Вилоят ҳокимлиги, жисмоний тарбия ва спорт бошқармаси, Қўл жанги федерацияси ҳамкорлигида ёшлар ҳамда ҳуқуқни муҳофаза қилиш идоралари ходимлари ўртасида тўққиз вазн тоифаси бўйича ўтказилган мусобақаларда 150 нафардан зиёд спортчи иштирок этди.
Мусобақаларнинг якуний натижаларига кўра, умумжамоа ҳисобида ёшлар ўртасида 1-ўринга Урганч шаҳар қўл жанги маркази жамоаси, иккинчи ўринга Хива, учинчи ўринга Шовот тумани жамоалари сазовор бўлди.Ҳуқуқни муҳофаза қилиш идоралари ходимлари ва Қўл жанги федерацияси Хоразм вилояти бўлими ўртасида умумжамоа ҳисобида биринчи ўрин Қўл жанги федерацияси Хоразм вилояти бўлими, иккинчи ўрин ИИБ ТВБСО бошқармаси, учинчи ўрин Миллий гвардия вилоят бошқармасига насиб этди.
Ғолиб ва совриндорлар вилоят ҳокимининг диплом, камар ҳамда қимматбаҳо совғалари билан тақдирланди.
Тадбирда вилоят ҳокими Ф.Эрманов қатнашди ва сўзга чиқди.