Respublika Ma'naviyat va ma'rifat markazi hamda Xorazm viloyati ma'naviyat va ma'rifat Kengashi hamkorligida tayyorlangan ''Men ham harbiy bo'laman'' kitob-albomi taqdimoti Toshkent shahrida o'tkazildi.
Kitob-albomida milliy davlatchiligimiz hamda armiyamizning shakllanish tarixi, ajdodlarimizning qo'shin tuzish va jang olib borish tajribalari, shonli bayroqlarimiz, tarixiy xaritalar, harbiy unvon va mukofotlar, Mudofaa doktrinasi mazmun-mohiyati, harbiy hamda harbiylarga atalgan qo'shiqlar va shu kabi vatanparvarlikka, jasoratga chorlovchi ma'lumotlar, videodarslar aks ettirilgan.
Kitob respublikamizdagi barcha harbiy qismlar, harbiy muassasalarga, o'quv yurtlariga, umumta'lim maktablariga yetkaziladi.