Бугун яна бир нодавлат тиббиёт муассаса "SEVINCH MEDICAL CENTER" клиникаси ўз фаолиятини бошлади. Тиббиёт муассасанинг очилиш маросимида Хоразм вилояти ҳоким Фарход Эрманов ва мутасадди ташкилот раҳбарлари хамда тиббиёт ҳодимлари иштирок этди. Клиникада амбулатор ва стационар шароитда абдоминал хирургия, урология, травматология, УЗИ, клиник лаборатори, неврология, гинекология, физиотерапия, пластик хирургия йўналишлари бўйича ахолига тиббий хизмат кўрсатилади.
Ўзбекистон Республикаси Президентининг “Соғлиқни сақлаш тизимининг хусусий секторини янада ривожлантириш чора-тадбирлари тўғрисида”ги ва “Хусусий тиббиёт ташкилотларини янада ривожлантириш бўйича қўшимча шарт шароитларни яратиш тўғрисида”ги қарорлари Соғлиқни сақлаш хусусий секторининг тез суратларда ривожланишига асос бўлмоқда.
Хоразм вилоятида 226 та хусусий тиббиёт муассасалари мавжуд бўлиб 202 та амбулатор ва 24 та стационар шароитда 44 турдаги ихтисосликлар бўйича 381 врач ва 411 хамшира аҳолига малакали тиббий хизмат кўрсатиб келмоқда
Ўтган йил 4 та хусусий клиникага 8 нафар чет эл мутахассислари жалб қилинди. Шу билан бирга, 2018 йил давомида 91 нафар чет-эл фуқароларига вилоят ҳудудида фаолият юритаётган нодавлат тиббий муассасалар томонидан тиббий хизмат кўрсатилган (Қирғизистон-6, Қозоғистон-12, Туркия-1, Туркманистон-72).
Жорий йил 38 та хусусий тиббиёт муассаслари шундан 16 та стационар 22 та амбулатор (3 таси хорижлик инвесторлар иштирокида) ташкил этилиши кўзда тутилган бўлиб, 267 та янги иш ўрни яратилиши режалаштирилган.
Хоразм вилояти ҳокимлиги Матбуот хизмати