Ҳар йили анъанавий тарзда октябрь ойининг сўнгги кунларида нишонланиб келинаётган “Автомобилчилар куни”муносабати билан вилоят транспорт бошқармаси томонидан байрам тадбири ташкил қилинди. Тадбирда соҳада амалга оширилаётган ҳамда соҳа ривожи учун келгусида режалаштирилаётган ишлар юзасидан сўз олиб борилди.
Байрам муносабати билан транспорт соҳасида меҳнат қилиб, тизим ривожига муносиб ҳисса қўшган, умрини автомобиль соҳасига бағишлаган фидойиларга вилоят ҳокими ўринбосари Б.Қурбанов томонидан табрик сўзи йўлланди.
Ватан истиқболи ва юрт тинчлиги, мамлакатимиз ижтимоий-иқтисодий салоҳияти ҳамда самарали меҳнатлари учун хисса қўшиб келаётган бир гурух соҳа мутахассислари ва ходимлари фахрий ёрлиқ билан тақдирландилар.
Хоразм вилояти Транспорт бошқармаси Матбуот хизмати