Хусусан, карантин даврида Хоразм вилоятининг барча чекка худудларида 350 дан ортиқ кўчма савдо ярмаркалари, турғун савдо дўконлари ўз фаолиятини бошлади. Эзгу ниятлар билан марказий деҳқон бозоридан озиқ-овқат ва қишлоқ хўжалиги махсулотлари билан тўлдирилган автодўконлар Урганч тумани маҳаллаларига ҳам кириб борди. Урганч туманидаги мавжуд 58 та маҳаллаларда 197 минг нафардан ортиқ аҳоли истиқомат қилмоқда. Туманда ташкил этилган ярмарка расталарини тўлдириб турган гўшт, картошка, пиёз, тухум, ёғ, помидор, бодринг каби бирламчи истеъмолпоб махсулотлар арзонлаштирилган нархларда етказиб берилди. Хоразм вилоят прокуратураси ва Бош прокуратура ҳузуридаги Департаментнинг вилоят бошқармаси, унинг ҳудудий бўлимлари ҳамда туман ҳокимлиги томонидан кўчма савдо ярмаркаларида барча турдаги озиқ-овқат маҳсулотларининг таъминоти ва захирасига, уларнинг сифати ва нархлар барқарорлигига алохида эътибор қаратилмокда.
Кўчма бозорларда 27 турдан ортиқ озиқ-овқат маҳсулотлари билан бирга аҳоли томорқаси учун зарур бўлган уруғлик кўчатлари, минерал ўғитлар ва хўжалик молларининг бир жойнинг ўзида сотилиши харидорлар учун янада қулайлик яратмоқда.
- Олдинлари марказий деҳқон бозоридан харид қилар эдик. Ҳозирги карантин сабабли, туманимизда кўчма бозор ташкил этилди. Бу ердаги маҳсулотларинг сифати ҳам яхши, нархи ҳам мўътадил. Мен бугун бозорчадар томорқа еримга экиш учун помидор, подринг кўчатлари олдим. Харидим баракалаи бўлди. Ташкилотларчилар ташаккур айтаман, - дейди урганчлик Қадамбой ота Оллаберганов
Айни кунда Хоразм вилоятида 519 та махаллалаларда 1 миллион 866 минг 729 минг нафар аҳоли истиқомат қилади. Вилоятда жами 10 та деҳқон бозори, 20 дан ортиқ йирик савдо шаҳобчалари ва супермаркетларда аҳоли учун зарур озиқ-овқат ва қишлоқ хўжалиги маҳсулотлари сотилмоқда. Бугунги кунда вилоят кесимида жами 350дан ортиқ кўчма савдо ярмаркалари ва турғун савдо дўконлари ташкил этилган. Уларга 132 та иссиқхона, 247 та совуткич ва 38 та омборхоналарда мавжуд озиқ-овқат ва қишлоқ хўжалиги махсулотлари тўғридан-тўғри етказиб берилмоқда. Урганч туманининг Қоромон қишлоғи вилоят марказидан узоқ масофада жойлашган. Бу ерда 4 минг нафарга яқин ахоли истиқомат қилади. “Қоромон” маҳалла фуқаролар йиғинда ташкил этилган кўчма савдо бозорчада аҳоли карантин қоидаларига риоя қилган ҳолда, оралиқ масофани сақлаб, кундалик эҳтиёжи учун зарур махсулотлар, дори-дармон, тиббий воситаларни харид қилишмоқда.
- Ҳозирги кунла аҳолимизда керагидан ортиқ озиқ-овқат маҳсулотларини харид қилиш холатлари кузатилмоқда. Лекин ундай ўринсиз ҳолат ортиқча ваҳимани уйғотади. Сабаби, карантин вақтида аҳолини зарур озиқ-овқат ва қишлоқ-хўжалиги маҳсулотлари билан таъминлаш ишлари узлуксиз йўлга қўйилган,- дейди Бош прокуратура ҳузуридаги Департаментнинг Хоразм вилояти бошқармаси катта инспектори Жаҳонгир Сапаев. - Хусусан, Департаментнинг вилоят бошқармаси томонидан йўл хариталари ишлаб чиқилиб, ишчи 20 та ишчи гуруҳ шакллантирилган. Ҳар бир кўчма бозорларга кундалик маҳсулотларни етказишда 50 га яқин таъминотчи корхоналар фаолият юритмоқда. Шу ўринда аҳолимиздан, ортиқча ваҳима қилмасдан, эҳтиёжи асосида ҳарид қилишни ва зарурат бўлмаса уйда қолишларини сўраймиз.
- Маҳалламиз аҳолиси асосан, деҳқончилик билан шуғулланади. Ҳозирда баҳорий экин экиш мавсуми. Шу ернинг ўзида арзонлаштирилган бозорчанингташкил этилгани ўз иссиқхонасида уруғлик кўчатлари ва полиз экинларинини етиштириб келаётган маҳалладошларимиз учун ҳам қулайлик яратди. Сабаби, департамент органларининг амалий кўмаги билан маҳалладошларимиз учун ҳам бозорчадан жой ажратилди. Улар узоққа бормасдан, шу ернинг ўзида тморқасида етиртирилган маҳсулотларини сотиб, оилавий даромадини янада яхшилашмоқда, - дейди маҳалла фаоли Марям опа Каримбоева
- Вилоятда нарх-навонинг барқарорлигини таъминлаш юзасидан соха ходимлари томонидан олиб борилган профилактик тадбирлар давомида деҳқон бозорларида 125 нафар, озиқ-овқат савдоси билан шуғулланувчи йирик савдо комплексларида 200 нафар шунингдек 739 нафар дорихона раҳбарлари расман огоҳлантирилган. Ўтказилган мониторинг натижаларига кўра 15 та ҳолатда озиқ-овқат ва қишлоқ-хўжалиги махсулотлари нархини асоссиз ошириш ҳолатлари юзсидан сотувчи ва тадбиркорлар билан тушунтириш ишлари олиб борилган, - дейди Бош прокуратура ҳузуридаги Департаментнинг Хоразм вилояти бошқармаси бошлиғи ўринбосари Расулбек Шерлиев.
Дилрабо КУРЯЗОВА
Бош прокуратура ҳузуридаги
ИЖҚК Департаментининг Хоразм вилояти бошқармаси
матбуот котиби