Эркин ва мустақил матбуот — давлат идораларининг шаффофлигини ҳамда ҳисобдорлигини, фуқароларнинг ахборот олиш, шунингдек, коррупцияга қарши курашиш ҳуқуқини таъминлайди. Ахборотнинг очиқлиги, ишончлилиги ва холислиги айниқса, COVID-19 пандемияси даврида долзарбдир.
Азиз журналист ва блогерлар! “Юксалиш” умуммиллий ҳаракати меҳнатингизни қадрлайди ва ҳурмат қилади. Сизлар — бизнинг асосий ҳамкоримизсизлар. Танлаган касбингизда профессионаллигингиз, журналистика принципларига содиқлигингиз учун миннатдорлик билдирамиз!
Сизларни 3 май — Жаҳон матбуот эркинлиги куни билан табриклаймиз! Ўзгача ғоялар ва янги ижодий лойиҳаларни бошлашингизда куч-ғайрат тилаймиз! Касбий бурчингизни бажариш йўлида имкониятлар кўпроқ ва тўсиқлар камроқ бўлсин!