 минг,
•  Гурлан тумани – 3,3 минг,
•  Урганч шаҳри – 3,1 минг ,
•  Янгиариқ тумани – 2,4 минг,
•  Хива шаҳри -1,9 минг,
•  Янгибозор тумани – 1,9 минг
•  Тупроққалъа тумани – 1,2 минг

Ўзбек мумтоз қўшиқчилиги ёрқин юлдузи, Ўзбекистон Республикасида хизмат кўрсатган артист Раҳматжон Қурбонов 62 ёшида вафот этди. 

Раҳматжон Қурбонов 1959 йил 20 сентябрда Хоразм вилояти Хива туманида туғилган. 1984 йил Тошкент давлат консерваториясини битиргач, меҳнат фаолиятини шу йил Тошкент давлат консерваторияси ўқитувчиси лавозимидан бошлади. 1987 йил Тошкент давлат консерваторияси Шарқ мусиқаси кафедраси ўқитувчиси. 1987-1988 йиллар Ўзбекистон давлат филармонияси “Лазги” ашула ва рақс ансамбли директори. 1988-1997 йиллар Ўзбекистон давлат филармонияси “Лазги” ашула ва рақс ансамбли хонандаси. 1997-2004 йиллар Ўзбекрақс миллий рақс бирлашмаси олий даражали хонандаси. 2004-2008 йиллар Эркин ижодкор хонанда. 2008-2013 йиллар А.Навоий номли давлат академик катта театри миллий чолғу ансамбли яккахон хонандаси. 2013-2015 йиллар Эркин ижодкор хонанда. 2013-2015 йиллар Хоразм вилояти халқ ижодиёти ва маданий-маърифий ишлар илмий-методик маркази маданий-маърифий ишлар бўлими илмий ходими. 2015-2017 йиллар Хоразм вилояти Маданият бошқармаси етакчи мутахассиси. 2017-2019 йиллар Урганч шахар 2-сон болалар мусиқа ва санъат мактаби директори лавозимида фаолият юритган. 2019 йилдан буён Ўзбекистон давлат филармонияси Хоразм вилоят бўлинмаси директори лавозимида ишлаб келаётган эди. 
 Р.Қурбонов санъат соҳасидаги кўп йиллик серқирра ижодий фаолияти билан эл-юрт назарига тушган, республикамизда таниқли, халқимиз суйган санъаткор эди.
 У санъат йўлида таниқли, забардаст устозлар изидан борди. Ўзбек қўшиқчилик санъатини, қадимий куй ва ашулаларимизни мукаммал ўрганиб уни авлоддан – авлодга етказишда ва кенг тарғиб қилишда, миллий санъатимиз намуналарини ўзига хос услубда ва талқинда ижро қилишда самарали меҳнат қилиб, ўз навбатида, ўзбек қўшиқчилик санъати ривожига салмоқли ҳисса қўшган сермаҳсул ижод соҳиби эди.
 Р.Қурбонов халқимизнинг асл санъат дурдоналарини, кўплаб мақом ҳамда мумтоз ашулаларни ўзгача мехр ва ихлос, юксак маҳорат билан меъёрига етказиб юқори савияда ижро қилган. Р.Қурбонов томонидан куйланган, унинг ижодига мансуб мустақил юртимизни тараннум қилувчи ватанпарварлик руҳи сингдирилган қўшиқлар, ялла, лирик ва бошқа жанрлардаги сермазмун ашулалар эл орасида машҳур бўлди ва унинг маънавий мулкига айланди. Санъаткор ижросидаги мумтоз, халқ оғзаки ижоди ва замонавий йўналишлардаги қўшиқларини халқимиз ҳар доим илиқ кутиб олди. Хонанда ижодий фаолияти давомида қардош қорақалпоқ, озарбайжон, туркман, турк, тожик ҳалқ қўшиқларини ҳам зўр иштиёқ билан куйлади ва кўпчиликнинг меҳрини қозонди. Бу эса ўз навбатида халқлар ўртасидаги дўстлик ва маданий алоқаларни мустаҳкамлашга улкан замин яратди.
 У устоз санъаткор К.Отаниёзовнинг 100 йиллигига бағишлаб “Устоз йўлидан” номли китобни ёзди.
 Р.Қурбонов ижодий фаолияти давомида нафақат республикамизда, балки Япония, Хитой, Германия, Франция, Туркия, Бирлашган Араб Амирликлари, Россия каби ўнлаб хорижий давлатларда ижодий гастрол сафарларида бўлиб ўзбек халқи санъати, миллий қадриятларини жаҳонга тарғиб қилишга муваффақ бўлган санъаткор эди. 
Эл-юрт олдидаги кўп йиллик фидойи меҳнатлари юксак қадрланиб 1993 йилда “Ўзбекистон Республикасида хизмат кўрсатган артист” фахрий унвони, 2002 йилда “Қорақалпоғистон Республикасида хизмат кўрсатган артист” фахрий унвони, 2018 йил “Меҳнат шуҳрати” орденлари билан муносиб тақдирланган. 

