Бугун вилоят ҳокими Жўрабек Рахимов тиббиёт ва фармацевтика соҳаси вакиллари билан учрашди.

Бугун вилоят ҳокими Жўрабек Рахимов тиббиёт ва фармацевтика соҳаси вакиллари билан учрашди. Видеоалоқа шаклида ўтказилган учрашувда вилоятдаги барча тиббиёт муассасаларининг бош шифокорлари ва бўлим мудирлари,  фармацевтика корхоналари ва хусусий дорихоналар раҳбарлари, тиббиёт йўналишидаги олий ва ўрта махсус ўқув юртлари профессор-ўқитувчилари иштирок этдилар.
 Учрашувда жорий йилнинг  28 ноябрь куни фармацевтика  саноатида ишлаб чиқаришни янада қўллаб-қувватлаш масалаларига бағишлаб ўтказилган видеоселектор йиғилишида давлатимиз раҳбари томонидан белгилаб берилган вазифалар ижроси кенг муҳокама қилинди. Вилоят ҳокими аҳолига тиббий хизмат кўрсатиш сифатини яхшилаш, дори-дармон таъминоти, соғлом турмуш тарзини тарғиб этиш борасидаги муаммоларни чуқур таҳлил этиб, мавжуд камчиликларни бартараф этиш  чора-тадбирлари ҳақида тўхталди. Учрашув иштирокчилари муҳокама этилган масалалар юзасидан ўзларининг таклиф, фикр ва мулоҳазаларини билдирдилар.