Click to listen highlighted text!
Хоразм вилояти ҳокимлиги

2020 йил ҳосили учун ғалла экиш бўйича семинар бўлиб ўтди

       Вилоятда 2020 йил ҳосили учун 33,2 минг гектар, шундан 29 минг гектари ғўза қатор орасига ва 4178 гектари очиқ майдонларга экилиши режалаштирилиб, ғалла экиш ишларини 25 сентябргача якунлаш белгилаб олинди. Бунинг учун ғаллани навлар бўйича жойлаштириш ва кузги ғаллани экишнинг ташкилий чора тадбирларини ишлаб чиқишда жорий йилда эришилган натижалар, шунингдек айрим фермер хўжаликлари томонидан йўл қўйилган хато-камчиликлар таҳлил қилиниб амалга ошириладиган тадбирлар, иш тизими режалаштирилди. Бу йил барча майдонларга 550 килограммдан минерал ўғитлар (150 кг.карбамид) бериб экилади. Бунда даланинг шароитига алоҳида (қумлоқ ва соға ерлар бўйича) этибор қаратилиб, далага минерал ўғит киритилмаса, уруғлик дон берилмаслиги қайд этилди. Бунинг учун талаб қилинадиган 18260 тонна 68,5 млрд сўмлик фосфорли ва азотли минерал ўғитлар заҳираси яратилган бўлиб, ўғитларни ўз маблағлари ва тижорат кредити ҳисобидан етказиб берилиши белгиланган. 

       917 та фермер хўжаликларига 17,1 млрд сўм тижорат кредити ажратилиши ҳисоб-китоб қилиниб, бугунги кунда 576 та фермер хўжаликларига 12,6 млрд сўмлик кредит ажратиш учун йиғма жилдлар тайёрланган. Экиш ишлари 101 экиш отрядлари ва уларга бириктирилган жами 2055 та техника ва агрегатлар ёрдамида жумладан 42 та очиқ майдонларга дон экиш сеялкалари, 620 та қатор орасига ишлов берувчи мосламалар ёрдамида амалга оширилади. Отряд раҳбарлари кузги ғаллани ҳар йилгидан эрта муддатларда ва юқори агротехника қоидалари асосида сифатли қилиб экилишига ва тўлиқ кўчат ундириб олинишига жавоб беради. 


Экиш мавсумида қатнашадиган 620 та культиваторчиларнинг ҳар бирига 10 млн сўмдан, жами 6,2 млрд сўмлик иш ҳақи тўланиши режалаштирилди, 2020 йил ҳосили учун хар бир туманда сув таъминоти оғирроқ ерларда 100 гектардан кластер усулида ғалла етиштиришни ва унда ёмғирлатиб суғоришни ташкил қилиб, бу ташаббусни вилоят ва туман қишлоқ хўжалиги ташкилотлари раҳбарлари бошлаб берадилар. Ғўза қатор ораларини ғалла экишга тайёрлаш ва экишда: дала бегона ўтлардан батамом тозаланган бўлиши, сифатли дефолиация қилиниши керак. Шунингдек ғалла экиб тугатилган ва челлари олинган далаларда чел тагларини қўлда экишни ташкил этиш керак, - дейди вилоят ҳокимининг қишлоқ ва сув хўжалиги масалалари бўйича ўринбосари Ўктам Қурбанов. Семинарда вилоят ҳокими Ф.Эрманов қатнашди ва сўзга чиқди.
Добавить комментарий

Оставить комментарий

Кликните на изображение чтобы обновить код, если он неразборчив