Хоразм вилояти ҳокимлиги ва бутун Хоразм эли номидан “Ўзбекистон Республикасида хизмат кўрсатган артист” Раҳматжон Қурбоновнинг вафоти муносабати билан унинг оила аъзоларига ва яқинларига чуқур ҳамдардлик билдирамиз.
Ф.Эрманов, К.Игамбергенов, С.Салаев, Т.Давлетов

   2020 йилнинг январь-декабрь ойларида республикада жами 296,8 мингта, Хоразм  вилоятида 14,0 мингта  никоҳ қайд қилинган бўлиб, мос равишда вилоятдаги 1000 аҳолига нисбатан никоҳ тузиш коэффициенти 7,4 промиллени ташкил қилган. Ўтган йиллар билан таққосланганда тузилган никоҳлар сони 2018 йилда -16,0 мингтани, 2019 йилда - 15,8 мингтани ташкил қилган.
Ҳудудлар кесимида энг кўп   никоҳ  Ҳазорасп (1,5 минг), Хонқа (1,4 минг),Шовот (1,4 минг),Қўшкўпир (1,3 минг) туманларида қайд қилинган бўлса, энг кам никоҳ қайд қилиш ҳолатлари Тупроққалъа тумани (0,4  минг),Янгибозор тумани(0,6минг),Хива шаҳри (0,7 минг) ва Янгиариқ туманида (0,8 минг) кузатилган.

Унда туман ҳокими, халқ таълими, мактабгача таълим, маданият, касб-ҳунар таълими, бандлик, соғлиқни сақлаш, қишлоқ хўжалиги бошқармалари ҳамда ҳуқуқ-тартибот органлари, электр энергияси ва газ таъминоти каби кўплаб соҳаларга тегишли ташкилотлар раҳбарлари ва вилоятнинг турли ҳудудларидан келган фуқаролар иштирок этди. 


Мурожаатлар уй-жой, газ, электр энергияси, бандлик, ижтимоий ёрдам, кредит, соғлиқни сақлаш, суд-ҳуқуқ, буюк инсонлар номини абадийлаштириш билан боғлиқ масалалар юзасидан бўлди. Уларнинг аксарияти жойида ҳал этилди. Қўшимча ўрганиладиган мурожаатлар ижросини ҳоким шахсан ўз назоратига олди.

