Урганч давлат университети ҳудудида 500 ўринли талабалар турар жойи қурилиб фойдаланишга топширилди. Мазкур бинони қуриш ва жиҳозлаш ишлари университетнинг бюджетдан ташқари ишлаб топилган маблағлари ҳисобидан амалга оширилди.
Бинонинг ҳар бир қаватида 72 ўринли 2 та ошхона, маданий дам олиш хоналари, ахборот ресурс маркази, шунингдек хориждан таклиф этилган профессор-ўқитувчилар учун меҳмонхона типидаги 25 кишига мўлжалланган алоҳида яшаш хоналари мавжуд.
Ёшларнинг бандлигини таъминлаш, касб-ҳунарга ўргатиш мақсадида бинонинг ертўла қисмида ёшлар инкубацион, коворкинг, ахборот технологиялари ва ҳунармандчилик марказлари ташкил этилди.
