Урганч шаҳридаги Ёшлар марказида Ўзбекистон Республикаси Президенти томонидан илгари сурилган ташаббус доирасида ҳар бир маҳаллада жорий этилаётган вилоят ҳокимининг ёрдамчиси – ёшлар етакчиси лавозими, унинг мақсад ва вазифалари хусусида давра суҳбати бўлиб ўтди.
Тадбирда Ўзбекистон Республикаси Президенти ҳузуридаги Давлат хизматини ривожлантириш агентлиги Хоразм вилояти филиали, Ёшлар ишлари агентлигининг вилоят бошқармаси ва Хоразм вилояти ҳокимлиги ҳузуридаги фуқароларнинг ўзини ўзи бошқариш органлари ҳодимларининг малакасини ошириш маркази вакиллари, маҳалла фуқаролар йиғинлари раислари иштирок этди.
Маҳаллада ёшлар етакчиси лавозимига танловда иштирок қилиш учун номзодлар Давлат фуқаролик хизматчилари вакант лавозимларининг ягона очиқ портали (https://vacancy.argos.uz/) орқали рўйхатдан ўтишлари, сўралган ҳужжатларни электрон шаклда тақдим этишлари зарурлиги тушунтирилди.Хоразм вилояти ҳокимлиги матбуот хизмати