Маълумки, Конституциявий қонун лойиҳасида Конституциямизнинг 60 дан ортиқ моддаларига 200дан ортиқ тузатишлар киритилиши назарда тутилмокда. Конституцияга киритилаётган ўзгартишлар "инсон-жамият-давлат" принципига асосланган бўлиб, миллий конституциявий ўзликни акс эттиради. Жамиятнинг турли ижтимоий қатламларига мансуб бўлган фуқароларнинг шахсий, ижтимоий, иқтисодий, сиёсий, маданий ва экологик ҳуқуқлари ҳамда манфаатларини таъминлашга, ҳимоя қилишга қаратилган тўғридан-тўғри ишлайдиган нормаларга айланади.
Тадбирда Ўзбекистон Республикаси Президентининг Хоразм вилоятидаги Халқ қабулхонаси масъул ходими, юридик фанлар номзоди Яраш Олламов томонидан Бош қомусимизга киритилаётган ўзгартиш ва қўшимчалар, уларнинг мазмун-моҳияти тўғрисида батафсил маълумот берилди.
Хоразм вилояти ҳокимлиги матбуот хизмати