Xalqaro ko‘zi ojizlar sport federatsiyasi tomonidan para dzyudo bo‘yicha Parij-2024 yozgi Paralimpiya o‘yinlari litsenziyasini beruvchi yakuniy reyting e’lon qilindi.
E’tiborlisi, ushbu reyting natijalariga ko‘ra 8 nafar O‘zbekistonlik para dzyudochi Fransiya poytaxtida bo‘ladigan Paralimpiya o‘yinlari litsenziyasiga ega bo'ldi.
Ular ichida Xorazm farzandi -73 kg vazn toifasida Uchqun Quronboyev (J2) Paralimpiya o‘yinlari litsenziyasini qo‘lga kiritdi.
Ma’lumot uchun, Parij-2024 yozgi Paralimpiya o‘yinlarining para dzyudo musobaqalari 5-7 sentyabr kunlari “Champ-de-Mars Arena”sida bo‘lib o‘tadi.