Аввал хабар берганимиздек Туркиянинг Адана ва Анталия шаҳарларида “Хоразм кунлари” ўтказилиши муносабати билан Огаҳий номидаги Хоразм вилоят мусиқали драма театри жамоаси хам Туркия давлатида ижодий сафарда бўлишмоқда.
Огаҳий номидаги Хоразм вилоят мусиқали драма театри жамоаси Эркин Самандар қаламига мансуб, режиссёр Журат Сотиболдиев томонидан саҳналаштирилган "Султон Жалолиддин” спектаклини 500 кишига мўлжалланган “Адана” театрида намойиш қилишди."Султон Жалолиддин” спектакли Хоразмнинг ўзига хос буюк тарихи кўрсатиб беришда, Хоразмнинг туризм салоҳиятини тарғиб қилишда ва юртимизга ташриф буюрувчи сайёҳлар оқимини ортишида муҳим аҳамият касб этади.