Шу йилнинг 17-феврал куни “yahgicha TV”“YouTube@ ижтимоий тармоғида “YANGIARIQ TUMANIDAN AYOLLAR PREZIDENTGA ISH SO'RAB MUROJAAT QILISHMOQDA”сарлавҳаси билан ёритилган танқидий чиқишга
РАСМИЙ МУНОСАБАТ
Бу шу мавзудаги иккинчи танқидий видеомурожаат бўлиб, биринчиси ўтган йилнинг 30 –ноябр куни “ BIZGA ISH KERAK! “Yangiariq-bugun” ижтимоий тармоғи орқали "ЯНГИАРИҚ ТУМАНИДАГИ 30 ГА ЯҚИН ТИКУВЧИ АЁЛ-ҚИЗЛАР ИШСИЗ ҚОЛИШГАНИ РОСТМИ?" сарлавҳаси билан тарқатилган видеомурожаатга расмий муносабат билдирилган.
Ҳақиқатдан ҳам Янгиариқ тумани Пахта тозалаш АЖ га қарашли "ЯНГИАРИҚ ЧЕВАРЛАРИ"тикувчилик цехи 2017-йилда ишга туширилган бўлиб,шу йили 80 нафар ишчи фаолият кўрсатган. Кейинги йилларда ишчилар сони талаб ва таклифдан келиб чиқиб кескин қисқарган.
Ўзбекистон Республикаси Президентининг жорий йилнинг 6- мартида қабул қилинган “Пахтачилик соҳасида бозор тамойилларини кенг жорий этиш чора-тадбирлари тўғрисида”ги қарори ижроси доирасида Янгиариқ туманида ҳам “Янгиариқ-текс” МЧЖ пахта –тўқимачилик кластери ташкил этилди.Корхона таъсисчилари томонидан туман Пахта тозалаш АЖ га қарашли "ЯНГИАРИҚ ЧЕВАРЛАРИ"тикувчилик цехи биноси ва замонавий тикувчилик дастгоҳларини сотиб олиш кўзда тутилмаган. Тикувчилик цехининг бино иншоотлари ва тикув дастгоҳлари жамият кузатув кенгаши қарори билан аукцион савдолари оркали сотувга чиқарилган.Маълумот ўрнида айтиш мумкинки бино - 1 миллиард 249 млн сўм, тикув дастгохлари 180 млн. сўмга баҳоланган.
Шу йилнинг 22-феврал куни туман ҳокими Анвар Давлетов ишсиз қолган аёллар билан учрашиб уларнинг муаммолари кўриб чиқилаётгани ва яқин орада корхона иш бошлаши билан, биринчи навбатда олдин шу цехда фаолият кўрсатган тикувчи хотин-қизларнинг иши ижобий ҳал этишини билдирди.