Бугун Урганч шаҳридаги “Хоразм” спорт мажмуасида Ўзбекистон биринчилиги Про лигасининг 22-туридан ўрин олган “Хоразм” ва “Андижон” жамоалари ўртасидаги футбол мусобақаси ўтказилди. Таъмирлаш ишлари якунига етгач ушбу спорт мажмуаси яна минглаб футбол мухлисларини ўз бағрига чорлади.
Мусобақа бошланишидан олдин Хоразм вилояти ҳокими Фарход Эрманов вилоятда инфратузилмасини ривожлантириш, соҳа мутахассисларини тайёрлаш ҳамда уларни моддий рағбатлантириш, футбол клубларини қўллаб-қувватлаш борасида амалга оширилган ишларга тўхталди ва мусобақа қатнашчиларига омад тилади.
Хоразм вилояти ҳокимлиги матбуот хизмати