Карантин қоидаларига амал қилинг! Уйда қолинг

   Ҳозирги вақтда карантин қоидаларига амал қилган ҳолда таълим масканларида ўқиш вақтинчалик тўхтатилди. Шундай бўлишига қарамасдан, ўқувчиларнинг бўш вақтини мазмунли ташкил этиш ва фанларни ўз вақтида ўзлаштиришлари мақсадида онлайн таълим тизими тез фурсатда ишга туширилиб, фаолиятини олиб бормоқда. Бу борада Урганч шаҳарида тизимли ишлар йўлга қўйилган. Халқ  таълими бўлими тасарруфидаги барча умумий ўрта таълим мактаблари ота-оналар билан ҳамкорликда фарзандларининг таътил пайтида, “Уйда беш ташаббус”, “Уйда қолинг”, “Биз кучлимиз” шиори остида ўқувчилар билан масофавий таълим жараёнига алоҳида эътибор қаратишмоқда.