Click to listen highlighted text!

Агросаноатда “Бухоро тажрибаси”

Давлатимиз раҳбари 12–13 март кунлари вилоятимизда бўлиб, жойларда амалга оширилаётган ислоҳотларнинг бориши, йирик лойиҳалар билан яқиндан танишди. Вилоятда ижтимоий–иқтисодий жабҳада рўёбга чиқарилаётган кенг қамровли ишларни кўздан кечириш асносида қўшни Бухоро вилояти тажрибасини ўрганиш ва уни амалда қўллаш юзасидан тавсия ва топшириқ ҳам берди. Бугун вилоят ҳокими Ф.Эрманов бошчилигидаги делегация Бухоро вилоятига ташриф буюрди.

Делегация аъзолари дастлаб "BCT Cluster" хорижий корхонаси таркибида Ромитан туманида ташкил этилган "BCT CLUSTER AGROKOMPLEKS" МЧЖга қарашли далаларда бўлиб, дала–деҳқончилик ишларини ташкил этиш жараёни билан яқиндан танишдилар. Шундан сўнг мазкур ишлаб чиқариш жараёнининг узвий давоми саналган Бухоро шаҳридаги "Bukhara Cotton Textile" қўшма корхонасида бўлишди.Бу ердаги биргинатўқимачилик корхонасида мингдан ортиқ йигит-қиз меҳнат қиляпти. Умуман эса пахта-тўқимачилик кластерида жами 4,5 мингта иш ўрни яратилган.

Делегация аъзолари бу йирик мажмуадаги иш жараёнини синчковлик билан кузатдилар. Ўзларини қизиқтирган кўплаб саволларга жавоб олдилар. Бу бежиз эмас, албатта. Негаки, Хоразмда келгуси йилда пахтани қайта ишлаш даражасини 100 фоизга, калава ипни уч йилда 35 фоиздан 70 фоизга етказиш бўйича чора-тадбирлар белгиланмоқда. Бу ишларни амалга оширишда эса Бухорода тўпланган тажриба аҳамият касб этади.

– Амалий семинар давомида биз Президентимиз топшириқларига кўра, Бухоро шаҳрида амалга оширилаётган бунёдкорлик, ободончилик ишлари билан танишишдик, – дейди Хоразм вилояти ҳокими ўринбосари Ш. Тўлаганов. – Шунингдек, ушбу пахта-тўқимачилик кластерида ҳам бўлдик. Бу ерда юқори технологиялар асосида турк мутахассислари кўмагида маҳаллий ёшлар томонидан сифатли, бозорбоп маҳсулотлар чиқариляпти. Муҳими, далада ишловчилар қўшимча қийматдан баҳраманд. Кластер тизимининг устувор жиҳатларидан бири ҳам шунда. Бу ердаги бой тажрибани ҳар бир тадбиркор ўрганиши керак. Бизда ҳам шунга ўхшаш корхоналар бор. Ўрганганларимизни вилоятимизда ҳам албатта, татбиқ этамиз.

Добавить комментарий

Оставить комментарий