Вилоятимизда Ўзбекистон Республикаси Қуролли Кучлари ташкил этилганининг 29 йиллиги ва 14 январь -Ватан ҳимоячилари куни кенг нишонланди. 
Байрам тадбири анъанага мувофиқ Урганч шаҳридаги Мотамсаро она ҳайкали пойига тантанали гул қўйиш маросимидан бошланди. Вилоят ҳокими бошчилигидаги секторлар раҳбарлари, вилоят ҳокими ўринбосарлари, Шимолий ғарбий ҳарбий округ қўшинлари қўмондонлиги, Миллий гвардия, ҳуқуқни муҳофаза қилувчи органларнинг вилоят бошқармалари раҳбарлари, шунингдек, давлат ва жамоатчилик ҳамда ёшлар ташкилотларининг вакиллари иштирокида Мотамсаро она ҳайкали пойига гулчамбар қўйиб, тинчлик учун, авлодлар келажаги учун жон фидо қилган юртдошларимиз хотирасига ҳурмат бажо келтирилди. 
Шундан сўнг ҳарбий техника юриши ва турли ҳарбий қисмлар хизматчилари қўшиқ куйлаган ҳолда кўча бўйлаб саф тортиб ўтишди. 
Хотира хиёбонидан бошланган ва кўча бўйлаб саф тортиб ўтган ҳарбийлар, ҳарбий техникалар намойишини юртдошларимиз кузатиб, олқишлашди.
 Вилоят мусиқали драма театрида давом этган тантанали маросим байрамга ўзгача шукух бағишлади. Вилоят ҳокими, ҳарбий-маъмурий сектор раҳбари Фарход Эрманов Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёевнинг Қуролли Кучларимиз ташкил этилганининг 29 йиллиги ва Ватан ҳимоячилари куни муносабати билан байрам табригини ўқиб эшиттирди.
Ўзбекистон Республикаси Президентининг Фармонига мувофиқ бир гуруҳ ҳарбий хизматчилар давлатимизнинг юксак мукофотлари билан тақдирланган эди. Тадбирда ана шу мукофотлар ўз эгаларига тантанали топширилди. 
Бундан ташқари хизмат фаолиятида ўрнак кўрсатаётган, вазифаларини бажаришда юқори касбий маҳорати ва шахсий ибрати, жамоат ишларидаги фаоллиги ва байрам муносабати ҳарбий қисмлар ҳамда муассасаларнинг ҳарбий хизматчилари, ҳуқуқни муҳофаза қилувчи идоралар ва жамоат ташкилотлари ходимлари вилоят ҳокимининг Фахрий ёрлиғи ва қимматбаҳо совғалари билан тақдирланди.
Тадбирда таниқли хонандалар томонидан ҳарбий-ватанпаварлик руҳидаги қўшиқлар янгради. Айниқса, мамлакатимиз мустақиллигини мустаҳкамлаш ёш авлодни ватанпарварлик ва миллатпарварлик руҳида тарбиялашга бағишланган саҳна кўринишлари барчада унутилмас таассурот қолдирди.

14 январь - Ватан ҳимоячилари куни муносабати билан Қўшкўпир туман ҳокими Жўрабек Раҳимов ҳамда ДХХ Хоразм вилояти бошқармаси  бошлиғининг чегара масалалари бўйича ёрдамчиси Исматулла Алмуратов  Ғозовот чегара постида бўлиб, ҳарбий хизматчилар билан учрашдилар. Дастлаб ҳарбийларга яратилган шарт-шароитлар билан танишдилар. Ҳоким  ҳарбийларга ўз тилакларини баён этар экан, улар билан ҳар бир элдошимиз фахрланишини алоҳида таъкидлаб ўтдилар. Шунингдек, ўтаётган ҳар бир тинч-тотув кунларимиз учун  уларга ўз миннатдорчилигини билдирдилар. 
-Ҳокимимиз ўз сўзларида қайта-қайта бизга катта ишонч  билдирар эканлар, бу бизни янада руҳлантирди. Албатта, бундай тинч, осуда, фаровон юртни мардонавор ҳимоя қилиш ҳар биримизнинг бурчимиз эканлигини янада чуқурроқ ҳис этдик,-дейди катта лейтенант Хўжабек Омонов.
Тадбир якунида ҳарбий хизматчиларга байрам совғалари топширилди. Ҳа,  мард, жасур, матонатли ўғлонларимиз бор экан, чегараларимиз ҳамиша мустаҳкам бўлаверади.